விஜய் பற்றிய சர்ச்சைகளுக்கு, வாணி போஜன் சொன்ன அந்த வார்த்தை.. ஓபனா பேசிட்டாரே! குவியும் கமெண்ட்ஸ்
சென்னை: நடிகர் விஜய் குறித்து தொடர்ந்து சர்ச்சைகள் பரவி வரும் சூழலில், பிரபல நடிகை வாணி போஜன் வெளிப்படையாக தெரிவித்த ஆதரவு தற்போது ரசிகர்களிடையே பெரிய பேசுபொருளாக மாறியுள்ளது.
நடிகை வாணி போஜன் பேட்டி
சின்னத்திரையில் இருந்து வெள்ளித்திரைக்கு வெற்றிகரமாக வந்துள்ள வாணி போஜன், சமீபத்திய பேட்டியில் விஜய் குறித்து உருக்கமாக பேசியுள்ளார். "எப்பவுமே எனக்கு விஜய் ரொம்ப பிடிக்கும். அவர் உடன் ஒரு படத்திலாவது நடிக்க வேண்டும் என்பது என் நீண்ட நாள் ஆசை. ஆனால் இப்போது அவர் முழுநேர அரசியலில் கவனம் செலுத்த ஆரம்பித்துவிட்டதால், அது நிறைவேறுமா என்பது தெரியவில்லை" என்று அவர் தெரிவித்துள்ளார்.
மேலும், சினிமாவை தாண்டியும் விஜய்யின் மீது தனக்கிருக்கும் மரியாதையை வெளிப்படையாக கூறிய வாணி போஜன், "நான் எப்போதும் அவருடைய ரசிகைதான்" என்றும் கூறியுள்ளார்.
அரசியலிலும் ஆதரவு
விஜய் தற்போது அரசியல் களத்தில் குதித்து தனது கட்சியான தமிழக வெற்றிக் கழகம் மூலம் செயல்பட்டு வரும் நிலையில், அவருக்கு வாணி போஜன் முழு ஆதரவு தெரிவித்துள்ளார். "அவர் எடுத்திருக்கும் இந்த முடிவு - மக்கள் பணிக்காக சினிமாவை விட்டு வருவது - மிகவும் பெரிய விஷயம். அதற்கு என் ஆதரவு எப்போதும் இருக்கும்" என்று கூறியுள்ளார்.
அதே நேரத்தில், "நீங்கள் கட்சியில் சேருவீர்களா?" என்ற கேள்விக்கு, நேரடியாக பதில் அளிக்காமல், "இப்போதைக்கு அதைப் பற்றி சொல்ல முடியாது" என்று கூறி ஒரு மர்மத்தையும் உருவாக்கியுள்ளார்.
வாணி போஜன் - யார் இவர்?
வாணி போஜன் முதலில் சின்னத்திரை மூலம் ரசிகர்களிடம் அறிமுகமானவர். மிகவும் சாதாரண பின்னணியில் இருந்து வந்து, தனது முயற்சியால் இன்று முன்னணி நடிகைகளில் ஒருவராக உயர்ந்துள்ளார்.
ஏர் ஹோஸ்டஸ் வேலை செய்தவர் பிறகு சீரியல்களில் அறிமுகமானார் அதிலும் இவருக்கு சன் டிவியில் ஒளிபரப்பான தெய்வமகள் சீரியல் பெரிய அளவில் பெயர் வங்கி கொடுத்தது அந்த நேரத்தில் ஜீ தமிழில் லட்சுமி வந்தாச்சு உட்பட ஒரு சில சீரியல்களில் நடித்துக் கொண்டிருந்தார் அதற்கு பிறகு இந்த தொடர்களின் மூலம் "சின்னத்திரை நயன்தாரா" என்ற பட்டத்தையும் பெற்றார்.
திரைப்பட பயணம்
சீரியல்களில் வெற்றி பெற்ற பிறகு, வெள்ளித்திரையிலும் தனது திறமையை நிரூபித்தார். ஓ மை கடவுளே பெரிய அளவில் பெயர் வாங்கி கொடுத்தது. அதைத்தொடர்ந்து லாக்கப், மலேஷியா டு அம்னீஷியா போட்டோ பல படங்களில் நடித்த இப்போதும் பல படங்களில் தொடர்ந்து நடித்து வருகிறார்.
ரசிகர்கள் எப்படி பார்க்கிறார்கள்?
விஜயை சுற்றி பல சர்ச்சைகள் நிலவி வரும் இந்த நேரத்தில், வாணி போஜன் போன்ற ஒரு நடிகை வெளிப்படையாக ஆதரவு தெரிவித்தது ரசிகர்களிடையே கலவையான எதிர்வினையை உருவாக்கியுள்ளது. விஜய் ரசிகர்கள் "இதுதான் உண்மையான ஆதரவு" என்று கொண்டாடுகிறார்கள். சிலர் "இது அரசியல் ஆதரவு காட்டும் முயற்சியா?" என கேள்வி எழுப்புகிறார்கள்
சர்ச்சைகள், அரசியல், சினிமா மூன்றும் கலந்து இருக்கும் இந்த சூழலில், வாணி போஜன் அளித்த இந்த திறந்த ஆதரவு, விஜய் சுற்றியுள்ள விவாதத்தை இன்னும் தீவிரப்படுத்தியுள்ளது. இது ஒரு சாதாரண பாராட்டு அல்ல... அரசியல் அர்த்தம் கொண்ட ஆதரவா? என்பதே தற்போது ரசிகர்கள் மத்தியில் அதிகம் பேசப்படும் கேள்வியாக உள்ளது.
Click it and Unblock the Notifications
Sign in with Google