அன்பீனும் ஆர்வம் உடைமை திருக்குறள்

அன்பு பிறரிடம் விருப்பம் உடையவராக வாழும் தன்மையைத் தரும்: அஃது எல்லாரிடத்தும் நட்பு என்றுசொல்லப்படும் அளவற்ற சிறப்பைத் தரும்
— மு. வரதராசன்

அன்பு பிறரிடம் பற்றுள்ளம் கொள்ளச் செய்யும் அந்த உள்ளம், நட்பு எனும் பெருஞ்சிறப்பை உருவாக்கும்
— கலைஞர்

குடும்பம், உறவு என்பாரிடத்துக் கொள்ளும் அன்பு, உலகத்தவரிடம் எல்லாம் உறவு கொள்ளும் விருப்பை உண்டாக்கும். அதுவே அனைவரையும் நட்பாக்கும் சிறப்பையும் உண்டாக்கும்
— சாலமன் பாப்பையா

அன்பானது பிறர்பால் ஆர்வம் உடையவராகும் பண்பைத் தரும்
— புலியூர்க் கேசிகன்

அன்பு தருகின்ற ஆர்வம் உண்டானால் அதுதரும் நல்லபன்புகள் நாட முடியாத சிறப்புகளாகும் .
— சிவயோகி சிவகுமார்

அன்பு தரும் ஆர்வமுடைமையை அவ்வார்வமுடைமை தரும். நட்பென்று சொல்லப்பட்ட ஆராய்தலில்லாத சிறப்பினை.
— மணக்குடவர்

அன்பு ஆர்வமுடைமை ஈனும் - ஒருவனுக்குத் தொடர்புடையார் மாட்டுச் செய்த அன்பு அத்தன்மையால் பிறர் மாட்டும் விருப்பமுடைமையைத் தரும்; அது நண்பு என்னும் நாடாச்சிறப்பு ஈனும் - அவ்விருப்பமுடைமைதான்.அவற்குப் பகையும் நொதுமலும் இல்லையாய் யாவரும் நண்பு என்று சொல்லப்படும் அளவறந்த சிறப்பினைத் தரும்.(உடைமை, உடையனாம் தன்மை. யாவரும் நண்பாதல் எல்லாப் பொருளும் எய்துதற்கு ஏதுவாகலின், அதனை 'நாடாச்சிறப்பு' என்றார்.).
— பரிமேலழகர்

From love fond yearning springs for union sweet of minds;
And that the bond of rare excelling friendship binds

Love begets desire: and that (desire) begets the immeasureable excellence of friendship

anpu eenum aarvam udaimai adhueenum
naNpu ennum naadaach chiRappu