அத்தியாவசியப் பொருளான செல்போன்… 68% இந்தியர்கள் அடிமை!

டெல்லி: தகவல் பரிமாற்றத்திற்காக கண்டுபிடிக்கப்பட்ட ஒரு சாதனம் மனிதர்களை அடிமையாக மாற்றியிருக்கிறது என்றால் ஆச்சரியமாக இருக்கிறதா? அதுதான் உண்மை. ஒருவருக்கொருவர் பேசிக்கொள்ளவும், தொடர்பில் இருக்கவும் பயன்படும் செல்போனுக்கு இந்தியாவில் மட்டும் 68 சதவிகிதம் பேர் அடிமையாக இருக்கின்றனராம். இது சமீபத்திய ஆய்வு ஒன்றில் தெரியவந்துள்ளது.

ஆசிய பசிபிக் நாட்டு மக்களில் இந்தியர்கள் தான் செல்ஃபோனுக்கு அதிக அளவு அடிமையாகி இருப்பதாக கூறுகிறது இந்த ஆய்வு அறிக்கை.

நார்ட்டன் என்ற நிறுவனம் இது தொடர்பாக ஆய்வு மேற்கொண்டது. அந்த ஆய்வு முடிவில் பல்வேறு சுவாரஸ்ய தகவல்கள் தெரியவந்தன.

தீ விபத்து ஏற்படும் போது, ஏதாவது இரண்டு பொருட்களை மட்டும் எடுத்துச் செல்ல கூறினால், அதில் ஒன்றாக செல்ஃபோனை தேர்வு செய்வேன் என்று 43 சதவீத இந்தியர்கள் கருத்து தெரிவித்துள்ளனர்.

பணம் செலுத்தவும், பல்வேறு சேவைகளுக்கும் செல்ஃபோனின் பாதுகாப்பான கட்டண முறைகளை 65 சதவீதம் பேர் பயன்படுத்துவதும் இந்த ஆய்வில் தெரிய வந்தது.

79 சதவிகிதம் பேர் டவுன்லோட் செய்யவும், பாடல் கேட்கவும், சொந்தத் தகவல்களைப் பதிந்து கொள்ளவும் பயன்படுத்துவதாக தெரிவித்துள்ளனர்.

ஆசிய பசிபிக் நாடுகளில் வாழும் மக்களில், இந்தியர்கள் மட்டுமே 68 சதவீதம் வரை செல்ஃபோன் தவிர்க்க இயலாதது என்ற நிலைக்கு உள்ளாகி, கிட்டத்தட்ட, அதற்கு அடிமையாகி இருப்பதாகவும் நார்ட்டன் ஆய்வில் கூறப்பட்டுள்ளது.

English summary

It seems, we Indians take our mobile phones too seriously. In fact, mobile insights from the Norton Cybercrime Report 2012 show that at 68 per cent, Indians are the most addicted to their mobile phones across the Asia-Pacific region.