தன்னுடைய சொல்லை நிறைவேற்ற அசீம் செய்த செயலைப் பற்றி விவரிப்பு..பஞ்ச் வசனங்களால் மொத்த பிளானும் லீக்!

By V Vasanthi

Updated: Wednesday, January 25, 2023, 13:09 [IST]

Subscribe to Oneindia Tamil

சென்னை: பிக் பாஸ் தமிழ் சீசன் 6 வின்னராக ஜெயித்த பிறகு அசீம் முதல்முறையாக வீடியோ ஒன்றை வெளியிட்டு இருக்கிறார்.

தான் பிக் பாஸ் டைட்டில் ஜெயித்த பணத்தில் என்ன செய்யப் போகிறேன் என்பதை பற்றி அதில் விரிவாக பேசி இருக்கிறார்.

ஏற்கனவே பிக் பாஸ் வீட்டிற்குள் கூறியதை தான் தற்போது தான் விரைவில் செய்ய இருப்பதாக குறிப்பிட்டு இருக்கிறார்.

அசீமுடைய முயற்சியை அவருடைய ரசிகர்கள் பலர் பாராட்டி வருகின்றனர்

ரசிகர்களுக்கு நன்றிகள்

நான் வெளியே வந்து ஒவ்வொரு சோசியல் மீடியா பக்கங்களில் பார்க்கும்போதும் எனக்கு இருந்த ஆதரவு பார்த்து நான் திக்கற்ற நிலையில் இருந்தேன். என்னால் என்ன ரியாக்ட் பண்ணனும்னு தெரியாம இருந்தேன். ஒவ்வொருத்தங்களும் அந்த அளவிற்கு சப்போர்ட் பண்ணி இருக்கீங்க. ஒருத்தவங்க ரெண்டு பேருனா பரவாயில்ல அவ்ளோ சோசியல் மீடியா பேஜில் அவ்ளோ ரசிகர்கள் எனக்கு சப்போர்ட் பண்ணி இருக்கீங்க, அதற்கு மிகப்பெரிய நன்றிகள். என் மேல நீங்க வச்சிருந்த பாசம் பார்த்து நான் உங்களுக்கு என்ன கைமாறு செய்யப் போகிறேன் என்று தெரியவில்லை. ஆனால் நான் ஒன்னு மட்டும் சொல்கிறேன் என்ன ஆனாலும் என்னுடைய மக்களை மட்டும் நான் விட்டுற மாட்டேன் என்று கூறியிருக்கிறார்.

செய்யப் போகும் உதவி

அதுமட்டுமில்லாமல் நான் பிக் பாஸ் வீட்டிற்குள் இருக்கும் போதே சொன்னதுதான். நான் டைட்டில் ஜெயித்தால் 50 லட்சம் ரூபாயில் 25 லட்சம் ரூபாயை கொரோனாவால் பெற்றோர்களை இழந்த மாணவ மாணவிகளுக்கு அவர்களுடைய பள்ளிக்கூட கல்விக்கு நான் அந்த 25 லட்சம் ரூபாய்க்கும் ஓபன் அக்கௌன்ட் ஓப்பன் செய்து கொடுப்பேன். அதற்கு யாரு வேண்டுமென்றாலும் அப்ரோச் செய்யலாம். அதை சரியாக வெரிப்பை பண்ணி அவங்களுக்கு அதை கொடுக்க வைப்பேன். அதை ஒரு சோசியல் மீடியா பேஜில் பகிர்ந்து வருவேன். அதில் அவர்களுடைய பெயரை மட்டும் மறைக்கப்பட்டு மீதமுள்ள தகவல்கள் அதில் காட்டப்படும் என்று நான் சொன்னேன் அதை மெய்ப்பட நான் செய்து காட்டுவேன்.

சிறந்த செயல்

நான் வின் பண்ணுனா பிக் பாஸ் தமிழ் சீசன் 6 டைட்டில் பணம் 50 லட்சத்தில் நேர் பாதி 25 லட்சம் ரூபாயை கொரோனாவால் பெற்றோரை பாதிக்கப்பட்ட என் தமிழ் சொந்தங்களுக்கும், என் தமிழ் உறவுகளுக்கும் என்னை இத்தனை வாரம் நாமினேட் செய்தாலும் ஜெயிக்க வைத்த தமிழ் இல்லங்களில் வாழும் எனது அன்பு உள்ளங்களுக்கு நான் கொடுக்க வேண்டும் நினைக்கிறேன். என்னதான் சொல்லும் செயலும் ஒன்றானாலும், உலகில் தலை சிறந்த சொல் செயல் தான். என்னுடைய செயலை செயல் வடிவத்தில் காட்டுவதற்காக நினைக்கிறேன்.

பஞ்ச் வசனம்

கூடிய விரைவில் 25 லட்சம் ரூபாய் ஓப்பன் அக்கவுண்ட் ஓபன் செய்து அதை காட்டுவேன். நீங்க எனக்கு பண்ணுனதுக்கு நான் பண்றது ஒரு பிரசன்டேஜ் கூட இல்லை. இனியும் அடுத்தடுத்த என்னுடைய வாழ்க்கையின் முயற்சியிலும் நீங்க துணை நிற்பீர்கள் என்று அதீத நம்பிக்கையுடன் இருக்கிறேன். அடுத்து நான் எடுத்து வைக்கிற ஒவ்வொரு முயற்சியிலும் உங்களுடைய ஆதரவு இதே மாதிரி கொடுப்பீர்கள் என்று எண்ணுகிறேன். எப்போதும் நான் சொல்வது தான். "நான் வீழமாட்டேன் வீறு கொண்டு எழுவேன்" ஏனென்றால் நான் திமிரி எழும் தமிழன், நன்றி என்று கூறி முடித்து இருக்கிறார். அசீம் இரண்டு நாட்களாக காணவில்லையே என்று தேடிக் கொண்டிருந்த அவருடைய ரசிகர்களுக்கு அசீமுடைய இந்த பதில் மகிழ்ச்சியை கொடுத்து இருக்கிறது. சொன்னதை செய்து காட்ட துணிந்து விட்டார் என்று தற்போது சமூக வலைதளத்தில் பலர் கொண்டாடி வருகிறார்கள்.