முகப்பு | திருக்குறள் | அறத்துப்பால் | இல்லறவியல் | தீவினையச்சம்

திருக்குறள் தீவினையச்சம் அதிகாரம் - 21

Theevinai Achcham - Fear of evil deeds

அதிகார விளக்கம்: தீய செயல்கள் பிறருக்கு மட்டுமல்லாமல் செய்தவருக்கும் தீமையை ஏற்படுத்தும். அதனால் உடனடி நன்மைக்காக தவறான வழியைத் தேர்ந்தெடுக்காமல், எதிர்கால விளைவுகளை எண்ணி தீவினைகளைச் செய்ய அஞ்ச வேண்டும்.

குறள் பால்

அறத்துப்பால் பொருட்பால் காமத்துப்பால்

குறள் இயல்

பாயிரம் இல்லறவியல் துறவறவியல் ஊழியல்

அதிகாரம்

இல்வாழ்க்கை வாழ்க்கைத் துணைநலம் மக்கட்பேறு அன்புடைமை விருந்தோம்பல் இனியவை கூறல் செய்ந்நன்றியறிதல் நடுவு நிலைமை அடக்கம் உடைமை ஒழுக்கம் உடைமை பிறனில் விழையாமை பொறையுடைமை அழுக்காறாமை வெஃகாமை புறங்கூறாமை பயனில சொல்லாமை தீவினையச்சம் ஒப்புரவறிதல் ஈ.கை புகழ்

தீவினையச்சம் அதிகாரம் - குறள்கள்

எண்	குறள்
201	தீவினையார் அஞ்சார் விழுமியார் அஞ்சுவர் தீவினை யென்னுஞ் செறுக்கு பொருள்: தீமை என்னும் மயக்கத்தைச் செய்ய, முன்னைத் தீவினை உடையவர் பயப்படமாட்டார்; பெரியவர்களோ பயப்படுவர்.
202	தீயவை தீய பயத்தலால் தீயவை தீயினும் அஞ்சப் படும் பொருள்: நமக்கு நன்மை என்று பிறருக்குச் செய்யும் தீமைகள், நமக்குத் தீமையே தருவதால், தீமைகளைத் தீயினும் கொடியனவாக எண்ணிச் செய்ய அஞ்ச வேண்டும்.
203	அறிவினு ளெல்லாந் தலையென்ப தீய செறுவார்க்குஞ் செய்யா விடல் பொருள்: தனக்குத் தீமை ச�?ய்பவர்க்கும் தீமை ச�?ய்யாது இருப்பதே, அறிவில் ஏல்லாம் முதன்மை அறிவு �?ன்று கூறுவர்.
204	மறந்தும் பிறன்கேடு சூழற்க சூழின் அறஞ்சூழுஞ் சூழ்ந்தவன் கேடு பொருள்: மறந்தும் பிறர்க்குத் தீமை செய்ய எண்ணாதே; எண்ணினால் எண்ணியவனுக்கு அறக்கடவுளே தீமையைத் தர எண்ணும்.
205	இலனென்று தீயவை செய்யற்க செய்யின் இலனாகும் மற்றுப் பெயர்த்து பொருள்: தன் ஏழ்மையைப் போக்கப் பிறர்க்குத் தீமை செய்யாதே, செய்தால் மேலும் ஏழை ஆவாய்.
206	தீப்பால தான்பிறர்கண் செய்யற்க நோய்ப்பால தன்னை அடல்வேண்டா தான் பொருள்: துன்பம் தருவன தன்னைச் சூழ்ந்து வருத்த விரும்பாதவன், பிறர்க்குத் தீமை செய்யக்கூடாது.
207	எனைப்பகை யுற்றாரும் உய்வர் வினைப்பகை வீயாது பின்சென் றடும் பொருள்: எவ்வளவு பெரிய பகையைப் பெற்றவரும் தப்பித்துக் கொள்வர்; ஆனால் தீமை செய்வதால் வரும் பகையோ, அழியாமல் நம் பின் வந்து, நம்மை அழிக்கும்.
208	தீயவை செய்தார் கெடுதல் நிழல்தன்னை வீயா தடியுறைந் தற்று பொருள்: பிறர்க்குத் தீமை செய்தவர் அழிவது, அவரை அவரது நிழல் விடாது கால்களின் கீழே தங்கியிருப்பது போலாம்.
209	தன்னைத்தான் காதல னாயின் எனைத்தொன்றுந் துன்னற்க தீவினைப் பால் பொருள்: தன்மீது அன்புள்ளவன், எவ்வளவு சிறிது என்றாலும் சரி, மற்றவர்க்குத் தீமை செயய வேண்டா.
210	அருங்கேடன் என்ப தறிக மருங்கோடித் தீவினை செய்யான் எனின் பொருள்: தீய வழிகளில் பிறர்க்குத் தீமை செய்யாது வாழ்பவனே கேடு இல்லாதவன் என்று அறிக.

பயனில சொல்லாமை

ஒப்புரவறிதல்