சீமானுக்கு பெண் குழந்தை பிறந்தது! நாம் தமிழர் தொண்டர்கள் கொண்டாட்டம்... குடும்பத்தில் இரட்டிப்பு மகிழ்ச்சி
சென்னை: நாம் தமிழர் கட்சியின் தலைமை ஒருங்கிணைப்பாளரான சீமான் குடும்பத்தில் மகிழ்ச்சியான செய்தி ஒன்று வெளியாகியுள்ளது. சீமான் - கயல்விழி தம்பதிக்கு பெண் குழந்தை பிறந்துள்ளதாக தகவல் வெளியாகி, இந்த செய்தி அரசியல் வட்டாரங்களிலும் சமூக வலைதளங்களிலும் வேகமாக பரவி வருகிறது. தாயும் குழந்தையும் நலமாக இருப்பதாக கூறப்படுவதால், சீமானின் ஆதரவாளர்கள் மிகுந்த மகிழ்ச்சியில் உள்ளனர்.
குவியும் வாழ்த்துக்கள்
தமிழக அரசியலில் தீவிரமான பேச்சுகள், சர்ச்சையான கருத்துகள், கடுமையான அரசியல் விமர்சனங்கள் என எப்போதும் பரபரப்பை ஏற்படுத்தும் சீமான், தனது தனிப்பட்ட வாழ்க்கையை பொதுவாக அதிகமாக வெளிப்படுத்தாதவர். ஆனால் இந்த இனிய செய்தி வெளியானதும், நாம் தமிழர் கட்சியின் நிர்வாகிகள் மற்றும் தொண்டர்கள் சமூக வலைதளங்களில் வாழ்த்துகளை குவித்து வருகின்றனர்.
சீமான் குடும்பம்
ஏற்கனவே சீமான் - கயல்விழி தம்பதிக்கு ஒரு மகன் இருப்பது குறிப்பிடத்தக்கது. குடும்ப வாழ்க்கையை பொதுவெளியில் அதிகமாக பகிர்ந்து கொள்ளாத சீமான், அரசியல் மேடைகளில் தீவிரமாக செயல்பட்டாலும், தனது குடும்பத்தை எப்போதும் லைம் லைட்டிலிருந்து விலக்கி வைத்திருந்தார். அந்த நிலையில், தற்போது அவர்களது குடும்பத்தில் பெண் குழந்தை பிறந்துள்ள செய்தி வெளியாகியிருப்பது ஆதரவாளர்களுக்கு கூடுதல் மகிழ்ச்சியை ஏற்படுத்தியுள்ளது.
சீமான் ஆரம்பகாலம்
இயக்குநராக தமிழ் சினிமாவில் அறிமுகமாகி பின்னர் அரசியலுக்கு வந்த சீமான், ஆரம்பத்தில் திரைப்பட இயக்குநராகவும், எழுத்தாளராகவும் கவனம் பெற்றவர். அதன் பிறகு நாம் தமிழர் கட்சியை உருவாக்கி தமிழ்த் தேசிய அரசியலை முன்வைத்து தனித்த பாதையில் பயணம் செய்து வருகிறார். தேர்தல்களில் வெற்றி என்பது இதுவரை பெரிய அளவில் இல்லாவிட்டாலும், அவருக்கு தனி ஆதரவாளர் பட்டாளம் இருப்பது மறுக்க முடியாத உண்மை.
சமீபத்திய தேர்தல் சூழல்களிலும் சீமான் பெயர் அதிகமாக பேசப்பட்ட நிலையில், இப்போது அவரது குடும்பத்தில் வந்திருக்கும் இந்த புதிய வரவு, கட்சித் தொண்டர்களுக்கு வேற லெவல் கொண்டாட்டமாக மாறியுள்ளது.
சீமானுக்கு பெண் குழந்தை
"தலைவருக்கு பெண் குழந்தை பிறந்திருக்கிறது... இது எங்களுக்கு குடும்ப மகிழ்ச்சி மாதிரி தான்" என்று பல தொண்டர்கள் பதிவிட்டு வருகின்றனர். அரசியல் தலைவர்களும், பிரபலங்களும் வாழ்த்து தெரிவிக்க தொடங்கியிருப்பதாக கூறப்படுகிறது.
அரசியல் பரபரப்புகளுக்கு நடுவே சீமான் வீட்டில் ஒலித்திருக்கும் இந்த குழந்தை சிரிப்பு, அவரது ஆதரவாளர்களுக்கு பெரிய மகிழ்ச்சியை கொடுத்திருக்கிறது.
Click it and Unblock the Notifications
Sign in with Google