தேர்தல் 2026

இந்தியாவில் 2026-ஆம் ஆண்டில் தமிழகம், கேரளா, அசாம் மற்றும் மேற்கு வங்கம் உள்ளிட்ட 4 மாநிலங்களுக்கும், புதுச்சேரி யூனியன் பிரதேசத்துக்கும் ஏப்ரல் மாதம் சட்டசபை தேர்தல் நடந்து முடிந்துள்ளது.

இதில் கேரளா, அசாம், புதுச்சேரியில் ஒரே கட்டமாக ஏப்ரல் 9 ம் தேதி தேர்தல் நடந்தது. தமிழ்நாட்டில் ஏப்ரல் 23ம் தேதி ஒரே கட்டமாக வாக்குப்பதிவு நடந்தது. மேற்கு வங்கத்தில் ஏப்ரல் 23ல் முதற்கட்டமாகவும், ஏப்ரல் 29 ம் தேதி 2வது கட்டமாகவும் தேர்தல் நடந்து முடிந்தது. இந்த தேர்தல்களில் பதிவான வாக்குகள் மே 4ம் தேதி எண்ணப்பட்டு முடிவுகள் அறிவிக்கப்பட்டன.

தமிழ்நாடு: தமிழ்நாட்டில் மொத்தம் 234 சட்டசபை தொகுதிகள் உள்ளன. மெஜாரிட்டிக்கு 118 தேவை. ஏப்ரல் 23ல் தேர்தல் நடந்தது. விஜய்யின் தமிழக வெற்றிக் கழகம் 108 தொகுதிகளில் வென்று தேர்தலுக்கு பிந்தைய கூட்டணி அமைத்து ஆட்சியை பிடித்தது. விஜய் முதல்வரானார். எதிர்க்கட்சி தலைவராக திமுகவின் உதயநிதி ஸ்டாலின் செயல்பட்டு வருகிறார்.

புதுச்சேரி: புதுச்சேரியில் 30 தொகுதிகள் உள்ளன. ஏப்ரல் 9ல் தேர்தல் நடந்தது. மெஜாரிட்டிக்கு 16 தொகுதிகள் தேவை. இதில் பாஜக கூட்டணி 18 தொகுதிகளில் வென்று ஆட்சியை தக்கவைத்தது. முதல்வராக என்ஆர் காங்கிரஸ் கட்சியின் ரங்கசாமி பொறுப்பேற்க உள்ளார். எதிர்க்கட்சியாக திமுக செயல்பட உள்ளது.

கேரளா: கேரளாவில் 140 சட்டசபை தொகுதிகள் உள்ளன. ஏப்ரல் 9 ல் தேர்தல் நடந்தது. மெஜாரிட்டிக்கு 71 தொகுதிகளில் வெற்றி பெற வேண்டும். இதில் காங்கிரஸ் தலைமையிலான ஐக்கிய ஜனநாயக முன்னணி (UDF) கூட்டணி அமோக வெற்றி பெற்று ஆட்சியை கைப்பற்றியது. இடதுசாரி கூட்டணி (LDF) எதிர்க்கட்சியாகி உள்ளது.

அசாம்: வடகிழக்கு மாநிலமான அசாமில் உள்ள 126 தொகுதிகளுக்கும் ஏப்ரல் 9 அன்று தேர்தல் நடந்தது. மீண்டும் பாஜக கூட்டணி அமோக வெற்றி பெற்றது. 2வது முறையாக பாஜகவின் ஹிமந்த பிஸ்வா சர்மா முதல்வரானார். காங்கிரஸ் கூட்டணி படுதோல்வியை சந்தித்தது.

மேற்கு வங்கம்: மேற்கு வங்கத்தில் மொத்தம் 294 சட்டசபை தொகுதிகள் உள்ளன. மெஜாரிட்டிக்கு 148 தொகுதிகளில் வெற்றி பெற வேண்டும். ஏப்ரல் 23, ஏப்ரல் 29 என 2 கட்டங்களாக தேர்தல் நடந்தது. இதில் பாஜக கூட்டணி அமோக வெற்றி பெற்று முதல் முறையாக ஆட்சியை பிடித்தது. முதல்வராக சுவேந்து அதிகாரி செயல்பட்டு வருகிறார். கடந்த 2011, 2016, 2021 என 3 தேர்தல்களில் வென்று முதல்வராக இருந்த மம்தா பானர்ஜியின் திரிணாமுல் காங்கிரஸ் தலைமையிலான கூட்டணி 15 ஆண்டு கால ஆட்சியை இழந்துள்ளது.