‘கருப்பு ஸ்டார்’ பட்டம் கொடுத்த ரசிகர்... உடனே திரிஷா கொடுத்த பதில்... இவ்வளவு இறங்கி பேசிட்டாரே!

Updated: Tuesday, May 26, 2026, 16:12 [IST]

Subscribe to Oneindia Tamil

சென்னை: கடந்த சில மாதங்களாக நடிகை திரிஷா பெயர் சமூக வலைதளங்களில் தொடர்ந்து பல்வேறு சர்ச்சைகளுடன் இணைத்து பேசப்பட்டு வந்தது. குறிப்பாக அரசியல் வட்டாரங்களிலும், சினிமா வட்டாரங்களிலும் அவரது பெயர் அடிக்கடி விவாதப் பொருளாக மாறியிருந்தது. ஆனால் இப்போது அந்த எல்லா சர்ச்சைகளையும் தாண்டி, ஒரு ரசிகரின் அன்பான பதிவு திரிஷாவின் முகத்தில் புன்னகையை வரவழைத்துள்ளது.

சமீபத்தில் வெளியான சூர்யாவின் கருப்பு திரைப்படம் திரையரங்குகளில் வெற்றிகரமாக ஓடிக் கொண்டிருக்கிறது. நீண்ட நாட்களுக்கு பிறகு சூர்யாவுக்கு பெரிய வெற்றியை கொடுத்த இந்த படம், ரசிகர்களிடையே நல்ல வரவேற்பைப் பெற்று வருகிறது. இந்த வெற்றியில் நடிகை திரிஷாவின் பங்கையும் ரசிகர்கள் கொண்டாடி வருகின்றனர்.

Trisha Suriya Karuppu Tamil Cinema Kollywood

ரசிகரின் வித்தியாசமான கண்டுபிடிப்பு

சமூக வலைதளங்களில் ரசிகர்கள் சில நேரங்களில் சுவாரஸ்யமான விஷயங்களை கண்டுபிடித்து வைரலாக்கி விடுவார்கள். அப்படித்தான் இப்போது ஒரு ரசிகர் செய்த பதிவு பேசுபொருளாகியுள்ளது.

அந்த ரசிகர், விஜய்யின் கில்லி, சூர்யாவின் ஆறு, அஜித்தின் மங்காத்தா ஆகிய படங்களை எடுத்துக் காட்டியுள்ளார். இந்த மூன்று படங்களும் அந்தந்த ஹீரோக்களின் திரை வாழ்க்கையில் மிகப்பெரிய திருப்புமுனையாக அமைந்தவை என்று குறிப்பிட்டுள்ளார்.

அதோடு ஒரு சுவாரஸ்யமான ஒற்றுமையையும் அவர் சுட்டிக்காட்டியுள்ளார். இந்த மூன்று படங்களிலும் திரிஷா கருப்பு நிற உடையில் பாடல் காட்சிகளில் தோன்றியிருக்கிறார். அதனால் தான் இந்த படங்கள் செம ஹிட் ஆனது போல, திரிஷாவுக்கு 'கருப்பு ஸ்டார்' பட்டம் கொடுக்கலாம் என்று ஜாலியாக பதிவிட்டுள்ளார்.

திரிஷாவின் உடனடி பதில்

இந்த பதிவு ரசிகர்கள் மத்தியில் வேகமாக பரவிய நிலையில், அது நடிகை திரிஷாவின் கவனத்திற்கும் சென்றது. அந்த பதிவைப் பார்த்த திரிஷா, "இது ரொம்ப அழகாக இருக்கிறது... நன்றி" என்று புன்னகை எமோஜிகளுடன் பதிலளித்துள்ளார்.

பொதுவாக சர்ச்சை பதிவுகளுக்கு பதில் அளிக்காமல் அமைதியாக இருக்கும் திரிஷா, ரசிகரின் இந்த அன்பான பதிவுக்கு பதிலளித்திருப்பது ரசிகர்களை மகிழ்ச்சியடைய வைத்துள்ளது.

சர்ச்சைகளுக்கு நடுவே கிடைத்த சந்தோஷம்

கடந்த சில மாதங்களாக திரிஷாவின் பெயர் பல்வேறு காரணங்களால் பேசப்பட்டது. குறிப்பாக விஜய்யுடன் அவர் கலந்து கொண்ட சில நிகழ்ச்சிகள் இணையத்தில் பெரிய விவாதமாக மாறின. அரசியல் மேடைகளில் கூட அவரது பெயர் பேசப்பட்டது. இதனால் சமூக வலைதளங்களில் அவரைச் சுற்றி நிறைய விமர்சனங்களும் உருவானது.

அந்த சூழலில் இந்த ரசிகரின் பதிவு மற்றும் அதற்கு திரிஷா கொடுத்த பதில், அவருடைய ரசிகர்களுக்கு ஒரு லைட்டான மகிழ்ச்சியை கொடுத்துள்ளது.

இன்னும் குறையாத திரிஷா மார்க்கெட்

20 ஆண்டுகளுக்கும் மேலாக தமிழ் சினிமாவில் முன்னணி நடிகையாக நீடித்து வருவது சாதாரண விஷயம் அல்ல. அந்த சாதனையை செய்த சில நடிகைகளில் முக்கியமானவர் திரிஷா. மௌனம் பேசியதே, சாமி, கில்லி, ஆறு, அபியும் நானும், 96, பொன்னியின் செல்வன் என பல வெற்றி படங்களில் நடித்திருக்கிறார்.

ஒரு காலத்தில் விஜய், அஜித், சூர்யா, விக்ரம், சிம்பு, தனுஷ் என முன்னணி நடிகர்களுடன் ஜோடி சேர்ந்த அவர், இன்றும் கதாநாயகியாகவே பிஸியாக இருக்கிறார்.

கருப்பு படத்திலும் முக்கிய பங்கு

கருப்பு படத்தில் திரிஷா நடித்திருக்கும் கதாபாத்திரமும் ரசிகர்களிடம் வரவேற்பு பெற்றுள்ளது. வெறும் ஹீரோயின் கதாபாத்திரமாக இல்லாமல் கதைக்கு முக்கியமான இடம் பெற்றிருப்பதாக ரசிகர்கள் கூறி வருகின்றனர். சூர்யாவுடன் திரிஷாவின் ஸ்கிரீன் கெமிஸ்ட்ரி மீண்டும் ரசிகர்களை கவர்ந்துள்ளது.

ரசிகர்கள் கொண்டாட்டம்

திரிஷா கொடுத்த இந்த சின்ன பதிலே ரசிகர்களுக்கு பெரிய கொண்டாட்டமாக மாறியுள்ளது. "கருப்பு ஸ்டார் பட்டம் அதிகாரப்பூர்வமா கிடைச்சுடுச்சு!", "திரிஷா reply பண்ணிட்டாங்க... ரசிகனோட நாள் செட்!", "இன்னும் இவ்வளவு down to earth-ஆ இருக்காங்க" என்று ரசிகர்கள் மகிழ்ச்சியுடன் கருத்து தெரிவித்து வருகின்றனர்.

இப்போ இணையத்தில் வைரலாகும் ஒரே வரி, "கருப்பு படத்தோட வெற்றியைவிட... 'கருப்பு ஸ்டார்' பட்டம் தான் திரிஷாவை அதிகமா சிரிக்க வைத்திருக்கு!" என்பதுதான்.