எங்க இருந்துயா வர்றீங்க! நடிகர்களுக்கே டஃப் கொடுக்கும் கூட்டம்! யார் இந்த டிடிஎஃப் வாசன்! பின்னணி?

Updated: Saturday, July 2, 2022, 15:48 [IST]

Subscribe to Oneindia Tamil

சென்னை : யாருயா நீ? இவ்வளவு நாளா எங்க இருந்த? என்று கேட்கும் அளவுக்கு யூடியூபில் மிகப் பிரபலமான டிடிஎஃப் வாசன் பிறந்த நாளை ஒட்டி அவருக்கு வாழ்த்துக்கள் தெரிவிக்க ஆயிரக்கணக்கில் இளைஞர்கள் கூடியதால் போக்குவரத்து நெரிசல் ஏற்பட்டது. நடிகர்களுக்கே டப் கொடுக்கும் வகையில் கூட்டம் கூடுவதன் பின்னணி என்ன..?

யூட்யூப் சேனல்

சமையல், நடனம் ,டிராவல் என தங்களுக்கு பிடித்த துறைகளில் ஆதிக்கம் செலுத்தி வந்த நபர்களை பின்னுக்கு தள்ளி கடைக்கோடி நபர் கூட இன்று இணையங்களை மிகப் பிரபலமாகி வருகின்றனர்
அந்த வகையில் யூடியூப் சேனல் மூலம் பிரபல டிராவல் விலாக்கர் ஆக இருப்பவர் டிடிஎஃப் வாசன். கோவையை பூர்வீகமாகக் கொண்ட வாசன் கடந்த 2020 ஆம் ஆண்டு Twin Throttlers youtube சேனலை ஆரம்பித்தபோது வெறும் நூற்றுக்கணக்கில் தான் அவரை பின்தொடர்பவர்களின் எண்ணிக்கை இருந்தது. அடுத்தடுத்து சில மாதங்களிலேயே அவரது சப்ஸ்கிரைபர்களின் எண்ணிக்கை 20 லட்சத்தையும் தாண்டி உள்ளது.

டிடிஎஃப் வாசன்

தற்போதைய சூழலில் இந்தியாவில் அதிக அளவில் ரசிகர்களை கொண்ட ட்ராவல் விலாக்கர் என்றால் அது டிடிஎஃப் வாசன் தான் கோவையில் இருந்து லடாக் வரை சென்ற அவரது வீடியோ இலட்சக்கணக்கான இளைஞர்களால் லைக் செய்யப்பட்டது. ஒல்லியான தேகம் தோள்பட்டை வரை நீண்டிருக்கும் முடி என சற்று வித்தியாசமாக இருந்தாலும் அசுரவேகம் அசாத்திய திறமைகள் என பைக்கில் இவர் காட்டிய சாகசங்களை கண்டு 2k கிட்ஸ் இளைஞர்கள் கிறங்கிப் போயினர். மேலும் வழிநெடுக பயணம் செய்யும்போது ஆங்காங்கே சிறுவர்களையும் வயதானவர்களையும் சந்தித்து பணம், பரிசு கொடுப்பது என சென்டிமென்ட் சேட்டைகளை செய்து வந்த இவருக்கு சப்ஸ்கிரைப்ர்களின் எண்ணிக்கையை பல மடங்கு உயர்த்தியது.

மிகவும் பிரபலம்

ஆனால் இவரை தற்போதுள்ள பெரும்பாலான 90's கிட்ஸ்களுக்கு இவர்களைப் பற்றி தெரியாது. டிவிஎஸ் 50 வண்டியவே 20 கிலோமீட்டர் வேகத்தில் ஓட்டும் அவர்களுக்கு டிடிஎஃப் வாசனை எப்படி பிடிக்கும். இந்த நிலையில்தான் சமீபத்தில் பிறந்த நாள் கொண்டாடிய டிடிஎஃப் வாசனை காண ஆயிரக்கணக்கில் குவிந்துள்ளனர் அவரது ரசிகர்கள். அவரைப் பார்க்கவும் அவர் பேசுவதை கேட்கவும் கூடியிருந்த தொண்டர்களை பார்த்து சமூக வலைதளவாசிகள் மலைத்து போயினர். மிகப் பிரபலமான நடிகர்களுக்கு இணையாக வந்த கூட்டம் தான் தற்போது சமூக வலைதளவாசிகள் மத்தியில் மிகப் பிரபலமாக உள்ளது.

ஆயிரக்கணக்கில் ரசிகர்கள்

முதன் முதலில் தனது தந்தையின் பழைய என்பில்டு வாகனத்தை வைத்து பயணத்தை தொடங்கிய இவரிடம் தற்போது ஏராளமான சூப்பர் பைக்குகள் உள்ளன. அதை வைத்து இந்தியா முழுவதும் சுற்றி வரும் இவர் லட்சக்கணக்கில் சம்பாதித்து வருகிறார் ரசிகர்களையும் சேர்த்து. அதன் எதிரொலி தான் தனது பிறந்த நாளை கொண்டாட ஏற்பாடு செய்திருந்த வாசன் இதற்காக 30 பேர் வரை வருவார்கள் என எதிர்பார்த்து நிகழ்ச்சியை ஏற்பாடு செய்ய, ஆனால் அங்கோ ஆயிரத்திற்கும் மேற்பட்ட ரசிகர்கள் குவிந்தனர். கோவையில் உள்ள தனது வீட்டில் ஒன்றரை கிலோ கேக்குடன் காத்திருந்த அவருக்கு பிரம்மாண்ட கேக்குகளுடன் அணிவகுத்தனர் ரசிகர்கள்.

பிரம்மாண்ட கூட்டம்

இதனால் அந்த இடமே திருவிழா கூட்டம் போல காட்சியளித்தது நேரம் செல்லச் செல்ல ரசிகர்கள் கூட்டம் அதிகரித்ததால் கூட்டத்தை சமாளிக்க முடியாமல் போலீசாரே திணறிப் போயினர். இதனை அடுத்து மேலும் கூடுதல் போலீசார் அங்கு வரவழைக்கப்பட்டு ரசிகர்களை கட்டுப்படுத்தியதோடு இது போன்ற நிகழ்ச்சிகளை முன்னறிவிப்பின்றி ஏற்பாடு செய்யக்கூடாது என வாசனை எச்சரித்து சென்றனர். தற்போது இந்த வீடியோ காட்சிகள் சமூக வலைதளங்களில் வேகமாக பரவி வருகிறது.