IIT Madras: சென்னை ஐஐடியில் வேலை.. ஆசிரியர் பணியிடங்கள்.. ஒரு லட்சம் வரை சம்பளம்! யாரெல்லாம் விண்ணப்பிக்கலாம்

சென்னை: சென்னை ஐஐடியில் வேலைவாய்ப்பு அறிவிக்கப்பட்டுள்ளது. உதவி ஆசிரியர், உதவி பேராசிரியர் பணியிடங்களை நிரப்ப அறிவிப்பு வெளியாகி இருக்கிறது. தேர்வு செய்யப்படும் விண்ணப்பதாரர்களுக்கு 70 ஆயிரம் முதல் ஒரு லட்சம் வரை சம்பளம் வழங்கப்படும். இது குறித்த விவரங்களை இங்கு காணலாம்.

நாட்டில் உள்ள உயரிய கல்வி நிறுவனங்களில் ஒன்றாக சென்னை ஐஐடி உள்ளது. சென்னை கிண்டியில் உள்ள ஐஐடியில் நாடு முழுவதிலும் இருந்து ஆயிரக்கணக்கான மாணவர்கள் பயின்று வருகிறார்கள்.

ஐஐடி மெட்ராசில் வேலை

மத்திய கல்வி அமைச்சகத்தின் செயல்படும் இந்த கல்வி நிறுவனத்தில் பேராசிரியர்கள், நிர்வாக ஊழியர்கள் என 500 க்கும் மேற்பட்டவர்கள் பணியாற்றி வருகிறார்கள். ஐஐடி கல்வி நிறுவனத்தில் ஏற்படும் காலியிடங்கள் அரசு விதிகளை பின்பற்றி நிரப்பப்படுகிறது.

அந்த வகையில், தற்போது அங்கு காலியாக உள்ள 40 உதவி பேராசிரியர் பணியிடங்களை நிரப்ப அறிவிப்பு வெளியாகியுள்ளது. இதற்கு யாரெல்லாம் விண்ணப்பிக்கலாம். கல்வித் தகுதி என்ன? என்பது பற்றிய விவரங்களை பார்க்கலாம்.

பணியிடங்கள் விவரம்:

* வான்வெளி பொறியியல்
* பொறியியல் வடிவமைப்பு
* பயன்பாட்டு இயக்கவியல் மற்றும் உயிர் மருத்துவ பொறியியல் மனிதவியல் மற்றும் சமூக அறிவியல்
* உயிரி தொழில்நுட்பம்

* மேலாண்மை ஆய்வு
* வேதியியல்
* மருத்துவ அறிவியல் மற்றும் தொழில்நுட்பம்
* இரசாயன பொறியியல்
* இயந்திர பொறியியல்

* சிவில் பொறியியல்
* உலோகவியல் மற்றும் பொருள் பொறியியல்
* கணினி அறிவியல் மற்றும் பொறியியல்
* கடல் பொறியியல்

* தரவு அறிவியல் மற்றும் செயற்கை நுண்ணறிவு
* இயற்பியல்
* மின்பொறியியல்
* பல்துறை ஆய்வுகள் பள்ளி

ஆகிய பிரிவுகளில் உதவி பேராசிரியர் (கிரேடு 1,2) பணியிடங்கள் அறிவிக்கப்பட்டுள்ளன. மொத்தம் 40 காலியிடங்கள் உள்ளன.

கல்வித் தகுதி

உதவி ஆசிரியர் கிரேட் 2, உதவி பேராசிரியர் (Grade I) -பணிக்கு துறை சார்ந்த பிரிவில் முனைவர் பட்டம் பெற்று இருக்க வேண்டும். சம்பந்தப்பட்ட பட்டப்படிப்பில் முதல் வகுப்பில் தேர்ச்சி அவசியம். மூன்று ஆண்டுகளுக்கு குறையாமல் பணி அனுபவம் அவசியம்.

வயது வரம்பு;

27.03.2026 தேதிப்படி 36 வயதுக்கு மிகாதவர்கள் விண்ணப்பிக்கலாம். அரசு விதிகளின் படி வயது உச்ச வரம்பில் 5 ஆண்டுகள் தளர்வுகள் அளிக்கப்படும். எஸ்சி/எஸ்டி பிரிவினருக்கு 5 ஆண்டுகளும், ஒபிசி பிரிவினருக்கு 3 ஆண்டுகளும், பொதுப்பிரிவு மாற்றுத்திறனாளிகளுக்கு 10 ஆண்டுகளும், ஒபிசி பிரிவு மாற்றுத் திறனாளிகளுக்கு 13 ஆண்டுகளும் சலுகைகள் வழங்கப்படும்.

சம்பளம் எவ்வளவு?

* உதவி பேராசிரியர் (Grade II) - ரூ.70,900
* உதவி பேராசிரியர் (Grade I) - ரூ.1,01,500/-

தேர்வு முறை:

தகுதியான விண்ணப்பங்கள் பரிசீலிக்கப்பட்டு நேர்முகத்தேர்வு அடிப்படையில் தேர்வர்கள் தேர்வு செய்யப்படுவார்கள். விண்ணப்பிக்க வரும் 27.03.2026 கடைசி நாளாகும். தகுதியுள்ள பேராசிரியர்கள் ஐஐடி கல்வி நிறுவனத்தின் இணையதளம் வாயிலாக விண்ணப்பிக்கலாம். https://facapp.iitm.ac.in/ என்ற இணையதளத்தில் கேரியர்ஸ் என்ற பக்கத்தில் தேர்வு அறிவிப்பு கொடுக்கப்பட்டுள்ளது. விண்ணப்பிப்பதற்கு முன்பாக தேர்வு அறிவிப்பினை படித்து உறுதி செய்து கொள்வது அவசியம்.

தேர்வு அறிவிப்பினை படிக்க: https://facapp.iitm.ac.in/img/Advertisement_RA-2026.pdf

English summary

IIT Madras has announced recruitment for Assistant Teacher and Assistant Professor posts. Candidates selected for the faculty positions will receive a salary ranging from ₹70,000 to ₹1 lakh. Interested applicants can check eligibility, application process, and details in notification.