வரும் ஜூலை 15 வரை.. தடுப்பூசி பணிகள் மெதுவாக தான் நடைபெறும்.. கைவிரிக்கும் அதிகாரிகள்.. ஏன் தெரியுமா

Updated: Saturday, July 3, 2021, 21:21 [IST]

Subscribe to Oneindia Tamil

டெல்லி: கொரோனா தடுப்பூசி பற்றாக்குறை இன்னும் முழுமையாகத் தீர்க்கப்படவில்லை என்பதால் மெகா வேக்சின் பணிகள் ஜூலை 15ஆம் தேதி வரை தொடங்கப்படாது எனத் தெரிகிறது,

இந்தியாவில் கொரோனா 2ஆம் அலை கட்டுக்குள் வந்துள்ளது. இதைப் பயன்படுத்தி வேக்சின் பணிகளை விரைவுபடுத்த வேண்டும் எனப் பலரும் வலியுறுத்துகின்றனர்,

வேக்சின் பணிகளை வேகப்படுத்தும் வகையில் மத்திய அரசு புதிய வேக்சின் கொள்கைகளை அறிவித்தது. இவை கடந்த ஜூன் 21ஆம் தேதி அமலுக்கு வந்தன.

கொரோனா தடுப்பூசி

இதையடுத்து வேக்சின் பணிகள் ஜூலை 1ஆம் தேதி முதல் தேசிய தலைநகர் பகுதிகளில் பல மடங்கு அதிகரிக்கப்படும் என அறிவிக்கப்பட்டது. குறைவான நேரத்தில் அதிகப்படியான மக்களுக்கு வேக்சின் அளிப்பதன் மூலம் கொரோனா அடுத்த அலை ஏற்படுவதைத் தடுக்க முடியும் என்பது வல்லுநர்களின் கருத்து.

வேக்சின் உற்பத்தி

இருப்பினும், தேவையைப் பூர்த்தி செய்யும் வகையில் தடுப்பூசி உற்பத்தி இல்லை. இதனால் வேக்சின் போடும் பணிகள் பாதிக்கப்பட்டுள்ளன. பல இடங்களிலும்கூட வேக்சின் போட மக்கள் ஆர்வத்துடன் வரிசையில் நிற்கின்றனர். இருந்தாலும் தடுப்பூசி பற்றாக்குறை காரணமாக அனைவருக்கும் வேக்சின் போட முடியாத நிலை ஏற்பட்டுள்ளது. இதனால் தினசரி குறைவான எண்ணிக்கையிலேயே வேக்சின் போடப்படுகிறது.

ஜூலை 15

வரும் ஜூலை 15ஆம் தேதி வரை பற்றாக்குறை தீராது என்பதால், அதன் பின்னரே வேக்சின் பணிகள் வேகெமடுக்கும் என அதிகாரிகள் தெரிவித்தனர். உத்தரப் பிரதேசத்தில் ஜூலை 1ஆம் தேதி முதல் குறைந்தபட்சம் 20 லட்சம் பேருக்குத் தினசரி வேக்சின் போட வேண்டும் என இலக்கு நிர்ணயம் செய்யப்பட்டிருந்தது. இருப்பினும், தட்டுப்பாடு காரணமாகத் தினசரி ஐந்து முதல் ஆறு லட்சம் பேருக்கு மட்டுமே வேக்சின் போடப்படுகிறது.

என்ன காரணம்

தடுப்பூசி உற்பத்தி வேகப்படுத்தப்பட்டு உள்ளது என்றாலும் விநியோக சங்கிலியில் இருக்கும் சிக்கல் காரணமாக தற்போது தட்டுப்பாடு நிலவுகிறது. அதைச் சரி செய்யப்பட்டவுடன் வரும் ஜூலை 15ஆம் தேதி முதல் மிகப் பெரியளவில் வேக்சின் பணிகள் நடைபெறும் என அம்மாநில உயர் அதிகாரிகள் தெரிவித்துள்ளனர். வேக்சின்கள் மட்டுமே கொரோனாவை வெல்ல ஒரே ஆயுதம் என்பதால் வேக்சின் பணிகளை வேகப்படுத்த வேண்டும் என வல்லுநர்கள் தொடர்ந்து வலியுறுத்துகின்றனர்.