"பிரசாந்துக்கு இந்த நிலைமையா?"அதுதான் அவரோட மாஸ்டர் மூவ்! டான்ஸ் ஜோடி டான்ஸால் சூடுபிடித்த விவாதம்

சென்னை: ஒரு காலத்தில் தமிழ் சினிமாவின் சாக்லேட் பாயாக ரசிகர்களின் இதயங்களை ஆட்சி செய்த நடிகர் பிரசாந்த், தற்போது சின்னத்திரை ரியாலிட்டி ஷோவில் நடுவராக களமிறங்க உள்ளார். ஜீ தமிழின் பிரபல நிகழ்ச்சியான டான்ஸ் ஜோடி டான்ஸ் புதிய சீசனில் நடிகை சிம்ரனுடன் இணைந்து அவர் நடுவராக வர இருப்பது ரசிகர்கள் மத்தியில் பெரிய விவாதத்தை கிளப்பியுள்ளது.

ஒருபக்கம், "90ஸ் கிட்ஸ்களின் ஃபேவரைட் ஜோடி மீண்டும் இணைகிறது" என ரசிகர்கள் கொண்டாடி வருகிறார்கள். மறுபக்கம், "ஒரு காலத்தில் ரஜினி, விஜய், அஜித் படங்களுக்கு போட்டியாக படம் கொடுத்த பிரசாந்த் இப்போது டிவி ஷோவா?" என சிலர் வருத்தத்துடன் பதிவிட்டு வருகின்றனர்.

ஜோடி படத்தை மறக்க முடியுமா?

90களில் தமிழ் சினிமாவில் காதல் ஜோடிகள் பற்றி பேசும்போது முதலில் நினைவுக்கு வருபவர்களில் பிரசாந்த் - சிம்ரன் ஜோடியும் ஒன்று. "ஜோடி", "பார்த்தேன் ரசித்தேன்", "ஸ்டார்" உள்ளிட்ட படங்களில் இருவரின் கெமிஸ்ட்ரி ரசிகர்களை வெகுவாக கவர்ந்தது. குறிப்பாக "ஜோடி" படம் இன்றும் டிவியில் ஒளிபரப்பானால் பார்க்கும் ரசிகர்கள் ஏராளம்.

அந்த ஜோடி பல ஆண்டுகளுக்கு பிறகு மீண்டும் ஒரே மேடையில் வருகிறார்கள் என்பதே இந்த நிகழ்ச்சிக்கான மிகப்பெரிய ஹைலைட்டாக மாறியுள்ளது.

சினிமாவில் வாய்ப்பு

சமூக வலைதளங்களில் சிலர், "பிரசாந்துக்கு சினிமாவில் பெரிய வாய்ப்புகள் இல்லாததால் தான் டிவிக்கு வந்திருக்கிறார்" என்று கருத்து தெரிவித்து வருகின்றனர். ஆனால் அதற்கு ரசிகர்களே பதிலடி கொடுத்து வருகின்றனர். "இது 2005 கிடையாது. இன்று சின்னத்திரை, ஓடிடி, யூடியூப் எல்லாமே பெரிய பிளாட்ஃபார்ம். வாரம் வாரம் மக்களை சந்திப்பதுதான் உண்மையான ரீச்" என பலர் கூறி வருகின்றனர்.

விஜய், சூர்யா, சிவகார்த்திகேயன் காலத்தில்

தற்போதைய தலைமுறையில் விஜய், சூர்யா, சிவகார்த்திகேயன், கவின் போன்ற நடிகர்கள் தொடர்ந்து ரசிகர்களின் கண்முன்னே இருக்கிறார்கள். ஆனால் பிரசாந்த் போன்ற 90ஸ் ஹீரோக்கள் வருடத்திற்கு ஒரு படம் அல்லது இரண்டு ஆண்டுகளுக்கு ஒரு படம் மட்டுமே வருவதால், புதிய தலைமுறை ரசிகர்களிடம் அவர்களின் கனெக்ஷன் குறைந்து விட்டது என்பதே பலரின் கருத்து.

அதனால்தான் இந்த ரியாலிட்டி ஷோவை பிரசாந்தின் "ரீ-என்ட்ரி பிளான்" என்று சினிமா வட்டாரங்கள் பார்க்கின்றன.

உண்மையில் இது ஸ்மார்ட் மூவ்?

தற்போது தொலைக்காட்சி நிகழ்ச்சிகளில் வரும் பல நடிகர்கள் மீண்டும் ரசிகர்களின் கவனத்தை ஈர்த்து வருகின்றனர். குஷ்பு, ராதிகா, ரம்யா கிருஷ்ணன், சினேகா, சங்கவி, மீனா உள்ளிட்ட பல பிரபலங்கள் சின்னத்திரை நிகழ்ச்சிகள் மூலம் புதிய தலைமுறை ரசிகர்களிடமும் பிரபலமாகியுள்ளனர். அதே பாதையில் தான் பிரசாந்தும் பயணிக்கிறார் என்று கூறப்படுகிறது.

