முகப்பு | திருக்குறள் | அறத்துப்பால் | துறவறவியல் | அவா அறுத்தல்

திருக்குறள் அவா அறுத்தல் அதிகாரம் - 37

Avaa Aruththal - Curbing desire

அதிகார விளக்கம்: அளவற்ற ஆசைகள் மனக்குழப்பத்திற்கும் துன்பத்திற்கும் காரணமாகின்றன. ஆசைகளை கட்டுப்படுத்தி தேவையானவற்றில் திருப்தியுடன் வாழ்வது மன அமைதியையும் தெளிவையும் வழங்கி, உயர்ந்த வாழ்க்கையை நோக்கி மனிதனை அழைத்துச் செல்கிறது.

குறள் பால்

அறத்துப்பால் பொருட்பால் காமத்துப்பால்

குறள் இயல்

பாயிரம் இல்லறவியல் துறவறவியல் ஊழியல்

அதிகாரம்

அருளுடைமை புலால் மறுத்தல் தவம் கூடா ஒழுக்கம் கள்ளாமை வாய்மை வெகுளாமை இன்னா செய்யாமை கொல்லாமை நிலையாமை துறவு மெய்யுணர்தல் அவா அறுத்தல்

அவா அறுத்தல் அதிகாரம் - குறள்கள்

எண்	குறள்
361	அவாவென்ப எல்லா உயிர்க்குமெஞ் ஞான்றுந் தவாஅப் பிறப்பீனும் வித்து பொருள்: எல்லா உயிர்களுக்கும், எந்தக் காலத்திலும் அழியாமல் வரும் பிறப்பை உண்டாக்கும் விதைதான் ஆசை என்று பெரியோர் கூறுவர்.
362	வேண்டுங்கால் வேண்டும் பிறவாமை மற்றது வேண்டாமை வேண்ட வரும் பொருள்: பிறவாமையை எப்போது விரும்புகிறோமோ அப்போது அந்த நிலை நமக்கு வர வேண்டும். ஆசையற்று இருப்பதை விரும்பும்போதுதான் அந்த நிலை நமக்கு உண்டாகும்.
363	வேண்டாமை யன்ன விழுச்செல்வம் ஈண்டில்லை ஆண்டும் அஃதொப்ப தில் பொருள்: எந்தப் பொருளையும் விரும்பாமல் இருப்பது போன்ற சிறந்த செல்வம் இப்பூமியில் வேறு ஒன்று இல்லை; வான் உலகத்திலும் இதற்கு ஒப்பானது இல்லை.
364	தூஉய்மை யென்ப தவாவின்மை மற்றது வாஅய்மை வேண்ட வரும் பொருள்: மனத்தூய்மை என்பது ஆசை இல்லாமல் இருப்பதே; ஆசை இல்லாமல் இருப்பதோ மெய்ப்பொருளை விரும்புவதால் உண்டாகும்‌.
365	அற்றவ ரென்பார் அவாவற்றார் மற்றையார் அற்றாக அற்ற திலர் பொருள்: ஆசை இல்லாதவரே எதுவும் இல்லாதவர்; மற்றவரோ முழுவதும் இல்லாதவர் ஆகார்.
366	அஞ்சுவ தோரும் அறனே ஒருவனை வஞ்சிப்ப தோரும் அவா பொருள்: ஒருவனை வஞ்சித்துக் கெடுப்பது ஆசையே. அதனால் ஆசை உண்டாகி விடாமல் அஞ்சி வாழ்வதே அறம்.
367	அவாவினை ஆற்ற அறுப்பின் தவாவினை தான்வேண்டு மாற்றான் வரும் பொருள்: ஆசையை முழுவதுமாக அறுத்து ஒழித்து விட்டால், தான் விரும்பும் வண்ணமே அழியாமல் வாழ்வதற்கான செயல் உண்டாகும்.
368	அவாவில்லார்க் கில்லாகுந் துன்பமஃ துண்டேல் தவாஅது மேன்மேல் வரும் பொருள்: ஆசை இல்லாதவர்க்குத் துன்பம் வராது; இருப்பவர்க்கோ இடைவிடாமல், தொடர்ந்து துன்பம் வரும்.
369	இன்பம் இடையறா தீண்டும் அவாவென்னுந் துன்பத்துள் துன்பங் கெடின் பொருள்: ஆசை எனப்படும் பெருந்துன்பம் இல்லாது போனால், இன்பம் இடைவிடாமல் வரும்.
370	ஆரா இயற்கை அவாநீப்பின் அந்நிலையே பேரா இயற்கை தரும் பொருள்: ஒரு காலமும் முடிவு பெறாத குணத்தை உடைய ஆ‌சையை விட்டுவிட்டால், அதுவே ஒருவனுக்கு நிலைத்து வாழும் இயல்பைக் கொடுக்கும்.

மெய்யுணர்தல்

ஊழ்