பழைய கோமாளிகளை மாற்றி விட்டு புதிய கோமாளிகளை கொண்டு வந்த குக் வித் கோமாளி.. இந்த முறை இவங்க தானாம்!
குக் வித் கோமாளி சீசன் நான்கில் ஜிபி முத்து முதலான பல புதிய கோமாளிகள் அறிமுகம் செய்யப்பட்டிருக்கின்றனர் பழைய கோமாளிகளில் சிலர் குக்காக மாறி இருக்கின்றனர்.
சென்னை: விஜய் டிவியில் குக் வித் கோமாளி சீசன் 4 நிகழ்ச்சிக்கான ப்ரோமோ வெளியாகி இருக்கிறது.
இதுவரைக்கும் கோமாளிகளாக பல சீசன்களில் தொடர்ந்து வந்த பல போட்டியாளர்களை இந்த சீசனில் விஜய் டிவி மாற்றி இருக்கிறது.
அதுமட்டுமல்லாமல் பல புது கோமாளிகளெல்லாம் இந்த சீசனில் அறிமுகமாகி இருக்கிறார்கள்.
பாக்கியலட்சுமி சீரியலில் இருந்து விலகப்போகும் ரேஷ்மா.. களம் இறங்கும் பிரபல நடிகை? இனி அதிரடி தான்
ரசிகர்களை கவர்ந்த நிகழ்ச்சி
விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சி அனைத்து தரப்பட்ட ரசிகர்களையும் கவர்ந்ததற்கு காரணம் இந்த நிகழ்ச்சியில் அல்டிமேட் காமெடி மற்றும் எதார்த்தமான கலகலப்பு நிறைந்திருப்பதால் இந்த நிகழ்ச்சியை குழந்தைகள் முதல் பெரியவர்கள் வரை பலதரப்பட்ட ரசிகர்களும் பார்த்து ரசிக்கின்றனர். ஏற்கனவே தற்போது பெரும் பரபரப்பை ஏற்படுத்தி நூறு நாட்களுக்கு மேல் ஒளிபரப்பாகி வந்த பிக் பாஸ் நிகழ்ச்சி சமீபத்தில் முடிவடைந்த நிலையில் அதைத்தொடர்ந்து குக் வித் கோமாளியில் கவனத்தை செலுத்த வேண்டும் என்று ஒவ்வொரு சீசன் போல இந்த சீசனிலும் பல்வேறு மாற்றங்களை கொண்டு வந்திருக்கின்றனர்.
நான்காவது சீசன் தொடக்கம்
அனைத்து தரப்பட்ட ரசிகர்களாலும் விரும்பி பார்க்கப்படும் குக் வித் கோமாளி சீசன் நான்காவது நிகழ்ச்சியின் இரண்டாவது பிரமோ தற்போது வெளியாகி இருக்கிறது. இந்த பிரமோவில் மூன்று சீசன்களாக கோமாளிகளாக வந்த பலரும் மாற்றப்பட்டு இருக்கின்றனர். சுட்டித்தனங்கள் நிறைந்த ஒரு உதவியாளரை கோமாளியாக வைத்துக்கொண்டு குக்குகள் எப்படி சமையல் செய்கிறார்கள் என்கிற ஒரு புதுமையான முயற்சி தான் இந்த நிகழ்ச்சி ஆனாலும் இந்த நிகழ்ச்சிக்கு ஆரம்பத்தில் கிடைத்த வரவேற்பை பார்த்து தற்போது நான்காவது சீசனில் அடி எடுத்து வைத்திருக்கிறது.
கோமாளிகளில் மாற்றம்
இந்த நிகழ்ச்சியில் கலந்து கொண்டால் தாங்கள் சினிமா துறையில் வெற்றி பெற்று விடலாம் என்று பலர் நினைத்துக் கொண்டுதான் தங்களுக்கு பெயரும் புகழையும் பெற வேண்டும் என்பதற்காக இந்த நிகழ்ச்சியில் கலந்து கொள்கின்றனர். அந்த வகையில் ஒரு சிலர் வெற்றியும் பெற்றிருக்கின்றனர். குறிப்பாக புகழ், சிவாங்கி போன்றோர் அதில் அடங்குவர். இந்த நிலையில் அந்த அளவிற்கு ரசிகர்களை கவர வந்த பல கோமாளிகள் இந்த சீசனில் மாற்றப்பட்டிருக்கின்றனர்.
புதிய கோமாளிகள்
குறிப்பாக இந்த சீசனில் ஜிபி முத்து, மௌன ராகம் ஹீரோயின் ரவீனா டாடா, ஓட்டேரி சிவா, சிங்கப்பூர் தீபன், சில்மிஷம் சிவா, மோனிஷா போன்ற புதிய கோமாளிகளை அறிமுகம் செய்திருக்கின்றனர். அது மட்டும் அல்லாமல் பழைய கோமாளிகளில் மணிமேகலை, கிரேசி, புகழ், சுனிதா ஆகிய நான்கு பேர் மட்டுமே இருக்கின்றனர். சிவாங்கி குக்காக இந்த சீசனில் மாறி இருக்கிறார். வழக்கம்போல இந்த சீசனையும் ரக்ஷன் தொகுத்து வழங்குகிறார். வெங்கடேஷ் பட் மற்றும் தாமு இருவரும் நடுவராக இருப்பது போலவும் பிரமோ வெளியாகி இருக்கிறது. இந்த சீசன் எப்போது ஒளிபரப்பாகும் என்று ரசிகர்கள் அதிகமாக கேள்வி எழுப்பி வருகின்றனர்.