மாட்டிக்கிச்சு.. வண்டில ஏறு! காலையிலேயே கண்ணகி நகரில் சிக்கிய போதை மாத்திரை! 5 பெண்களின் அட்டகாசம்

Subscribe to Oneindia Tamil

சென்னை: சென்னையில் போதைப்பொருள் நடமாட்டத்தை முழுமையாகத் தடுக்கும் வகையில், போலீசார் இன்று அதிகாலை முதலே அதிரடி வேட்டையில் இறங்கியுள்ளனர். இதன் ஒரு கட்டமாக, சென்னை கண்ணகி நகர் குடியிருப்புப் பகுதியில் நடத்தப்பட்ட திடீர் சோதனையில் தடை செய்யப்பட்ட போதை மாத்திரைகள் பறிமுதல் செய்யப்பட்டது அதிர்ச்சியை ஏற்படுத்தி உள்ளது.

இந்த போதை மாத்திரை விற்பனையில் தொடர்புடைய 5 பெண்கள் போலீஸ் வாகனத்தில் ஏற மறுத்து வாக்குவாதத்தில் ஈடுபட்டது அப்பகுதியில் பெரும் பரபரப்பை ஏற்படுத்தியது.

Kannagi Nagar

அதிகாலை 6 மணிக்குத் தொடங்கிய அதிரடி சோதனை

சென்னை மாநகரில் பள்ளி, கல்லூரி மாணவர்கள் மற்றும் இளைஞர்களைக் குறிவைத்து கஞ்சா மற்றும் வலி நிவாரணி என்ற பெயரில் போதை மாத்திரைகள் விற்பனை செய்யப்படுவதாகப் போலீசாருக்குத் தொடர்ந்து ரகசியத் தகவல்கள் கிடைத்து வந்தன. இதையடுத்து, போதைப்பொருள் தடுப்புத் தனிப்படை போலீசார் இன்று அதிகாலை சுமார் 6 மணியளவில் தங்களது அதிரடி ஆபரேஷனைத் தொடங்கினர்.

ஓ.எம்.ஆர், ஈ.சி.ஆர், சோழிங்கநல்லூர், செம்மஞ்சேரி மற்றும் கண்ணகி நகர் உள்ளிட்ட 10க்கும் மேற்பட்ட இடங்களில் ஒரே நேரத்தில் தனிப்படை போலீசார் குவிக்கப்பட்டு தீவிர சோதனை மேற்கொள்ளப்பட்டது. மக்கள் ஆழ்ந்த தூக்கத்திலிருந்து எழுவதற்கு முன்பே போலீசார் குடியிருப்புப் பகுதிகளைச் சுற்றி வளைத்ததால், போதைப்பொருள் கும்பலால் தப்பிக்க முடியாத நிலை ஏற்பட்டது.

வீடுகளுக்குள் பதுக்கி வைக்கப்பட்டிருந்த போதை மாத்திரைகள்

கண்ணகி நகர் குடியிருப்புப் பகுதியில் உள்ள ஒவ்வொரு சந்தேகத்திற்குரிய வீடுகளிலும் போலீசார் அங்குலம் அங்குலமாகச் சோதனை நடத்தினர். இந்தச் சோதனையின்போது, சில வீடுகளுக்குள் யாருக்கும் சந்தேகம் வராத வகையில் ரகசியமாகப் பதுக்கி வைக்கப்பட்டிருந்த ஏராளமான தடை செய்யப்பட்ட போதை மாத்திரைகள் மற்றும் கஞ்சா பொட்டலங்கள் போலீசாரின் கையில் சிக்கின.

சாதாரண வலி நிவாரணி மாத்திரைகளை என்ற பெயரில் மருத்துவ ரீதியிலான போதை மருந்துகளை.. பிரிஸ்கிரிப்ஷன் இல்லாமல் அதிக விலைக்கு வாங்கி வந்து, போதைக்காக இளைஞர்களுக்கு விற்பனை செய்து வந்தது முதற்கட்ட விசாரணையில் தெரியவந்துள்ளது. பறிமுதல் செய்யப்பட்ட போதை மாத்திரைகள் மற்றும் கஞ்சாவை போலீசார் உடனடியாகக் கைப்பற்றினர்.

போலீஸ் வேனில் ஏற மறுத்து பெண்கள் அடம்பிடித்ததால் பரபரப்பு

இந்தப் போதை மாத்திரைகளைப் பதுக்கி வைத்து விற்பனை செய்த குற்றத்திற்காக, அப்பகுதியைச் சேர்ந்த 5 பெண்களைப் போலீசார் அதிரடியாகக் கைது செய்தனர். கைது செய்யப்பட்ட 5 பெண்களையும் விசாரணைக்காகக் காவல் நிலையத்திற்கு அழைத்துச் செல்லப் போலீசார் முயன்றனர்.

அப்போது, போலீஸ் வாகனத்தில் ஏற மறுத்து அந்தப் பெண்கள் திடீரென அடம்பிடித்தனர். பெண் போலீசாரின் பிடியிலிருந்து திமிறிய அவர்கள், சாலையிலேயே நின்று போலீசாருடன் கடும் வாக்குவாதத்தில் ஈடுபட்டனர். இதனால் அதிகாலை நேரத்திலேயே கண்ணகி நகர் குடியிருப்புப் பகுதியில் ஏராளமான பொதுமக்கள் திரண்டதால் பெரும் கூச்சலும் பரபரப்பும் நிலவியது.

இருப்பினும், நிலைமையைச் சாமர்த்தியமாகக் கையாண்ட பெண் போலீசார், அந்த 5 பெண்களையும் வலுக்கட்டாயமாக வேனில் ஏற்றி காவல் நிலையத்திற்கு அழைத்துச் சென்றனர்.

குற்றவாளிகளுக்கு வலைவீச்சு

தற்போது காவல் நிலையத்தில் வைக்கப்பட்டுள்ள அந்த 5 பெண்களிடமும் போலீசார் தீவிர விசாரணை நடத்தி வருகின்றனர். இவர்களுக்கு இந்தப் போதை மாத்திரைகள் எங்கிருந்து சப்ளை செய்யப்படுகின்றன, வெளிமாநிலங்களிலிருந்து கடத்தி வரப்படுகிறதா அல்லது இதன் பின்னணியில் செயல்படும் மாஸ்டர்மைண்ட் யார் என்பது குறித்துத் துருவித் துருவி விசாரணை நடைபெற்று வருகிறது.

சென்னையில் போதைப்பொருள் விற்பனையில் பெண்கள் மற்றும் சிறுவர்களைப் பயன்படுத்தும் கும்பல்கள் மீது கடும் நடவடிக்கை எடுக்கப்படும் என காவல்துறை எச்சரித்துள்ளது. அதிகாலையிலேயே நடந்த இந்த அதிரடி சோதனையால் கண்ணகி நகர் மற்றும் சுற்றுவட்டாரப் பகுதிகள் இன்று நாள் முழுவதும் பரபரப்பாகக் காணப்பட்டன.

Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+