"ஒரு படம் ஹிட் ஆகும் வரை காத்திருப்பதை விட, வாரம் இரண்டு நாட்கள் ரசிகர்கள் வீட்டுக்குள்ளேயே செல்வது புத்திசாலித்தனமான முடிவு" என ரசிகர்கள் பதிவிட்டு வருகின்றனர்.

சிம்ரனும் போட்டியில்

இந்த நிகழ்ச்சியின் மற்றொரு ஆச்சரியம் நடிகை சிம்ரன். ஒரு காலத்தில் தமிழ் சினிமாவின் நம்பர் ஒன் நடிகையாக இருந்த சிம்ரன், கடந்த சில ஆண்டுகளாக கேரக்டர் ரோல்களில் மட்டுமே தோன்றி வந்தார். இப்போது பிரசாந்துடன் இணைந்து நடுவராக வருவது, 90ஸ் ரசிகர்களுக்கு பெரிய நாஸ்டால்ஜியா மோமென்ட்டாக மாறியுள்ளது.

இதற்கு முன்பு யார் யார்?

டான்ஸ் ஜோடி டான்ஸ் நிகழ்ச்சியின் முந்தைய சீசன்களில் நடிகை சினேகா,பாபா மாஸ்டர், சங்கீதா உள்ளிட்ட பல பிரபலங்கள் நடுவர்களாக இருந்துள்ளனர். ஆனால் இந்த முறை ஜீ தமிழ் வேறு லெவலில் யோசித்திருக்கிறது என ரசிகர்கள் கூறுகின்றனர்.

ஏனென்றால் ஒரு டான்ஸ் ஷோவுக்கு நடுவர்களை தேர்வு செய்யவில்லை. ஒரு தலைமுறையின் நினைவுகளை தேர்வு செய்திருக்கிறார்கள் என்பதே ரசிகர்களின் கருத்தாக உள்ளது.

TRPயில் மாற்றம் வருமா?

"பிரசாந்த் - சிம்ரன் ஜோடியை பார்த்தாலே 90ஸ் நினைவுகள் வரும்", "ஜோடி படம் காலத்துக்கு போயிட்ட மாதிரி இருக்கு", "இந்த சீசன் கண்டிப்பா பார்க்கணும்" போன்ற கருத்துகள் சமூக வலைதளங்களில் குவிந்து வருகின்றன.

வரும் ஜூன் 13-ஆம் தேதி முதல் ஒளிபரப்பாக உள்ள இந்த நிகழ்ச்சி, சாதாரண டான்ஸ் போட்டியாக இல்லாமல், 90ஸ் ரசிகர்களுக்கான ஒரு ரீயூனியன் நிகழ்ச்சியாகவே மாறி வருகிறது. ஒரு காலத்தில் வெள்ளித்திரையில் ரசிகர்களின் இதயத்தை வென்ற ஜோடி... இப்போது சின்னத்திரையில் TRP-யையும் வெல்லப் போகிறதா என்பதை பொறுத்திருந்து பார்க்க வேண்டும்.

English summary

Actor Prashanth is once again making headlines, this time not for a film release but for his television debut as a judge on Zee Tamil’s popular dance reality show Dance Jodi Dance. Joining him on the judging panel is actress Simran, creating excitement among fans who fondly remember the duo’s iconic on-screen chemistry from the late 1990s and early 2000s.The announcement has sparked a lively debate on social media. While many fans are thrilled to see the beloved pair reunite after years, others are questioning whether a star who once competed with the biggest names in Tamil cinema should be appearing on television reality shows.Prashanth and Simran were among the most celebrated screen pairs of their era, delivering memorable performances in films such as Jodi, Parthen Rasithen, and Star. Their reunion has instantly triggered nostalgia among 90s audiences, making the upcoming season one of the most anticipated reality shows on Tamil television.Some social media users have suggested that Prashanth’s move to television may be due to a lack of major film opportunities. However, many fans disagree, arguing that television and digital platforms have become powerful spaces for celebrities to remain connected with audiences. They believe appearing regularly before viewers can be more effective than waiting years between movie releases.Industry observers see this as a strategic move rather than a setback. Several leading actresses and actors, including Khushbu, Radhika, Ramya Krishnan, Sneha, Meena, and others, have successfully expanded their popularity through television appearances. Prashanth’s entry into reality television is being viewed in a similar light.