ஏசியை 18 டிகிரியில் வைத்தால் கரண்ட் பில்லில் இவ்வளவு மாற்றமா?.. தமிழக மின்சார வாரியம் கணக்கு இதோ

சென்னை: தமிழகத்தில் கோடைக்காலம் தொடங்குவதற்கு முன்பே வெயிலின் தாக்கம் உச்சத்தை எட்டியுள்ளது.. குறிப்பாக மார்ச் மாதத்திலேயே சென்னை உள்ளிட்ட பல மாவட்டங்களில் வெப்பம் தகித்து வருகிறது.. இதனால் வீடுகளில் ஃபேன், ஏசி மற்றும் கூலர்களின் பயன்பாடு வழக்கத்தை விடப் பலமடங்கு அதிகரித்துள்ளது.. எனவே வரப்போகும் மாதம், மின்சார பில்லை நினைத்து நடுத்தர வர்க்க மக்கள் இப்போதே கவலைப்பட தொடங்கியுள்ளனர்.. ஆனால் சின்ன சின்ன டிப்ஸ் கடைப்பிடித்தாலே கரண்ட் பில் பாதியாக குறைக்க முடியும். அது என்ன தெரியுமா?

முதலில் ஏசி பயன்படுத்துபவர்கள் செய்யும் மிகப்பெரிய தவறு, வெப்பநிலையை, மிக குறைவாக வைப்பதுதான்.. பலரும் 16 அல்லது 18 டிகிரியில் ஏசியை வைத்தால் சீக்கிரம் குளிர்ந்துவிடும் என்று நினைக்கிறார்கள்.

ஏசி கரண்ட் பில் அதிகமா

ஆனால், உண்மையில் 24 முதல் 26 டிகிரி செல்சியஸில் ஏசியை வைப்பதே மின்சாரத்தைச் சேமிக்கச் சிறந்த வழியாகும்.. ஒவ்வொரு டிகிரி வெப்பநிலையை உயர்த்தும்போதும் சுமார் 6 சதவீத மின்சாரம் சேமிக்கப்படுவதாக ஆய்வுகள் கூறுகின்றன. அத்துடன் ஏசியுடன் சேர்த்து ஒரு சாதாரண ஃபேனையும் குறைந்த வேகத்தில் ஓடவிட்டால், குளிர்ந்த காற்று அறை முழுவதும் சீராகப் பரவி சீக்கிரம் அறையைக் குளிர்ச்சியாக்கும்..

அடுத்ததாக, மின் சாதனங்களின் பராமரிப்பு மிக முக்கியமானது. ஏசியில் உள்ள ஏர் ஃபில்டர்களை மாதம் ஒருமுறை சுத்தம் செய்வது அவசியம்.. அழுக்கு படிந்த ஃபில்டர்கள் இருந்தால், ஏசி இயந்திரம் ரூமைக் குளிர்விக்க அதிக மின்சாரத்தை இழுக்கும்.

பழைய மாடல் ஃபேன்கள்

அதேபோல பழைய மாடல் ஃபேன்களைப் பயன்படுத்துவதற்குப் பதிலாக, நவீன பிஎல்டிசி (BLDC) ஃபேன்களைப் பயன்படுத்துவது மின்சார பயன்பாட்டைக் கணிசமாகக் குறைக்கும்.. இப்போதைய கோடைக்காலத்தில் பழைய ஃபேன்கள் அதிக வெப்பத்தை வெளியேற்றுவதுடன் அதிக மின்சாரத்தையும் ஈர்க்கக்கூடியவை.

கரண்ட் பில் எகிறாமல் இருக்க இன்னொரு முக்கியமான வழி, தேவையற்ற மின் சாதனங்களை "ஸ்டான்ட்பை" மோடு-ல் வைக்காமல் இருக்கலாம்.. டிவி, கம்ப்யூட்டர், மைக்ரோவேவ் ஓவன் போன்ற சாதனங்களை ஸ்விட்ச் ஆஃப் செய்த பிறகும் பிளக் பாயிண்ட்டில் ஸ்விட்ச் ஆன் செய்யப்பட்டு இருந்தால், அதனால்கூட கலண்ட் பில் எகிறிதும.. இதற்கு "வேம்பயர் பவர்" என்பார்கள். அதேபோல நைட் நேரத்தில் செல்போன்களை சார்ஜ் போட்டுவிட்டு அப்படியே விட்டுவிடுவதையும் தவிர்க்க வேண்டும்..

மின்சார கட்டணம் குறைய டிப்ஸ்

வீட்டின் ஜன்னல்கள் மற்றும் கதவுகளில் தடிமனான ஸ்கிரீன்களை உபயோகிப்பதன் மூலம் சூரிய வெப்பம் நேரடியாக அறைக்குள் வருவதைத் தடுக்கலாம்.. இது ரூமின் வெப்பநிலையைக் குறைக்க உதவுவதுடன் ஏசியின் வேலையைச் சுலபமாக்கும்.

மொட்டை மாடியில் வசிப்பவர்கள் வெள்ளை நிற கூலிங் பெயிண்ட் அடிப்பதன் மூலமும் வெப்பத்தைத் தவிர்க்கலாம்.. இதுபோன்ற குட்டி குட்டி மாற்றங்களை உங்கள் அன்றாட வாழ்வில் கொண்டு வருவதன் மூலம், சம்மர் சீசனிலும் கரண்ட் பில் குறித்த கவலையின்றி நீங்கள் நிம்மதியாக இருக்க முடியும்..!

English summary

தமிழகத்தில் கோடை வெயில் அதிகரித்துள்ள நிலையில் வீடுகளின் மின்சாரத் தேவை அதிகரித்துள்ளது. மின்சாரக் கட்டணத்தைக் கட்டுப்படுத்த ஏசியை இருபத்தி நான்கு முதல் இருபத்தி ஆறு டிகிரியில் இயக்குவது, பிஎல்டிசி ஃபேன்களைப் பயன்படுத்துவது மற்றும் ஸ்டான்ட்பை மோடில் உள்ள மின்சாதனங்களை அணைப்பது போன்ற எளிய முறைகளை மேற்கொள்வது அவசியம். இந்தச் சிறு மாற்றங்கள் மற்றும் பராமரிப்பு பணிகள் மூலம் கோடைகாலத்தில் மின்சாரச் செலவைக் கணிசமாகக் குறைக்க முடியும்.