தமிழ்நாட்டில் அதிக வாக்காளர்களை கொண்ட தொகுதி, குறைந்த வாக்காளர்களை கொண்ட தொகுதி.. எது தெரியுமா?

சென்னை: தமிழ்நாட்டின் இறுதி வாக்காளர் பட்டியல் வெளியிடப்பட்டுள்ளது. அதன்படி, தமிழ்நாட்டில் மொத்தமாக 6.20 கோடி வாக்காளர்கள் உள்ளதாக அறிவிக்கப்பட்டுள்ளது. அதில் 3.15 கோடி பெண் வாக்காளர்களும், 3.04 கோடி ஆண் வாக்காளர்கள் இருப்பதாக அறிவிக்கப்பட்டுள்ளது. அதிக வாக்காளர்களை கொண்ட தொகுதியாக சோழிங்கநல்லூர் தொகுதியும், குறைந்த வாக்காளர்களை கொண்ட தொகுதியாக துறைமுகம் தொகுதியும் உள்ளது.

தமிழ்நாட்டின் இறுதி வாக்காளர் பட்டியல் மாநில தேர்தல் ஆணையர் சத்யபிரதா சாஹூ வெளியிட்டுள்ளார். இறுதி வாக்காளர் பட்டியல் அடிப்படையில் தமிழ்நாட்டில் 6 கோடியே 20 லட்சத்து 41 ஆயிரத்து 179 வாக்காளர்கள் உள்ளனர்.

அதில் அதிகபட்சமாக பெண்களில் 3 கோடியே 15 லட்சத்து 43 ஆயிரத்து 286 வாக்காளர்களும், ஆண்களில் 3 கோடியே 4 லட்சத்து 89 ஆயிரத்து 866 வாக்காளர்களும் இருக்கின்றனர். அதேபோல் மூன்றாம் பாலினத்தவர்களில் 8 ஆயிரத்து 27 வாக்காளர்கள் இருக்கின்றனர்.

புதிய வாக்காளர்கள் எவ்வளவு?

அதேபோல் வாக்காளர் பட்டியலில் புதிதாக பெயர் சேர்த்தலுக்காக 10 லட்சத்து 54 ஆயிரத்து 566 விண்ணப்பங்கள் பெற்றுள்ளன. அதில் 10 லட்சத்து 17 ஆயிரத்து 141 விண்ணப்பங்கள் ஏற்கப்பட்டுள்ளன. அதிலும் பெண் வாக்காளர்களே அதிகமாக இருக்கின்றனர். புதிதாக 5 லட்சத்து 46 ஆயிரத்து 255 பெண்கள் வாக்காளர் பட்டியலில் இணைந்துள்ளனர்.

நீக்கப்பட்ட வாக்காளர்கள்

அதேபோல் 4 லட்சத்து 70 ஆயிரத்து 291 ஆண் வாக்காளர்கள் புதிதாக வாக்காளர் பட்டியலில் இணைக்கப்பட்டுள்ளனர். மூன்றாம் பாலினத்தவர்களில் 625 பேர் புதிதாக சேர்க்கப்பட்டுள்ளனர். அதுமட்டுமல்லாமல் பெயர் நீக்கலுக்காக 8,43,007 விண்ணப்பங்கள் பெறப்பட்டு அவற்றில் 8,02,136 வாக்காளர்களின் பெயர்கள் இடப்பெயர்ச்சி என்று 5 லட்சத்து 32 ஆயிரத்து 526 வாக்காளர்களும், இரட்டை பதிவு என்று 21 ஆயிரத்து 946 வாக்காளர்களும், இறப்பு என்று 2 லட்சத்து 47 ஆயிரத்து 664 பெயர்களும் நீக்கப்பட்டுள்ளனர்.

சோழிங்கநல்லூர் முதலிடம்

இறுதி வாக்காளர் பட்டியலின்படி செங்கல்பட்டு மாவட்டத்திற்குட்பட்ட சோழிங்கநல்லூர் சட்டமன்றத் தொகுதி தமிழ்நாட்டிலேயே அதிக வாக்காளர்களைக் கொண்டுள்ள தொகுதியாக அறிவிக்கப்பட்டுள்ளது. சோழிங்கநல்லூர் தொகுதியில் மொத்தம் 6 லட்சத்து 66 ஆயிரத்து 295 வாக்காளர்கள் உள்ளனர். அதில் ஆண்கள் 3 லட்சத்து 34 ஆயிரத்து 081 பேரும், பெண்கள் 3 லட்சத்து 32 ஆயிரத்து 096 பேரும், மூன்றாம் பாலினத்தவர் 118 பேரும் உள்ளனர்.

கவுண்டம்பாளையம் தொகுதி

அதேபோல் அதிக வாக்காளர்களை கொண்ட தொகுதிகளின் பட்டியலில் கோவை மாவட்டத்தின் கவுண்டம்பாளையம் தொகுதி இரண்டாம் இடத்தில் உள்ளது. இந்தத் தொகுதியில் மொத்தம் 4 லட்சத்து 57 ஆயிரத்து 408 வாக்காளர்கள் உள்ளனர். அதில் ஆண்கள் 2 லட்சத்து 27 ஆயிரத்து 835 பேரும், பெண்கள் 2 லட்சத்து 29 ஆயிரத்து 454 பேரும், மூன்றாம் பாலினத்தவர் 119 பேரும் உள்ளனர்.

குறைந்த வாக்காளர்கள் தொகுதி

அதேபோல் தமிழ்நாட்டிலேயே குறைந்த வாக்காளர்கள் கொண்ட தொகுதியாக சென்னை மாவட்டத்திற்குட்பட்ட துறைமுகம் தொகுதி உள்ளது. இத்தொகுதியின் மொத்த வாக்காளர்களாக 1 லட்சத்து 70 ஆயிரத்து 125 பேர் உள்ளனர். அதில் ஆண்கள் 88 ஆயிரத்து 396 பேரும், பெண்கள் 81 லட்சத்து 670 பேரும், மூன்றாம் பாலினத்தவர் 59 பேரும் உள்ளனர்.

2ம் இடத்தில் கீழ்வேளூர்

துறைமுகம் தொகுதிக்கு அடுத்தபடியாக 2ம் இடத்தில் நாகை மாவட்டத்தின் கீழ்வேளூர் தொகுதி உள்ளது. இத்தொகுதியின் மொத்த வாக்காளர்களாக 1 லட்சத்து 75 ஆயிரத்து 128 பேர் உள்ளனர். அதில் ஆண்கள் 85 ஆயிரத்து 652 பேரும், பெண்கள் 89 ஆயிரத்து 474 பேரும், மூன்றாம் பாலினத்தவர் 2 பேரும் உள்ளனர்.

English summary

Tamil Nadu final voter list published. Accordingly, it has been announced that there are a total of 6.20 crore voters in Tamil Nadu. It has been reported that there are 3.15 crore female voters and 3.04 crore male voters. Sholinganallur constituency with the highest number of voters and Thuraimugan is the constituency with the lowest voter turnout.