மழையுடன் “டாட்டா” சொல்லும் 2022.. தென் மாவட்டங்களில் 2 நாள் பெய்யுமாம்! லிஸ்ட்ல உங்க ஊரு இருக்கா?

சென்னை: வங்கக்கடலில் நிலவி வந்த குறைந்த காற்றழுத்த தாழ்வுப் பகுதி கடந்த சில நாட்களுக்கு முன் வலுவிழந்த நிலையில், தென்கிழக்கு அரபிக்கடல் மற்றும் அதனை ஒட்டிய பகுதிகளில் நிலவும் வளி மண்டல கீழடுக்கு சுழற்சி காரணமாக இன்றும் நாளையும் தென் தமிழக மாவட்டங்களில் ஒரு சில இடங்களில் மிதமான மழை பெய்யும் என சென்னை வானிலை ஆய்வு மையம் தெரிவித்து உள்ளது.

கடந்த சில நாட்களாக வங்கக்கடலில் நிலவி வந்த காற்றழுத்த தாழ்வு மண்டலம் குறைந்த காற்றழுத்த தாழ்வுப்பகுதி வலுவிழந்து குமரிக்கடல் மற்றும் அதனை ஒட்டிய பகுதிகளில் காற்றழுத்த தாழ்வு பகுதியாக நிலவியது.

இதனால் தமிழ்நாட்டின் தென் மாவட்டங்கள் மற்றும் டெல்டா மாவட்டங்களில்
நல்ல மழை பெய்தது. இந்த நிலையில் அரபிக்கடலில் அருகே நேற்று முந்தினம் இந்த காற்றழுத்த தாழ்வுப் பகுதி வலுவிழந்தது.

மழையும், வறண்ட வானிலையும்

இந்த நிலையில் இன்று சென்னை வானிலை ஆய்வு மையம் வெளியிட்ட அறிக்கையில், "தென்கிழக்கு அரபிக்கடல் மற்றும் அதனை ஒட்டிய பகுதிகளில் நிலவும் வளி மண்டல கீழடுக்கு சுழற்சி காரணமாக இன்றும் நாளையும் தென் தமிழக மாவட்டங்களில் ஓரிரு இடங்களில் லேசானது முதல் மிதமான மழை பெய்யக்கூடும். வட உள் தமிழக மாவட்டங்களில் காலை வேளையில் லேசான பனிமூட்டம் காணப்படும்.

சென்னையில் மழை பெய்யுமா?

டிசம்பர் 32 ஆம் தேதி முதல் ஜனவரி 2 ஆம் தேதி வரை தமிழ்நாடு, புதுவை மற்றும் காரைக்கால் பகுதிகளில் வறண்ட வானிலை நிலவக்கூடும். சென்னை மற்றும் புறநகர் பகுதிகளை பொறுத்தவரை, அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 31-32 டிகிரி செல்சியஸ் மற்றும் குறைந்தபட்ச வெப்பநிலை 23-24 டிகிரி செல்சியஸ் அளவில் இருக்கக்கூடும்.

மழை நிலவரம்

கடந்த 24 மணி நேரத்தில் ஊத்து (திருநெல்வேலி) 9, மாஞ்சோலை (திருநெல்வேலி), காக்காச்சி (திருநெல்வேலி) தலா 6, நம்பியார் அணை (திருநெல்வேலி 5, கன்னடியன் அணைக்கட்டு (திருநெல்வேலி) 3 சென்டிமீட்டர் என்ற அளவில் மழை பதிவாகி இருப்பதாக சென்னை வானிலை ஆய்வு மையம் தெரிவித்து இருக்கிறது.

திருநெல்வேலி, தூத்துக்குடியில் மழை

ராமநதி அணைப்பிரிவு (தென்காசி), நாலுமுக்கு (திருநெல்வேலி, பாபநாசம் (திருநெல்வேலி), சேரன்மகாதேவி (திருநெல்வேலி), மணிமுத்தாறு (திருநெல்வேலி), சாத்தான்குளம் (தூத்துக்குடி), அம்பாசமுத்திரம் (திருநெல்வேலி) தலா 2, கடனா அணைப்பிரிவு (தென்காசி), சேர்வலாறு அணை (திருநெல்வேலி), கயத்தாறு (தூத்துக்குடி), செங்கோட்டை (தென்காசி), கொடுமுடியாறு அணை (திருநெல்வேலி), குண்டாறு அணை (தென்காசி), ஆயிக்குடி (தென்காசி) தலா 1." என்றார்.

English summary

As the low pressure area prevailing in the Bay of Bengal has weakened a few days ago, due to the low circulation in the Southeast Arabian Sea and adjacent areas, moderate rain will occur in a few places in South Tamil Nadu today and tomorrow, according to the Chennai Meteorological Department.