அகனமர்ந்து செய்யாள் உறையும் திருக்குறள்

நல்ல விருந்தினராய் வந்தவரை முகமலர்ச்சி கொண்டு போற்றுகின்றவனுடைய வீட்டில் மனமகிழ்ந்து திருமகள் வாழ்வாள்.
— மு. வரதராசன்

மனமகிழ்ச்சியை முகமலர்ச்சியால் காட்டி விருந்தினரை வரவேற்பவர் வீட்டில் அமர்ந்து செல்வம் எனும் திருமகள் வாழ்வாள்
— கலைஞர்

இனிய முகத்தோடு தக்க விருந்தினரைப் பேணுபவரின் வீட்டில் திருமகள் மனம் மகிழ்ந்து குடி இருப்பாள்.
— சாலமன் பாப்பையா

முகமலர்ச்சியோடு நன்முறையில் விருந்தினரைப் பேணுகிறவன் வீட்டிலே, உளமலர்ச்சியோடு திருமகள் அகலாது தங்கியிருப்பாள்
— புலியூர்க் கேசிகன்

உள்ளே இருந்து எதையும் செய்யவிடாமல் தடுக்கும் சோம்பல் முகமலர்ச்சியுடன் விருந்தை கவனிப்பவர்களை அணுகாது.
— சிவயோகி சிவகுமார்

திருவினாள் மனம்பொருந்தி உறையும்: நல்ல விருந்தினரை முகம் பொருந்திப் போற்றுவானது மனையின்கண். இது கேடின்மையன்றிச் செல்வமுமுண்டா மென்றது.
— மணக்குடவர்

செய்யாள் அகன் அமர்ந்து உறையும் - திருமகள் மனம் மகிழ்ந்து வாழாநிற்கும்; முகன் அமர்ந்து நல்விருந்து ஓம்புவான் இல் - முகம் இனியனாய்த் தக்க விருந்தினரைப் பேணுவானது இல்லின்கண். (மனம் மகிழ்தற்குக் காரணம் தன் செல்வம் நல்வழிப்படுதல். தகுதி: ஞான ஒழுக்கங்களான் உயர்தல். பொருள் கிளைத்தற்குக் காரணம் கூறியவாறு.).
— பரிமேலழகர்

With smiling face he entertains each virtuous guest,
'Fortune' with gladsome mind shall in his dwelling rest

Lakshmi with joyous mind shall dwell in the house of that man who, with cheerful countenance, entertains the good as guests

aganamarndhu seyyaaL URaiyum mukanamarndhu
nalvirundhu Ompuvaan il