மிகுதியான் மிக்கவை செய்தாரைத் திருக்குறள்

செருக்கினால் தீங்கானவற்றைச் செய்தவரைத் தாம் தம்முடைய பொறுமைப் பண்பினால் பொறுத்து வென்று விட வேண்டும்.
— மு. வரதராசன்

ஆணவங் கொண்டு அநீதி விளைவிப்பவர்களை, நாம் நம் பொறுமைக் குணத்தால் வென்று விடலாம்
— கலைஞர்

மனச் செருக்கால் தீமை செய்தவரைப் பொறுமையால் வென்றுவிடுக.
— சாலமன் பாப்பையா

செருக்கு மிகுதியால் தீமை செய்தவர்களை தாம், தம்முடைய பொறுமை என்னும் தகுதியினால் வென்று விட வேண்டும்
— புலியூர்க் கேசிகன்

மிகைப் படுத்தி துன்பம் செய்தவரை நாம் நமது தகுதியால் வென்று விடலாம்.
— சிவயோகி சிவகுமார்

தமது செல்வ மிகுதியாலே மிகையானவற்றைச் செய்தவர்களைத் தாங்கள் தமது பொறையினாலே வென்று விடுக. இது பொறுத்தானென்பது தோல்வியாகாது: அதுதானே வெற்றியாமென்றது.
— மணக்குடவர்

மிகுதியான் மிக்கவை செய்தாரை - மனச்செருக்கால் தங்கண் தீயவற்றைச் செய்தாரை; தாம் தம் தகுதியான் வென்றுவிடல் - தாம் தம்முடைய பொறையான் வென்றுவிடுக. (தாமும் அவர்கண் தீயவற்றைச் செய்து தோலாது, பொறையான் அவரின் மேம்பட்டு வெல்க என்பதாம். இவை நான்கு பாட்டானும் பிறர் செய்தன பொறுத்தல் சொல்லப்பட்டது.).
— பரிமேலழகர்

With overweening pride when men with injuries assail,
By thine own righteous dealing shalt thou mightily prevail.

Let a man by patience overcome those who through pride commit excesses.

mikudhiyaan mikkavai seydhaaraith thaandham
thakudhiyaan vendru vidal