ராமேஸ்வரத்திற்கு அகதிகள் வருகை அதிகரிப்பு

ராமேஸ்வரம்:

இலங்கை மன்னார் பகுதியைச் சேர்ந்த 14 தமிழ் அகதிகள் ராமேஸ்வரம் தனுஷ்கோடிக்கு அகதிகளாகவந்துள்ளனர்.

இலங்கை வட பகுதியில் மீண்டும் சண்டை தீவிரமாகியுள்ளது. இலங்கை ராணுவத்திற்கும், விடுதலைப் புலிகளுக்கும்இடையே கடும் மோதல் நடந்து வருகிறது.

இதனால் பாதிக்கப்படும் தமிழர்கள் அங்கிருந்து படகுகள்மூலமாக தப்பி ராமேஸ்வரத்திற்கு வந்து சேருகின்றனர்.

சில நாட்களுக்கு முன்பு 9 அகதிகள் இப்படித் தப்பி தனுஷ்கோடி பகுதிக்கு வந்து சேர்ந்தனர். தற்போது மேலும் 14பேர் அகதிகளாக வந்துள்ளனர்.

அவர்கள் அனைவரும் 7 குடும்பங்களைச் சேர்ந்தவர்கள். மன்னார் பகுதியைச் சேர்ந்தவர்கள். அந்தப் பகுதியில்நடந்த மோதலில் இவர்களில் சிலர் காயம் பட்டுள்ளனர்.

14 பேரையும் போலீஸார் விசாரணைக்குப் பின் மண்டபம் முகாமில் சேர்க்கவுள்ளனர்.