சென்னை அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

எப்புடி இருந்த நான்.. இப்புடி ஆயிட்டேன்! டம்மியான காற்றழுத்த தாழ்வுப் பகுதி -30 வரை மழைக்கு வாய்ப்பு

Google Oneindia Tamil News

சென்னை: குமரிக்கடல் மற்றும் அதனை ஒட்டிய பகுதிகளில் நிலவிய காற்றழுத்த தாழ்வு பகுதி வலுவிழந்த நிலையில் தமிழ்நாடு மற்றும் புதுச்சேரியின் ஒரு சில பகுதிகளில் இன்று முதல் 30 ஆம் தேதி வரை மிதமான மழைக்கான வாய்ப்பு இருப்பதாக சென்னை வானிலை ஆய்வு மையம் தெரிவித்து உள்ளது. குமரிக்கடல் பகுதியில் சூறாவளிக் காற்று வீசும் என்பதால் மீனவர்கள் நாளை கடலுக்கு செல்ல வேண்டாம் என எச்சரிக்கப்பட்டு உள்ளது.

சென்னை வானிலை ஆய்வு மையம் வெளியிட்ட அறிவிப்பில், "நேற்று (26.12.2022) குமரிக்கடல் மற்றும் அதனை ஒட்டிய பகுதிகளில் நிலவிய காற்றழுத்த தாழ்வு பகுதி இன்று (27.12.2022) வலுவிழந்தது.

மேலும் குமரிக்கடல் மற்றும் அதனை ஒட்டிய பகுதிகளில் வளிமண்டல கீழடுக்கு சுழற்சி நிலவுகிறது. இதன் காரணமாக இன்று தமிழ்நாடு, புதுவை மற்றும் காரைக்கால் பகுதிகளில் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும்.

புஸ் ஆன காற்றழுத்த தாழ்வு..கனமழையும் இருக்கு..யாருக்கெல்லாம் ரெயின் கோட் அவசியம் புஸ் ஆன காற்றழுத்த தாழ்வு..கனமழையும் இருக்கு..யாருக்கெல்லாம் ரெயின் கோட் அவசியம்

30 ஆம் தேதி வரை மழை

30 ஆம் தேதி வரை மழை

நாளை முதல் டிசம்பர் 30 ஆம் தேதி வரை தமிழ்நாடு, புதுச்சேரி மற்றும் காரைக்கால் பகுதிகளில் ஓரிரு இடங்களில் லேசானது முதல் மிதமான மழை பெய்யக்கூடும். டிசம்பர் 31 ஆம் தேதி தமிழ்நாடு, புதுவை மற்றும் காரைக்கால் பகுதிகளில் வறண்ட வானிலை நிலவக்கூடும்." என்று தெரிவிக்கப்பட்டு இருக்கிறது.

சென்னையில் மழை பெய்யுமா?

சென்னையில் மழை பெய்யுமா?

சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஓரிரு இடங்களில் லேசானது முதல் மிதமான மழை பெய்யக்கூடும். அதிகபட்ச வெப்ப நிலை 30-31 டிகிரி செல்சியஸ் மற்றும் குறைந்தபட்ச வெப்பநிலை 24-25 டிகிரி செல்சியஸ் அளவில் இருக்கக்கூடும்.'

