முகப்பு| திருக்குறள்| பசப்புறு பருவரல்| விளக்கற்றம் பார்க்கும் இருளேபோல் திருக்குறள்

விளக்கற்றம் பார்க்கும் இருளேபோல் திருக்குறள்

அதிகாரம்

குறள் விளக்கம்

1186
விளக்கற்றம் பார்க்கும் இருளேபோல் கொண்கண்
முயக்கற்றம் பார்க்கும் பசப்பு

விளக்கினுடைய மறைவைப் பார்த்துக் காத்திருக்கின்ற இருளைப் போலவே, தலைவனுடைய தழுவுதலின் ‌சோர்வைப் பார்த்துக் காத்திருக்கினறது.

— மு. வரதராசன்

விளக்கின் ஒளிகுறையும் சமயம் பார்த்துப் பரவிடும் இருளைப்போல, இறுகத் தழுவிய காதலன்பிடி, சற்றுத் தளரும்போது காதலியின் உடலில் பசலைநிறம் படர்ந்து விடுகிறது

— மு. கருணாநிதி

விளக்கு மெலிவதைப் பார்த்து நெருங்கும் இருட்டைப் போல என்னவரின் தழுவல் நெகிழ்வதைப் பார்த்துக் காத்திருந்த பசலை வரும்.

— சாலமன் பாப்பையா

விளக்கின் முடிவை எதிர்பார்த்துத் தான் வரக் காத்திருக்கும் இருளைப் போல, என் தலைவனுடைய தழுவலின் முடிவைப் பசலையும் எதிர்பார்த்துக் காத்திருக்கின்றது

— புலியூர்க் கேசிகன்

விளக்கை அகற்றியதும் பரவ பார்க்கும் இருளைப் போல் கணவன் முயக்கம் அகற்றியதும் பரவ பார்க்கும் பசப்பு.

— சிவயோகி சிவகுமார்

விளக்கினது இறுதிபார்க்கும் இருளே போலக் கொண்கன் முயக்கினது இறுதிபார்த்து நின்றது பசப்பு. இஃது அவர் பிரிந்தது இப்பொழுது; இப்பசப்பு யாங்ஙன் வந்தது என்று தோழிக்குத் தலைமகள் கூறியது.

— மணக்குடவர்

(இதுவும் அது.) விளக்கு அற்றம் பார்க்கும் இருளேபோல் - விளக்கினது மெலிவு பார்த்து நெருங்கி வரும் இருளே போல்; கொண்கன் முயக்கு அற்றம் பார்க்கும் பசப்பு - கொண்கன் முயக்கினது மெலிவு பார்த்து நெருங்கி வரும் இப்பசப்பு. ('பார்க்கும்' என்பன இலக்கணைச் சொல். 'முன் பிரியாதிருக்கவும் தனக்கு அவகாசம் பார்த்து வரும் பசப்பு, பிரிவு பெற்றால் என் செய்யாது'? என்பாம்.).

— பரிமேலழகர்

English Couplet: As darkness waits till lamp expires, to fill the place,
This pallor waits till I enjoy no more my lord's embrace.

Couplet Explanation: Just as darkness waits for the failing light; so does sallowness wait for the laxity of my husband's intercourse.

Transliteration (Tamil to English): vilakkatram paarkkum irulepoal kon-kan muyakkatram paarkkum pasappu

1 2 3 ... 118 119 120 ... 132 133

திருக்குறள் அதிகாரங்கள்

பிரபலமான அதிகாரம்

அதிகம் பார்க்கப்பட்ட / பிரபலமான அதிகாரங்கள்
  1. கல்வி
  2. நட்பு
  3. அன்புடைமை
  4. கடவுள் வாழ்த்து
  5. இறைமாட்சி

பிரபலமான குறள்

அதிகம் பார்க்கப்பட்ட / பிரபலமான குறள்கள்
  1. எண்ணென்ப...
  2. இடும்பைக்...
  3. கற்க...
  4. தெய்வத்தான்...
  5. தொழுதகை...

குறளில் பல முறை தோன்றிய சொல்

குறள்களில் அதிக முறை பயன்படுத்தப்பட்ட சொற்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. இல்லை - 22

பல முறை தோன்றிய குறளின் தொடக்க சொல்

ஒரே சொல்லில் தொடங்கும் பல குறள்கள்
  1. ஆற்றின் - 5
  2. இன்பம் - 5
  3. நனவினால் - 5
  4. காமம் - 4
  5. காமக் - 4

பல முறை தோன்றிய குறளின் இறுதி சொல்

ஒரே சொல்லில் முடியும் பல குறள்கள்
  1. படும் - 42
  2. தரும் - 37
  3. இல் - 32
  4. கெடும் - 28
  5. செயல் - 22
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+