கொரோனா அலை.. நாடு முழுக்க சுடுகாடுகளில் குவியும் சடலங்கள்.. பல மணி நேரம் காத்துகிடக்கும் உறவினர்கள்

டெல்லி: நாட்டில் அதிகரித்து வரும் கொரோனா வைரஸ் பரவலால் அதிகரித்து வரும் இறப்புகளின் எண்ணிக்கையால் சுடுகாடுகள் மற்றும் இடுகாடுகளில் சடலங்கள் குவிந்தபடி உள்ளன.

இந்தியா இப்போது, கொரோனா பாதிப்பில், உலகின் இரண்டாவது மிக மோசமான பாதிப்புக்குள்ளான நாடாக உள்ளது.

கடந்த 10 நாட்களில் தினசரி புதிய தொற்றுநோய்களில் கடும் உயர்வு உள்ளது.

மோசமான பாதிப்பு

செவ்வாயன்று நாட்டில் 161,736 புதிய கேஸ்களும், 879 இறப்புகளும் பதிவாகியுள்ளன . இது ஜனவரி மாத தினசரி சராசரியை விட நான்கு மடங்கு அதிகம். உலகிலேயே கொரோனாவால் இரண்டாவது மோசமாக பாதிக்கப்பட்ட நாடாக இந்தியா உள்ளது.

கொடுமை

நாடு முழுக்க உள்ள சுடுகாடுகளில் சடலங்கள் எண்ணிக்கை அதிகரித்துள்ளதாம். முன்னதாக ஒரு நாளில் 15 முதல் 20 சடலங்கள் போய்க் கொண்டிருந்தன, இப்போது தினமும் 80 முதல் 100 சடலங்கள் போய்க் கொண்டிருக்கின்றன என்று குஜராத்தின் மயான அறக்கட்டளை தலைவர் கமலேஷ் மாலுமி கூறியுள்ளாராம்

காத்திருந்த உறவினர்கள்

கடந்த ஆண்டு இந்தியாவின் முதல் வைரஸ் அலை தாக்கிய பிறகு, 24 மணி நேரமும் சுடுகாடு செயல்படத் தொடங்கியது. அப்படியிருந்தும் கொரோனா நோயாளி, குடும்பங்கள் தங்கள் உறவினர்களின் உடல்களை தகனம் செய்ய குறைந்தபட்சம் இரண்டு முதல் மூன்று மணி நேரம் காத்திருக்க வேண்டிய நிலை ஏற்பட்டதாக அவர் கூறியுள்ளார்.

பதிவாகிறது

கொரோனா இறப்பு அதிகரித்தாலும், இந்தியா இன்னும் இறப்பு விகிதத்தை குறைத்து வருவதாக நிபுணர்கள் கூறுகின்றனர். கொரோனாவுக்கு முன்பாக இறப்பு சம்பவங்கள் உரிய வகையில் பதிவு செய்யப்படவில்லை. எனவே, குறைவாக இருந்திருக்கும். இப்போது பதிவு செய்யப்படுவதால் தெரிகிறது என்கிறார்கள் விஞ்ஞானிகள்.

English summary

India’s crematoriums and burial grounds are working overtime to cope with the surging number of deaths from the country’s escalating coronavirus outbreak.