என்ன இன்னும் சான்ஸ் இருக்கா?.. இந்திய அணிக்கு செமி பைனல் செல்லும் வாய்ப்பு உள்ளதா? - பின்னணி

Updated: Monday, November 1, 2021, 13:30 [IST]

Subscribe to Oneindia Tamil

துபாய்: உலகக் கோப்பை டி 20 தொடரில் இந்திய அணி இரண்டு போட்டிகளில் தோல்வி அடைந்தாலும் இந்திய அணிக்கு செமி பைனல் செல்லும் வாய்ப்பு கொஞ்சம் உள்ளது.

வாய்ப்பு

ஆனால் இந்திய அணி இரண்டு போட்டிகளில் தோல்வி அடைந்தாலும் இந்திய அணிக்கு செமி பைனல் செல்லும் வாய்ப்பு கொஞ்சம் உள்ளது. கொஞ்சம் திறமை + கொஞ்சம் அதிர்ஷ்டம் சாதகமாக இருந்தால் இந்திய அணி செமி பைனல் சென்றுவிடும். இந்தியா தற்போது உலகக் கோப்பை டி 2 தொடரின் குழு 2ல் உள்ளது. இதில் பாகிஸ்தான், நியூசிலாந்து, ஆப்கானிஸ்தான், இந்தியா, நமிபியா, ஸ்காட்லாந்து அணிகள் உள்ளன.

வெற்றி

இதில் பாகிஸ்தான் ஏற்கனவே செமி பைனல் செல்லும் வாய்ப்பை கிட்டத்தட்ட பெற்றுவிட்டது. பாகிஸ்தான் வரிசையாக 3 போட்டிகளில் வென்றுவிட்டது. இதனால் அந்த அணிக்கு செமி பைனல் செல்வது கிட்டத்தட்ட உறுதியாகிவிட்டது. இதனால் இரண்டாவது இடம் பிடிக்க போகும் அணி எது என்பதுதான் கேள்வியாக உள்ளது.

வெல்ல வேண்டும்

ஆப்கானிஸ்தான் இரண்டு வெற்றியுடன் தற்போது இரண்டாம் இடத்தில் உள்ளது. நியூசிலாந்து ஒரு வெற்றியுடன் மூன்றாம் இடத்தில் உள்ளது. இந்தியா இனி வெற்றிபெற வேண்டும் என்றால் வரிசையாக ஸ்காட்லாந்து, ஆப்கானிஸ்தான், நமிபியா அணிகளுடன் வெற்றிபெற வேண்டும். அதிலும் ஆப்கானிஸ்தான் அணியுடன் அதிக ரன் ரேட் வித்தியாசத்தில் வெற்றிபெற வேண்டும்.

தோல்வி

இன்னொரு பக்கம் நியூசிலாந்து அணி தனது மீதம் உள்ள 3 போட்டிகளில் ஒன்றில் தோல்வி அடைய வேண்டும். கடைசியில் இந்தியா, ஆப்கானிஸ்தான், நியூசிலாந்து இடையே ரன் ரேட் அடிப்படையில் குவாலிபயர் தேர்வு செய்யப்படுவர். ஆப்கானிஸ்தான் அதிக ரன் ரேட் வைத்து இருப்பதால் அந்த அணிக்கு அதிக வாய்ப்பு உள்ளது.

அதிர்ஷ்டம்

இதனால் இந்தியா இனி வரும் போட்டிகளில் பல விக்கெட்டுகள், அல்லது 100 ரன்கள் வித்தியாசத்தில் வெற்றிப்பெற வேண்டும். அப்போதுதான் ரன் ரேட்டில் ஆப்கானிஸ்தானை முந்த முடியும். நியூசிலாந்து ஒரு போட்டியில் மோசமாக தோல்வி அடைய வேண்டும். எனவே இந்திய அணிக்கு அதிர்ஷ்டமும் கை கொடுக்க வேண்டும். இதெல்லாம் நடந்தால் மட்டுமே இந்திய அணிக்கு செமி பைனல் செல்லும் வாய்ப்பு இருக்கும் என்பது குறிப்பிடத்தக்கது.