பண்பாளர்கள், இனிமையல்லாத சொற்களைக்கூடச் சொல்லி விடலாம்; ஆனால் பயனில்லாத சொற்களைச் சொல்லாமல் இருப்பதே நல்லது
— மு. கருணாநிதி
நீதியற்ற சொற்களைச் சொன்னாலும் பயனற்ற சொற்களைச் சொல்லாமல் இருப்பது சான்றோர்க்கு நல்லது.
— சாலமன் பாப்பையா
நன்மை இல்லாதவற்றைச் சொன்னாலும் சொல்லலாம், பயனில்லாத சொற்களை எப்போதுமே சான்றோர் சொல்லாமலிருத்தல் நல்லது
— புலியூர்க் கேசிகன்
நளினமற்று சொன்னாலும் சொல்லலாம் உதாரனமாக இருப்போர் பயனற்றதை சொல்லாததே நன்று.
— சிவயோகி சிவகுமார்
சான்றோர் நயனில்லாதவற்றைச் சொல்லினுஞ் சொல்லுக, அமையும்; பயனில்லாதவற்றைச் சொல்லாமை நன்று. இது சான்றோர்க்கு ஆகாதென்றது.
— மணக்குடவர்
நயன் இல சான்றோர் சொல்லினும் சொல்லுக - சான்றோர் நீதியோடு படாத சொற்களைச் சொன்னாராயினும் அஃது அமையும், பயன் இல சொல்லாமை நன்று - அவர் பயன் இலவற்றைச் சொல்லாமை பெறின், அது நன்று ('சொல்லினும்' எனவே, சொல்லாமை பெறப்பட்டது. நயன் இலவற்றினும் பயன் இல தீய என்பதாம்.).
— பரிமேலழகர்
English Couplet: Let those who list speak things that no delight afford,
'Tis good for men of worth to speak no idle word.
Couplet Explanation: Let the wise if they will, speak things without excellence; it will be well for them not to speak useless things.
Transliteration (Tamil to English): nayanila sollinunhj cholluka saandroar payanila sollaamai nandru
அறம் இல்லாதவற்றைச் சொன்னாலும் சொல்லலாம், சான்றோர் பயன் இல்லாத சொற்களைச் சொல்லாமல் இருத்தல் நன்மையாகும்.
— மு. வரதராசன்