மீண்டும் ஒன்றாக காலடி எடுத்து வைத்த ஐந்தாவது சீசன் அணி...வேற லெவல் மூவ்மெண்ட் தான்

Published: Saturday, January 22, 2022, 12:06 [IST]

Subscribe to Oneindia Tamil

சென்னை: விஜய் டிவியில் மீண்டும் களமிறங்கும் பிக்பாஸ் அணியினர் புகைப்படங்கள் தற்போது ரசிகர்களால் அதிகமாக பகிரப்பட்டு வருகிறது.

தற்போது நடந்து முடிந்த ஐந்தாவது சீசன் அணியின் வெற்றிக் கூட்டணியை மீண்டும் விஜய் டிவியில் பார்த்ததும் ரசிகர்கள் கொண்டாடி வருகின்றனர்.

ஐந்தாவது சீசனை தொட்ட பிக் பாஸ்

விஜய் டிவியில் ஒளிபரப்பாகி வரும் ஒருசில ரியாலிட்டி ஷோக்கள் ரசிகர்களின் மத்தியில் நல்ல வரவேற்பை பெற்று வருகிறது. ரசிகர்களின் ஆதரவு காரணமாக தான் ஒரு சீசன் முடிந்தாலும் தொடர்ந்து பல சீசன்கள் அதே பெயரில் ஒளிபரப்பப்பட்டு வருகிறது. அந்த வகையில் அதிகமான டிஆர்பியை அதிகரித்து வரும் ஒரு நிகழ்ச்சியாக பிக்பாஸ் நிகழ்ச்சி இருந்து வருகிறது. இந்த நிகழ்ச்சியில் கலந்து கொண்டாலே போதும் தங்களுடைய வாழ்க்கை மாறிவிடும் என்று பல போட்டியாளர்கள் நினைத்துக் கொண்டிருப்பதால் தான் இதில் போட்டி போட்டுக்கொண்டு கலந்துகொள்கிறார்கள். அந்த வகையில் தற்போது பிக்பாஸ் நிகழ்ச்சி ஐந்தாவது சீசனை முடிவடைந்துள்ளது.

மீண்டும் வந்த பிரபலங்கள்

ஐந்தாவது சீசனில் கலந்துகொண்ட போட்டியாளர்கள் மீண்டும் விஜய் டிவியில் ஸ்டார் மியூசிக் நிகழ்ச்சியில் கலந்து கொண்டிருக்கிறார்கள். இதில் ஏற்கனவே விஜய் டிவியில் பிரபலங்கள் பலர் இந்த நிகழ்ச்சியில் கலந்து கொண்டு ரசிகர்களை என்டர்டைன்மென்ட் பண்ணிக் கொண்டிருப்பது போல, இவர்களும் வேற லெவல் பர்பாமன்ஸ் பண்ண காத்திருக்கின்றனர். இந்த நிகழ்ச்சியில் எடுத்த இவர்களுடைய போட்டோக்கள் தற்போது சமூக வலைத்தளங்களில் பகிரப்பட்டு ரசிகர்களால் அதிகமாக பகிரப்பட்டு வருகிறது. இதை பார்த்ததும் ஏற்கனவே இவர்களை ஒரு சில நாட்களாக மிஸ் பண்ணி வந்த ரசிகர்கள் மீண்டும் இவர்களைப் பார்த்த மகிழ்ச்சியில் இருந்து வருகின்றனர்.

ரசிகர்களுக்கு மகிழ்ச்சியான நிகழ்ச்சி

ரசிகர்கள் பலர் தங்களுடைய மனக்கவலையை குறைப்பதற்காகவும், முகத்தில் சந்தோஷத்தை ஏற்படுத்துவதற்காகவும் தான் சின்னத்திரை நிகழ்ச்சிகளை தொடர்ந்து பார்த்து வருகின்றனர். அந்த வகையில் இந்த ஸ்டார் மியூசிக் நிகழ்ச்சி ரசிகர்களை அதிக அளவில் கவர்ந்து வரும் என்று எதிர்பார்க்கப்படுகிறது. காரணம் இதில் மதுமிதா, சிபி, பிரியங்கா, ராஜு,நிரூப், ஐக்கி பெர்ரி போன்றோர் கலந்து கொண்டுள்ளனர். இவர்களின் அன்பு கூட்டணியை பார்த்ததும் ரசிகர்கள் எப்போது இந்த நிகழ்ச்சி ஒளிபரப்பாகும் என்று ஆர்வத்தோடு கேள்விகளை எழுப்பி வருகின்றனர்.

மதுமிதா வெளியிட்ட போட்டோஸ்

பிக் பாஸ் நிகழ்ச்சிக்கு பிறகு மீண்டும் பிரியங்கா விஜய் டிவியில் காலடி எடுத்து வைத்து இருப்பதால், இவர் மீண்டும் இனி தொகுப்பாளராக வருவாரா?? அல்லது சிறப்பு விருந்தினராக மட்டும்தான் வருவாரா?? என்பது பற்றியும் ரசிகர்களுக்கு கேள்விகள் எழுந்துள்ளது. ஆனால் அதிக அளவில் நெகட்டிவ் கமெண்ட்கள் பிரியங்காவிற்கு வராததால் அவர் மீண்டும் நிகழ்ச்சிகளை தொகுத்து வழங்குவார் என்று பலர் கருத்து கூறி வருகின்றனர். ஆனால் இந்த ஸ்டார் மியூசிக் நிகழ்ச்சியில் அவர் ஒரு சிறப்பு விருந்தினராக கலந்து கொள்கிறாராம். தற்போது இவர்களுடன் எடுத்த ஜாலியான புகைப்படத்தை மதுமிதா இன்ஸ்டாகிராமில் பதிவிட்டுள்ளார்.

Published On January 22, 2022