துல்கரின் அதிரடி டிஜிட்டல் என்ட்ரி...ஆர்வத்தை தூண்டும்..தரமான இயக்குனர்கள்
சென்னை: துல்கர் சல்மான் நெட்ப்ளிக்ஸ் ஓடிடியில் புதிய வெப் சீரியலில் நடிக்க இருக்கிறார்.
துல்கர் சல்மானின் ரசிகர்கள் அனைவரும் அவரது டிஜிட்டல் அறிமுகத்தை ஆர்வமுடன் எதிர்பார்த்து இருப்பதாகவும் கூறி வருகின்றனர்.
புதிய அப்டேட்கள்
சமீபத்தில் மலையாளம் மட்டுமின்றி தமிழிலும் ரிலீசாகி நல்ல வரவேற்பைப் பெற்ற "குரூப்" படத்தை தொடர்ந்து... பிப்ரவரி மாதம் 25ஆம் தேதி "ஹே.. சினாமிகா" பட வெளியீட்டில் பிஸியாக இருக்கும் துல்கர் சல்மான்... தன்னுடைய அடுத்த படமாக க்ரைம்-த்ரில்லர் கதையில் "சல்யூட்" என்ற படத்தில் நடித்து வந்து கொண்டிருக்கிறார். இதற்கிடையே அவரது நெட்ப்ளிக்ஸ் வெப்சீரியஸ் குறித்த அப்டேட்கள் இணையத்தில் வலம் வந்து கொண்டிருக்கிறது.
டிஜிட்டல் முறையில் கவனத்தைத் திருப்பும் திரைஉலகம்
கொரனா ஊரடங்கு மற்றும் மிகப்பெரிய பொருட்செலவின் காரணமாக டிக்கெட் விலை உயர்வு போன்ற காரணங்களால் கொஞ்சம் கொஞ்சமாக திரையரங்குகள் மூடப்பட்டு வந்து கொண்டிருக்கும் இந்த காலகட்டத்தில், வருங்காலங்களில் பெரிய அளவிலான மல்டிபிளக்ஸ் திரையரங்குகள் மட்டுமே நிலைத்திருக்க முடியும் என்ற சூழ்நிலை நிலவுகிறது.இந்த சூழ்நிலையில் திரையுலகத்திலும் மக்களிடத்திலும் தங்களை நிலை நிறுத்தி கொள்ள வேண்டிய கட்டாயத்திற்க்கு திரை நட்சத்திரங்கள் மாறி வருகின்றனர். இதற்கு எளிய வழி ஒடிடி போன்ற டிஜிட்டல் உலகம்தான் என முடிவெடுத்து பல பாலிவுட் பிரபலங்கள் தொடங்கி பல பிரபல இயக்குனர்களும் நடிகர்களும் டிஜிட்டல் முறை பக்கம் தங்கள் கவனத்தை திருப்பியுள்ளனர்.
நெட் பிளக்ஸ் வெப் சீரியலில் அறிமுகமாகும் துல்கர்
தென்னிந்தியாவைப் பொருத்தவரை சூர்யா,விஜய் சேதுபதி என்று பிரபல கதாநாயகர்கள் ஏற்கனவே டிஜிட்டலிலும் சேர்த்து கவனம் செலுத்த ஆரம்பித்து விட்ட இந்த வேலையில், மலையாள திரையுலகின் பிரபல கதாநாயகன் துல்கர் சல்மான் அவர்களும் தன்னை நெட்பிளக்ஸ் வெப் சீரியஸ் மூலம் டிஜிட்டலில் அறிமுகம் செய்ய இருக்கிறார். "த ஃபேமிலி மேன்", "கோ.. கோவா.. கான்" ,"ஸ்ரீ" போன்ற காமெடி படங்களை இயக்கிய பிரபல வெற்றி இயக்குனர்கள் ராஜ் மற்றும் டி.கே அவர்கள் இயக்கத்தில் வெப் சீரியலில் நடிக்க இருக்கிறார்.
காமெடி த்ரில்லர்
நெட்பிளிக்ஸ் நிறுவனத்தின் சார்பில் நேரடி யாக ஹிந்தியில் இந்த வெப் சீரியஸ் தயாரிக்கப்படுகிறது. காமெடி திரில்லர் டைப்பில் உருவாக்கப்படும் இந்த வெப் சீரியஸில் துல்கர் சல்மானுடன் ராஜ்குமார் ராவ்,ஆதர்ஷ் கவுரவ், போன்ற பிரபல ஹிந்தி நடிகர்களும் இணைந்து நடிக்க இருக்கின்றனர். தாங்கள் இதற்கு முன்பு இயக்கிய படங்கள் மூலம் தங்களை நல்ல இயக்குனர்களாக நிரூபித்துள்ள ராஜ் மற்றும் டி.கே அவர்கள் இயக்கத்தில் வெளிவரும் இந்த வெப் சீரியஸில் அனைத்து விதமான ரசிகர்களை கவரும் பொருட்டு வெப் சீரியஸ் ரசிகர்களுக்கு நல்ல விருந்தாக அமையும் என்பதில் எந்த சந்தேகமும் இல்லை என்று ரசிகர்கள் கருத்து தெரிவித்து வருகின்றனர்.
Click it and Unblock the Notifications
Sign in with Google