அச்சு அசலாக ரெடின் ஆக மாறிய மணிமேகலை...கெட்டப் எல்லாம் வேற லெவல் தான்

Published: Wednesday, February 2, 2022, 16:32 [IST]

Subscribe to Oneindia Tamil

சென்னை: குக் வித் கோமாளியில் மணிமேகலையின் புதிய கெட்டப் ரசிகர்களை சிரிக்க வைத்துள்ளது.

தற்போது முன்னணியில் இருக்கும் காமெடி நடிகரின் அச்சு அசலான கெட்டப்பை மணிமேகலை அணிந்து அனைவரையும் மிரள வைத்துள்ளார்.

மூன்றாவது சீசனிலும் அறிமுகம்

விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியின் தொகுப்பாளராக இதுவரைக்கும் அறிமுகமாகி வந்த மணிமேகலை ஒரு காமெடியான கோமாளியாக களமிறங்கியிருக்கிறார். இந்த நிகழ்ச்சியில் இவருடைய அதிரடியான காமெடியை ரசிப்பதற்காகவே அவருடைய ரசிகர்கள் இந்த நிகழ்ச்சியை தொடர்ந்து பார்த்து வருகிறார்கள். ரசிகர்களின் பேராதரவோடு இவர் இந்த நிகழ்ச்சியில் மூன்றாவது சீசனிலும் அடியெடுத்து வைத்துள்ளார்.

ரசிகர்கள் எதிர்பார்த்த தருணம்

குக் வித் கோமாளி நிகழ்ச்சியில் இரண்டாவது சீசனில் மணிமேகலை ஒருசில எபிசோடுகளில் கலந்துகொள்ளவில்லை என்று தெரிந்ததும் இவருடைய ரசிகர்கள் ரொம்பவே பீல் பண்ணி வந்தனர். இவருக்கு ஏற்பட்ட உடல்நலக்குறைவின் காரணமாக இவர் சூட்டிங் வர முடியாத காரணத்தினால் இருந்து வந்தார். இந்த நிலையில் பலர் இவருக்காக எப்போது இந்த நிகழ்ச்சியில் வருவார் என்று ஆர்வத்தோடு காத்திருந்தனர். தற்போது மூன்றாவது சீசனிலும் இவர் கோமாளி ஆகவே அறிமுகமாகியிருக்கிறார்.

வித்தியாசமான திறமை

தங்கள் உடல் மொழி மூலமும் தங்களுக்கான வசனங்களை தாங்களே எழுதிக் கொண்டு பேசுவது என்று ஒவ்வொருவரும் தங்களுக்கு என்று ஒரு பாணியை பின்பற்றியே பெரிய அளவில் நகைச்சுவை நடிகர்களாக நிலைத்திருக்க முடிந்தது. ஆனால் ரெடின் கிங்ஸ்லி எந்தவித பெரிய மெனக்கெடலும் இல்லாமல் தன்னுடைய டயலாக் டெலிவரி செய்யும் விதத்தில் வித்தியாசம் கட்டுவதன் மூலம் மட்டுமே இன்று முக்கிய நகைச்சுவை நடிகராக வளர்ந்து இருக்கிறார்.அவருடைய கெட்டப்பில் தற்போது மணிமேகலை அனைவருக்கும் என்டர்டைன்மென்ட் கொடுத்துள்ளார்

அசத்தலான கெட்டப்

ஒவ்வொரு வாரமும் குக் வித் கோமாளி நிகழ்ச்சியில் கோமாளிகள் ஒவ்வொரு கெட்டப்பில் வலம் வருவார்கள் அந்த வரிசையில் இந்த வாரம் மணிமேகலை ரெடின் கிங்ஸ்லின் கெட்டப் போட்டு வலம் வந்திருக்கிறார். அதுவும் டாக்டர் படத்தில் அவர் போட்ட லேடி கெட்டப்பில் மீசையோடு வலம் வருவது போலவே தற்போது மணிமேகலையும் மாறி இருக்கிறார். ஏற்கனவே ரெடின் கிங்ஸ்லின்க்கு அதிகமான ரசிகர்கள் இருந்து வருகின்றனர். இந்த நிலையில் அவருடைய அல்டிமேட் கெட்டப்பை மணிமேகலை போட்டிருப்பதை பார்த்ததும் நிகழ்ச்சிக்காக காத்திருப்பதாக கூறிவருகின்றனர்.

Published On February 2, 2022