நிரூப் என் தம்பி இல்லை.. நான் அவனுக்கு அக்காவும் இல்லை..நிரூப்பை கலாய்த்த பிரியங்கா

Updated: Thursday, November 11, 2021, 19:03 [IST]

Subscribe to Oneindia Tamil

சென்னை: எனக்கும் நிரூப்புக்கும் எந்த சம்பந்தமும் இல்லை என்று பிரியங்கா பகிங்கிரமாக தெரிவித்திருக்கிறார்.

இவர்கள் போன சீசனின் அர்ச்சனா, பாலாஜி போல அக்கா, தம்பி பாசத்தை பிழிவார்கள் என்று எதிர்பார்த்த ரசிகர்களுக்கு தெளிவாக விளக்கம் கொடுத்திருக்கிறார்.

அடிக்கடி முட்டிக்கொள்வது இயல்பா அல்லது கண்டெண்ட்டா என்று குழம்பிய ரசிகர்களுக்கு தற்போது விளக்கம் கிடைத்திருக்கிறது.

தொகுப்பாளராக மனம் கவர்ந்தவர்

தொகுப்பாளராக அறிமுகமாகி ரசிகர்களின் மத்தியில் நல்ல மதிப்பை பெற்று இருக்கும் பிரியங்கா பிக்பாஸ் இரண்டாவது சீசனில் ஒரு போட்டியாளராக கலந்து கொண்டிருக்கிறார். இவருடைய அறிமுகத்தை எதிர்பார்க்காத ரசிகர்களுக்கு இன்ப அதிர்ச்சியாக தான் இருந்து வந்தது. இந்த நிலையில் தற்போது இவருடைய கேரக்டரை பார்த்து இவருடைய ரசிகர்கள் பாராட்டி வருகின்றனர். தன்னுடைய ஜாலியான கேரக்டரால் ரசிகர்களை கவர்ந்து வருகிறார்.

கூட்டணி எடுபடவில்லை

இவர் இந்த சீசனில் அறிமுகமாகும் போது இவர் கடந்த சீசனில் அறிமுகமான அர்ச்சனாவை போல பெயர் கெட்டுப் போய்விடுமோ என்று பலர் அவருக்கு அறிவுரை கூறி வந்தனர். ஆனால் என்னுடைய கேரக்டரில் நான் விளையாடுவேன் என்று விடாப்பிடியாக ரசிகர்களுக்கு பதில் அளித்துக் கொண்டிருந்த இவர் தற்போது அதையே தான் செய்து கொண்டிருக்கிறார். ஆனால் ஒரு சிலரால் நேரத்தில் நிரூப் மற்றும் அபிஷேக் உடன் சேர்ந்து விளையாடியது ரசிகர்களை முகம் சுளிக்க வைத்தது.

திடீர் மனமாற்றம்

அபிஷேக் வெளியே சென்ற பிறகு பிரியங்கா தன்னுடைய விளையாட்டை விளையாட ஆரம்பித்து விட்டார். அபிஷேக் இருந்தவரைக்கும் அபிஷேக் இவரை அக்கா என்று அழைத்தும், இவர் தம்பி பாசத்தை பொழிந்து கொண்டு இருந்தனர். ஆனால் அபிஷேக்கின் வெளியேற்றத்துக்கு பிறகு தான் பிரியங்காவிற்கு ஞான உதயம் வந்துவிட்டது போல. அதற்குப் பிறகு அடிக்கடி நிரூப்விடம் சண்டை ஏற்பட்டுக்கொண்டே இருக்கிறது. இவர்கள் இருவரும் பேசிக் கொண்டிருப்பதை பார்த்ததும் இவர்கள் உண்மையில் சண்டை போடுகிறார்களா அல்லது இல்லையா என்று ரசிகர்களுக்கு சில நேரம் சந்தேகம் தோன்றி கொண்டிருக்கிறது.

பிரியங்காவின் கருத்து

நேற்றைய எபிசோட்டில் வீட்டில் இருக்கும் அனைத்து போட்டியாளர்களின் குணங்களை பற்றி அனைவரும் பேசிக் கொண்டிருக்கும்போது, ப்ரியங்கா நிரூப் பற்றி பேசியது ரசிகர்களை குழப்பமடைய வைத்திருக்கிறது. நிரூப் எனக்கு தம்பியும் இல்லை நான் அவனுக்கு அக்காவும் இல்லை. இந்த வீட்டில் ரொம்ப பிடித்தது நிரூப் தான். ஆனால் சில நேரங்களில் அவன் செய்யும் செயல்களை பார்க்கும் போது கழுத்தை பிடித்து நெரித்து கொல்ல வேண்டும் போல தோன்றுகிறது என்று கூறியிருக்கிறார். ரசிகர்களுக்கு இவருடைய இந்த பதில் வியப்பை கொடுத்திருக்கிறது.