ஆவேசமாக பாய்ந்து வந்த முதலை.. அசால்ட்டாக தோசைக்கல்லை கொண்டு அடித்து விரட்டிய முதியவர்.. வீடியோ!

Updated: Monday, June 27, 2022, 21:43 [IST]

Subscribe to Oneindia Tamil

சிட்னி: ஆவேசமாகப் பாய்ந்து வந்த முதலையை முதியவர் ஒருவர் அசல்டாக காட்டுக்குள் அனுப்பும் வீடியோ இணையத்தில் வேகமாகப் பரவி வருகிறது.

ஆஸ்திரேலியா

உலகில் மற்ற நிலப்பரப்புகள் உடன் இல்லாமல் தனித்து விடப்பட்டு இருக்கும் பகுதிகளில் ஒன்று ஆஸ்திரேலியா. இப்படித் தனித்து விடப்பட்டு இருப்பதாலேயே அங்குப் பல அபூர்வ விலங்குகள் இருக்கும். கங்காருக்கள் முதல் பெரிய பெரிய முதலைகள் வரை பலவற்றை நாம் அங்குப் பார்க்க முடியும். இதனால் ஆஸ்திரேலியாவில் நகர்ப் பகுதிகளைத் தவிர்த்துப் பிற பகுதிகளில் மனித மிருக மோதல்கள் அடிக்கடி ஏற்படும்.

பயங்கர விலங்குகள்

ஏனென்றால், அங்கு தான் உலகில் பாலூட்டிகள் மற்றும் ஊர்வனவற்றின் மிகவும் மாறுபட்ட விலங்குகள் உள்ளன. மேலும், அங்குள்ள 80%க்கும் அதிகமான தாவரங்கள், பாலூட்டிகள், ஊர்வனங்கள் தனித்துவமானவை. அவை உலகில் வேறு எங்கும் காணப்படவில்லை. எனவே, அங்கு நகரங்களுக்கு வெளியே வசிப்பவர்கள் கங்காருக்களைச் சந்திப்பதோ அல்லது முதலை, பாம்பு போன்ற பயங்கர உயிரினங்களை வீட்டில் எதிர்கொள்வதோ அதிசயமான நிகழ்வு இல்லை.

வீடியோ

இதனால் அப்பகுதியில் வசிக்கும் குடும்பங்கள் விலங்குகளை விரட்டப் பயங்கர ஆயுதங்கள் மற்றும் கருவிகளைக் கையில் வைத்து இருப்பார்கள். ஆனால் சில எதிர்பாராத சமயங்களில், தக்க நேரத்தில் ஆயுதங்கள் கிடைக்காது. அப்போது கையில் கிடைத்த பொருட்களைக் கொண்டு தான் நிலைமையைச் சமாளிக்க வேண்டும். அதுபோன்ற ஒரு சம்பவத்தின் வீடியோ தான் இணையத்தில் இப்போது வேகமாகப் பரவி வருகிறது.

முதியவர்

ஆஸ்திரேலியாவின் வடக்கு பகுதியைச் சேர்ந்த பப் உரிமையாளர் ஒருவர், தன்னை ராட்சத முதலை தாக்க வந்த போது, கையில் இருந்த தோசைக் கல்லையே ஆயுதமாக மாற்றிவிட்டார். ஆவேசமாகப் பாய்ந்து வந்த முதலையைப் பார்த்ததும் கடுப்பான கை ஹான்சன், அசல்டாக அதைக் காட்டுக்குள் அனுப்பும் வீடியோ இணையத்தில் வேகமாகப் பரவி வருகிறது.

தோசைக்கல்

அந்த வீடியோவில் முதலை ஆவேசமாகத் தனது ராட்சத வாயைப் பிளந்து கொண்டு கடிக்க வருகிறது. அதைப் பார்த்து துளியும் அஞ்சாமல் அந்த முதியவர் வெறும் தோசைக் கல்லை வைத்துக் கொண்டு முதலையின் தலையில் அடிக்கிறார். முதியவரிடம் அடி வாங்கிய முதலை, அப்படியே பம்பி காட்டிற்குத் திரும்பிச் செல்கிறது. இவை அனைத்தும் வீடியோவில் தெளிவாகப் பதிவாகி உள்ளது.

புலி

பண்டைக் காலத்தில் முறத்தைக்கொண்டு நெல்லை தூற்றிக்கொண்டிருந்த பெண் ஒருவரைத் தாக்கப் புலி ஒன்று வந்ததாகவும் அப்போது துளியும் அஞ்சாமல் அந்த பெண் முறத்தைக் கொண்டே புலியை அடித்து விரட்டியதாகவும் சொல்வார்கள். அதுபோலத் தான் இந்த நபரும் துளியும் அஞ்சாமல் தோசைக் கல்லைக் கொண்டு புலியை விரட்டி ஓடவிட்டுள்ளார்.