சொந்தக்காரங்க கூட இப்படி எல்லாம் பேச மாட்டாங்க! ஆனால், ரஜினி கேட்ட கேள்வி.. நெகிழ்ந்த ஆர்த்தி கணேஷ்

Updated: Thursday, May 29, 2025, 6:30 [IST]

Subscribe to Oneindia Tamil

சென்னை: நடிகை ஆர்த்தி கணேஷ் குழந்தை நட்சத்திரமாக சினிமாவில் அறிமுகம் ஆகி இப்போது காமெடி நடிகையாகவும் குணசித்திர வேடங்களிலும் நடித்துக் கொண்டிருக்கிறார். அவர் சமீபத்தில் ஒரு பேட்டியில் நடிகர் ரஜினிகாந்த் தங்களிடம் கேட்ட கேள்வி குறித்து மகிழ்ச்சியாக பேசி இருக்கிறார். சொந்த பந்தங்கள் கூட இவ்வளவு உரிமையாக விசாரிக்க மாட்டார்கள். ஆனால் ரஜினி எங்களிடம் உரிமையாக பேசினார், என்னுடைய எதிர்காலம் குறித்தும் அட்வைஸ் செய்தார் என்று ஆர்த்தி ரஜினியை புகழ்ந்திருக்கிறார்.

நடிகை ஆர்த்தி கணேஷ் கோவை சரளா, மனோரமா போல காமெடியில் தனித்துவமாக சிறந்து விளங்கி வருகிறார். 65 படங்களுக்கு மேலாக குழந்தை நட்சத்திரமாக சினிமாவில் நடித்திருக்கிறார். அதிலும் என் தங்கை கல்யாணி படத்தில் நடிகர் கனிஷ்கரின் தங்கையாக நடித்திருந்தார். பிறகு பல வருடங்கள் கழித்து இருவரும் காதலித்து திருமணம் செய்து கொண்டனர்.

ஆர்த்தியின் திறமை

சன் டிவியில் அசத்தப்போவது யாரு நிகழ்ச்சியில் நடுவராக இருந்தார். அதுபோல மானாட மயிலாட நடன நிகழ்ச்சிகளிலும் கணவரும் மனைவியும் கலந்து கொண்டு டான்ஸ் ஆடி இரண்டாவது பரிசையும் பெற்றிருந்தனர். அதுபோல பிக் பாஸ் நிகழ்ச்சியிலும் ஆர்த்தி கலந்து கொண்டிருந்தார். இவருடைய உடல் எடை குறித்து பலர் கலாய்தாலும் அதையே தனக்கு சாதகமாக வைத்து அனைவரையும் சிரிக்க வைத்துக் கொண்டிருக்கிறார்.

ஆர்த்தி நடித்த திரைப்படங்கள்

பொல்லாதவன் படத்தில் இவர் செய்த அறந்தாங்கி கேரக்டர் பெரிய அளவில் இவருக்கு பாராட்டு வாங்கி கொடுத்தது. அதுபோல தனுசுடன் பல திரைப்படங்களில் இவர் நடித்திருக்கிறார். இந்த நிலையில் சமீபத்தில் ஒரு பேட்டியில் ஆர்த்தி கலந்து கொண்டு சினிமா வாழ்க்கையில் நடந்த பல விஷயங்கள் குறித்து பேசி இருந்தார். அப்போது தன்னுடைய கணவரின் பிறந்தநாள் பற்றியும் அந்த பிறந்தநாளுக்கு நடிகர் ரஜினியிடம் ஆசீர்வாங்கியது குறித்தும் பகிர்ந்து இருக்கிறார்.

ரஜினியுடன் சந்திப்பு

அதில் ஆர்த்தி பேசும் போது ஒவ்வொரு வருஷமும் பிறந்த நாளுக்கு நாங்க ரெண்டு பேருமே ரஜினி சார் வீட்டிற்கு போய்விடுவோம். ரஜினி சார் சென்னையில் இருந்தால் நேரில் பார்த்து ஆசிர்வாதம் வாங்கிடுவோம். இந்த வருஷம் அவர் சென்னையில் தார் இருந்தார். அதனால் கடந்த மே பத்தாம் தேதி கனிஷ்கர் பிறந்தநாளுக்கு வரலாமா என்று அவரிடம் கேட்டுவிட்டு ரஜினியை சந்தித்தோம்.

ஆர்த்தி நெகிழ்ச்சி

அப்போது அவர் நாங்கள் நடித்துக்கொண்டு இருக்கிற படங்கள் பற்றி கேட்டு நிறைய அட்வைஸ் தந்தார். அதிலும் சினிமா தாண்டி வருமானத்திற்கு ஏதாவது வழி பண்ணி வைக்கணும் என்று அக்கறையோடு சொன்னார். சொந்தக்காரங்க கூட இப்படி எல்லாம் அக்கறை படுவாங்களான்னு தெரியாது. ஆனால் ரஜினி சார் அவ்ளோ அக்கறையாக எங்க கிட்ட பேசிகிட்டு இருந்தாரு என்று ஆர்த்தி மகிழ்ச்சியாக பேசி இருக்கிறார். அதுபோல ரஜினியோடு எடுத்த புகைப்படங்களையும் தங்களுடைய சோசியல் மீடியா பக்கங்களில் பகிர்ந்து இருக்கிறார்.