மழை அளவு

மழை அளவு

கடந்த 24 மணி நேரத்தில் பதிவான மழை அளவு (சென்டிமீட்டரில்):
ஊத்து (திருநெல்வேலி) 9, மாஞ்சோலை (திருநெல்வேலி) 7, காக்காச்சி (திருநெல்வேலி), சேர்வலர் அணை (திருநெல்வேலி) தலா 6, பாபநாசம் (திருநெல்வேலி), நாலுமுக்கு (திருநெல்வேலி) தலா 5, ராமநதி அணை (திருநெல்வேலி), திருச்செந்தூர் (தூத்துக்குடி), திருப்பூர் தலா 4, கடனா அணை (தென்காசி), தென்காசி, திருப்புவனம் (சிவகங்கை), அம்பாசமுத்திரம் (திருநெல்வேலி), ஆய்க்குடி (தென்காசி), தூத்துக்குடி, செங்கோட்டை (தென்காசி), திருச்செந்தூர் AWS (தூத்துக்குடி) தலா 3, அவினாசி (திருப்பூர்), கள்ளந்திரி (மதுரை), ஆயின்குடி (புதுக்கோட்டை), புலிப்பட்டி (மதுரை), கஞ்சனூர் (விழுப்புரம்), உசிலம்பட்டி (மதுரை), கன்னியாகுமரி, மதுரை விமான நிலையம், குப்பணம்பட்டி (மதுரை), திருமங்கலம் (மதுரை), வானூர் (விழுப்புரம்), கலசப்பாக்கம் (திருவண்ணாமலை), ஆண்டிபட்டி (தேனி), மணிமுத்தாறு (திருநெல்வேலி), திருப்பத்தூர் (சிவகங்கை), ஈச்சன்விடுதி (தஞ்சாவூர்), பேராவூரணி (தஞ்சாவூர்), வம்பன் Agro (புதுக்கோட்டை) தலா 2, முண்டியம்பாக்கம் (விழுப்புரம்), நேமூர் (விழுப்புரம்), திண்டிவனம் (விழுப்புரம்), பெருந்துறை (ஈரோடு), சத்தியார் (மதுரை), மதுரை தெற்கு, சிவகிரி (தென்காசி), ஆனந்தபுரம் (விழுப்புரம்), கல்லிக்குடி (மதுரை), கொடைக்கானல் (திண்டுக்கல்), வேப்பூர் (கடலூர்), தேக்கடி (தேனி), மரக்காணம் (விழுப்புரம்), கழுகுமலை (தூத்துக்குடி), ஆவுடையார்கோயில் (புதுக்கோட்டை), பிளவக்கல் (விருதுநகர்), கொத்தவாச்சேரி (கடலூர்), சாத்தூர் (விருதுநகர்), ஆலங்குடி (புதுக்கோட்டை), கேதார் (விழுப்புரம்), குடிதாங்கி (கடலூர்), பள்ளிப்பட்டு (திருவள்ளூர்), குன்னூர் PTO (நீலகிரி), அதிராம்பட்டினம் (தஞ்சாவூர்), உடுமலைப்பேட்டை (திருப்பூர்), பாப்பிரெட்டிப்பட்டி (தருமபுரி), கீழ்பென்னாத்தூர் (திருவண்ணாமலை), பொன்னேரி (திருவள்ளூர்), வத்திராயிருப்பு (விருதுநகர்), சேரன்மகாதேவி (திருநெல்வேலி), பரமத்திவேலூர் (நாமக்கல்), குன்னூர் (நீலகிரி), காட்டுமயிலூர் (கடலூர்), அரக்கோணம் (இராணிப்பேட்டை), சூரப்பட்டு (விழுப்புரம்), கறம்பக்குடி (புதுக்கோட்டை), ராஜபாளையம் (விருதுநகர்), வளத்தி (விழுப்புரம்), புதுக்கோட்டை, மேட்டூர் (சேலம்), ஸ்ரீவைகுண்டம் (தூத்துக்குடி), ஹாரூர் (தருமபுரி), பெரியநாயக்கன்பாளையம் (கோயம்புத்தூர்), கச்சிராயபாளையம் (கள்ளக்குறிச்சி), கயத்தாறு (தூத்துக்குடி), திருச்சிராப்பள்ளி சந்திப்பு, காரைக்குடி (சிவகங்கை), வேடசந்தூர் திண்டுக்கல்), ஸ்ரீவில்லிபுத்தூர் (விருதுநகர்), பேரையூர் (மதுரை), குலசேகரப்பட்டினம் (தூத்துக்குடி), நாங்குநேரி (திருநெல்வேலி), குந்தா பாலம் (நீலகிரி), பில்லிமலை எஸ்டேட் (நீலகிரி), விருதாச்சலம் (கடலூர்), மதுரை), ஊத்துக்குளி (திருப்பூர்), பெரியகுளம் (தேனி), மேட்டுப்பட்டி (மதுரை) தலா 1.

மீனவர்களுக்கு எச்சரிக்கை

மீனவர்களுக்கு எச்சரிக்கை

நாளை கேரள கடலோரப்பகுதிகள், தென்கிழக்கு அரபிக்கடல் பகுதிகள், லட்சத்தீவு மற்றும் அதனை ஒட்டிய குமரிக்கடல் பகுதிகளில் சூறாவளிக்காற்று மணிக்கு 40 முதல் 50 கிலோ மீட்டர் வேகத்தில் இடையிடையே 60 கிலோ மீட்டர் வேகத்தில் வீசக்கூடும். மேற்குறிப்பிட்ட நாட்களில் மீனவர்கள் இப்பகுதிகளுக்கு செல்ல வேண்டாமென்று அறிவுறுத்தப்படுகிறார்கள்." என்று குறிப்பிடப்பட்டு உள்ளது.

English summary
The Chennai Meteorological Department has informed that there is a possibility of moderate rain in a few parts of Tamil Nadu and Puducherry from today till the 30th as the low pressure area prevailing in the Kumari Sea and adjoining areas has weakened.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X