முகப்பு | திருக்குறள் | அறத்துப்பால் | இல்லறவியல் | பயனில சொல்லாமை

திருக்குறள் பயனில சொல்லாமை அதிகாரம் - 20

Payanila Sollaamai - Avoiding useless speech

அதிகார விளக்கம்: பயனற்ற, பொருளற்ற மற்றும் பிறருக்கு நன்மை தராத சொற்களைத் தவிர்ப்பது அறிவுடைமை. பேசும் ஒவ்வொரு வார்த்தையும் பொருள், பயன் மற்றும் நன்மை கொண்டதாக இருக்க வேண்டும்; தேவையற்ற பேச்சு நேரத்தையும் மதிப்பையும் குறைக்கும்.

குறள் பால்

அறத்துப்பால் பொருட்பால் காமத்துப்பால்

குறள் இயல்

பாயிரம் இல்லறவியல் துறவறவியல் ஊழியல்

அதிகாரம்

இல்வாழ்க்கை வாழ்க்கைத் துணைநலம் மக்கட்பேறு அன்புடைமை விருந்தோம்பல் இனியவை கூறல் செய்ந்நன்றியறிதல் நடுவு நிலைமை அடக்கம் உடைமை ஒழுக்கம் உடைமை பிறனில் விழையாமை பொறையுடைமை அழுக்காறாமை வெஃகாமை புறங்கூறாமை பயனில சொல்லாமை தீவினையச்சம் ஒப்புரவறிதல் ஈ.கை புகழ்

பயனில சொல்லாமை அதிகாரம் - குறள்கள்

எண்	குறள்
191	பல்லார் முனியப் பயனில சொல்லுவான் எல்லாரும் எள்ளப் படும் பொருள்: பலரும் கேட்டு வெறுக்கப், பயனற்ற சொற்களைச் சொல்லுபவன் எல்லாராலும் இகழப்படுவான்.
192	பயனில பல்லார்முன் சொல்லல் நயனில நட்டார்கட் செய்தலிற் றீது பொருள்: ஒருவன் பலருக்கும் முன்னே பயனற்ற சொற்களைச் சொல்வது, நண்பர்களுக்குத் தீமை செய்வதைக் காட்டிலும் கொடியது.
193	நயனில னென்பது சொல்லும் பயனில பாரித் துரைக்கும் உரை பொருள்: பயனற்ற சொற்களை விரித்துப் பேசும் ஒருவன் பேச்சு அவன் நீதியற்றவன் என்பதைக் காட்டிவிடும்.
194	நயன்சாரா நன்மையின் நீக்கும் பயன்சாராப் பண்பில்சொல் பல்லா ரகத்து பொருள்: பயனற்ற, பண்பும் இல்லாத சொற்களை ஒருவன் பலரிடமும் சொன்னால் அச் சொற்களே அவனை நீதியுடன் சேராமல் நற்குணங்களிலிருந்து நீக்கிவிடும்.
195	சீர்மை சிறப்பொடு நீங்கும் பயனில நீர்மை யுடையார் சொலின் பொருள்: இனிய குணத்தவர் பயனற்ற சொற்களைச் சொன்னால், அவர் பெருமையும், புகழும் அப்பொழுதே நீங்கிவிடும்.
196	பயனில்சொல் பாராட்டு வானை மகனெனல் மக்கட் பதடி யெனல் பொருள்: பயனற்ற சொற்களையே பலகாலமும் சொல்பவனை மனிதன் என வேண்டா; மனிதருள் பதர் என்றே சொல்லுங்கள்.
197	நயனில சொல்லினுஞ் சொல்லுக சான்றோர் பயனில சொல்லாமை நன்று பொருள்: நீதியற்ற சொற்களைச் சொன்னாலும் பயனற்ற சொற்களைச் சொல்லாமல் இருப்பது சான்றோர்க்கு நல்லது.
198	அரும்பய னாயும் அறிவினார் சொல்லார் பெரும்பய னில்லாத சொல் பொருள்: அரிய பயன்களை ஆராயும் அறிவுடையோர், பெரும்பயன் இல்லாத சொற்களைச் சொல்வார்.
199	பொருள்தீர்ந்த பொச்சாந்துஞ் சொல்லார் மருள்தீர்ந்த மாசறு காட்சி யவர் பொருள்: மயக்கமற்ற தூய அறிவினை உடையவர், பொருளற்ற சொற்களை மறந்தும் சொல்லார்.
200	சொல்லுக சொல்லிற் பயனுடைய சொல்லற்க சொல்லிற் பயனிலாச் சொல் பொருள்: சொற்களில் அறம், பொருள், இன்பம் ஆகிய பயன்தரும் சொற்களையே சொல்லுக; பயனற்ற சொற்களைச் சொல்லவேண்டா.

புறங்கூறாமை

தீவினையச்சம்