உண்மையிலேயே ‘லெஜண்ட்’ தான்! அண்ணாச்சி அருள் சத்தமின்றி செய்த 3 சாதனைகள்! சூப்பர் ஸ்டார் கூட பண்ணலை!

சென்னை : லெஜெண்ட் சரவணா ஸ்டோர்ஸ் உரிமையாளர் 'லெஜன்ட்' சரவணன் அருள் நடிப்பில் வெளியாகி உள்ள 'லெஜெண்ட்' திரைப்படம் கலவையான விமர்சனங்களை பெற்று வந்துள்ள நிலையில் சப்தமின்றி தமிழ் சினிமா உலகில் மூன்று சாதனைகள் செய்துள்ளதாகவும், இதுவரை அதனை சூப்பர் ஸ்டார் ரஜினி கூட செய்யவில்லை என்கின்றனர் திரைப்பட விமர்சகர்கள்.

இரட்டை இயக்குனர்களான ஜேடி - ஜெர்ரி இயக்கத்தில் அருள் சரவணன் அறிமுக நடிகராக நடித்துள்ள படம் 'தி லெஜண்ட்' படம் கடந்த ஜூலை மாதம் 28ஆம் தேதி திரையரங்குகளில் வெளியானது.

அண்ணாச்சி சரவணனுடன் நாயகியாக ஊர்வசி ரவுடேலா, கீதிகா திவாரி, மறைந்த நடிகர் விவேக், யோகிபாபு, நாசர், ரோபோ ஷங்கர் என நட்சத்திர பட்டாளமே நடித்திருந்த நிலையில், ஹாரிஸ் ஜெயராஜ் இசையமைத்திருந்தார். படத்தின் பாடல்களும் யூட்யூபில் மில்லையன்களை கடந்தது.

'தி லெஜண்ட்’

'தி லெஜண்ட்' உலகம் முழுவதும் 2500 திரையரங்குகளில் வெளியிடப்பட்ட நிலையில், தமிழ்நாட்டில் மட்டும் 600க்கும் மேற்பட்ட திரையரங்குகளில் வெளியானது. சுமார் 45 கோடி செலவில் உருவான 'தி லெஜண்ட்' உலக அளவில் முதல் வார முடிவில் 6 கோடி ரூபாயையும், மொத்த வசூல் 10 கோடியை கடந்துள்ளதாக தகவல்கள் வெளியாகியுள்ளது.

சில பல சாதனை

படம் நன்றாக இருக்கிறது சுத்தமாக நல்லாவே இல்லை என கலவையான விமர்சனங்கள் எழுந்து வந்தாலும் தி லெஜன்ட் படத்தின் மூலம் அண்ணாச்சி சரவணன் அருள் சத்தம் இல்லாமல் தமிழ் சினிமாவில் சில பல சாதனைகளைப் படைத்திருக்கிறார். அண்ணாச்சிக்கு ஒரு மகள் இருப்பதும் அவருக்கு சில ஆண்டுகளுக்கு முன்பு திருமணம் நடந்ததும் அனைவருக்குமே தெரியும். அந்த வகையில் 50 வயதில் தமிழ் திரை உலகில் முதல் படத்திலேயே ஹீரோவாக அறிமுகமான முதல் நடிகர் நமது லெஜெண்ட் அண்ணாச்சி என்பதுதான் உண்மை. 50 வயதுக்கு மேல் ஹிரோவாக நடித்து வந்தாலும் 50 வயதுக்கு மேல் யாரும் முதன்முறையாக ஹீரோவாக தற்போது கிடைத்துள்ள தகவல்கள் படி நடித்ததில்லை என்பது குறிப்பிடத்தக்கது.

உலக அழகி ஜோடி

தமிழ் திரையுலகை பொருத்தவரை ஏற்கனவே பல உலக அளவில் பட்டங்களை வென்ற அழகியுடன் நடித்திருக்கிறார்கள். ஐஸ்வர்யா ராய் உடன் பிரசாந்த் ரஜினிகாந்த் உள்ளிட்ட பலர் நடித்திருந்தாலும் அறிமுகமான முதல் படத்திலேயே உலக அழகியுடன் எந்த ஒரு சினிமா நடிகரும் இதுவரை நடித்ததில்லை அந்த வகையில் நம்ம அண்ணாச்சி அருள் அதிர்ஷ்டசாலி தான் அறிமுகமான முதல் படத்திலேயே உலக அழகி ஊர்வசி ராவ்டேலாவுடன் இணைந்து நடித்திருக்கிறார். அவருக்கு மட்டும் ஊதியம் 10 கோடி தரப்பட்டதாகவும் தகவல்கள் வெளியாகி இருக்கிறது.

அதிக தியேட்டர்கள்

ஒரு அறிமுக நடிகருக்கு முதல் படமே 2500 தியேட்டர்களில் வெளியாகும் இதுவே முதல் முறை என்கின்றனர் விநியோகஸ்தர் தரப்பினர் ரஜினி விஜய் அஜித் படங்களுக்கு இணையாக உலகம் முழுவதும் பல்வேறு நாடுகளில் 2,500 திரையரங்குகளில் தி லெஜெண்ட் திரைப்படம் வெளியான நிலையில் தமிழகத்தில் மட்டும் சுமார் 600க்கும் மேற்பட்ட திரையரங்குகளில் வெளியானது. தற்போது இந்த படம் இதுவரை 10 கோடிக்கு மேல் வசூலித்தல் நிலையில் படத்தின் வெற்றி விழாவை கொண்டாடவும் அண்ணாச்சி தரப்பு தயாராகி வருகிறது.

English summary

Legend Saravana Stores owner 'Legend' Saravanan Arul's film 'Legend' has received mixed reviews and has achieved three feats in the world of silent Tamil cinema, movie critics say that even superstar Rajinikanth has not done it yet.