நடிகர் விமல் வீட்டில் நடந்த பங்க்ஷன்.. நண்பர் சூரியின் ஸ்பெஷல் என்ட்ரி.. குவிந்த தங்க நகை

Published: Monday, May 11, 2026, 9:16 [IST]

Subscribe to Oneindia Tamil

சென்னை: தமிழ் சினிமாவில் கிராமத்து கதாபாத்திரங்கள் மூலம் தனக்கென ஒரு இடத்தை பிடித்திருக்கும் நடிகர் , தற்போது தனது குடும்ப நிகழ்வால் மீண்டும் சமூக வலைதளங்களில் கவனம் ஈர்த்துள்ளார். சமீபத்தில் அவரது இரண்டு குழந்தைகளுக்கான காதணி விழா சிறப்பாக நடைபெற்றுள்ளது. இந்த விழாவில் எடுக்கப்பட்ட புகைப்படங்கள் மற்றும் வீடியோக்கள் இணையத்தில் வைரலாக பரவி வருகின்றன.

விமல் குடும்பத்தில் சந்தோஷ விழா

நடிகர் விமலின் மகன் மற்றும் மகளுக்கு சமீபத்தில் காதணி விழா நடத்தப்பட்டு இருக்கிறது. இந்த காதணி விழா பாரம்பரிய முறையில் மிக விமரிசையாக நடத்தப்பட்டுள்ளது. குறிப்பாக, 108 தட்டுகளில் விதவிதமான அலங்கார பொருட்கள் வைத்து ஆரத்தி எடுத்த காட்சி அனைவரையும் கவர்ந்துள்ளது. குடும்ப உறவினர்கள் மட்டுமின்றி, பல நண்பர்கள் மற்றும் திரையுலகத்தைச் சேர்ந்தவர்களும் கலந்து கொண்டு விழாவை சிறப்பித்துள்ளனர்.

விழாவில் கலந்து கொண்டவர்கள் பலரும் குழந்தைகளுக்கு தங்க நகைகள் உள்ளிட்ட பரிசுகளை வழங்கியதாக கூறப்படுகிறது. இதனால், விழா மிகவும் கோலாகலமான குடும்ப கொண்டாட்டமாக மாறியுள்ளது.

நடிகர் சூரியின் வருகை

இந்த நிகழ்ச்சியில் நடிகர் சூரி முதலாவதாக கலந்து கொண்டதாக தகவல்கள் வெளியாகியுள்ளன. விமலின் நெருங்கிய நண்பரான சூரி, நிகழ்ச்சியில் கலந்து கொண்டு குடும்பத்தினருடன் நேரம் செலவிட்டதுடன், ரசிகர்களுடனும் புகைப்படங்கள் எடுத்துள்ளார். அந்த புகைப்படங்கள் தற்போது சமூக வலைதளங்களில் வேகமாக பரவி வருகின்றன.

காதல் திருமணம்

நடிகர் விமல், அக்ஷயா என்பவரை காதலித்து திருமணம் செய்துகொண்டவர். இருவரின் காதலுக்கும் ஆரம்பத்தில் குடும்பத்தினரின் எதிர்ப்பு இருந்தாலும், பின்னர் அவர்கள் ஒன்றிணைந்து வாழ்க்கையை தொடங்கினர். அக்ஷயா ஒரு மருத்துவராக பணியாற்றி வருகிறார். இந்த தம்பதிக்கு தற்போது மூன்று குழந்தைகள் உள்ளனர்.

வைரலாகும் வீடியோக்கள்

இந்த காதணி விழாவில் நடைபெற்ற அனைத்து நிகழ்ச்சிகளும் வீடியோவாக பதிவு செய்யப்பட்டு சமூக வலைதளங்களில் பகிரப்பட்டுள்ளன. குறிப்பாக ஆரத்தி எடுக்கும் காட்சிகள், தங்க நகைகள் வழங்கும் தருணங்கள், குடும்பத்தினரின் மகிழ்ச்சி என இவை ரசிகர்களை கவர்ந்துள்ளது.