குக் வித் கோமாளி நிகழ்ச்சியை விட்டு வெளியேறிய முதல் போட்டியாளர்... சோகத்தில் ரசிகர்கள்

Published: Monday, February 14, 2022, 14:37 [IST]

Subscribe to Oneindia Tamil

சென்னை: விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியின் மூன்றாவது சீசனின் முதல் எலிமினேஷன் நடந்துள்ளது.

நிகழ்ச்சி தொடங்கி தற்போது முதல் வெளியேற்றம் நடைபெற்று இருப்பதால் ரசிகர்கள் மட்டுமல்லாமல் சக போட்டியாளர்களும் சோகத்தில இருக்கின்றனர்.

ரியாலிட்டி ஷோ

விஜய் டிவியில் ஒளிபரப்பாகி வரும் ரியாலிட்டி ஷோக்கள் ரசிகர்களின் மத்தியில் தனி மதிப்பை பெற்று விடுகிறது. காரணம் டாஸ்க் என்கிற பெயரில் ரசிகர்களின் மனதில் இடம் பிடிக்கும் வகையில் பல செயல்கள் இருப்பதால் ரசிகர்கள் இந்த நிகழ்ச்சியை தொடர்ந்து ரசிக்கத் தொடங்கி விடுகின்றனர். முதல் சீசன் வெற்றியடைந்தால் தொடர்ந்து இதில் பல சீசன்கள் தொடங்கப்படுவது வழக்கமாக இருந்து வருகிறது. அந்த வகையில் தற்போது குக் வித் கோமாளி நிகழ்ச்சிக்கு ரசிகர்கள் மத்தியில் நல்ல வரவேற்பு கிடைத்திருக்கிறது. ரசிகர்களை மகிழ்விக்கும் இந்த சமையல் நிகழ்ச்சி வித்தியாசமாக இருப்பதால் பலரும் இதை தொடர்ந்து பார்த்து வருகின்றனர்.

போன வார நிலவரம்

குக் வித் கோமாளி சீசன் 1 மற்றும் சீசன் 2 வெற்றியை தொடர்ந்து தற்போது சமீபத்தில் மூன்றாவது சீசன் ஆரம்பமானது. இதில் திரையுலகை சேர்ந்த பிரபலங்கள் பலர் போட்டியாளர்களாக பங்கேற்றுள்ளார்கள். கடந்த வாரம் நடைபெற்ற போட்டியில் புதுமையான சமையல்கள் செய்து யுமினிடி பெற்று எவிக்ஷனில் இருந்து தப்பி விட்டார் கிரேஸ் கருணாஸ். இந்த நிலையில் இந்த வாரம் யார் வெளியேறி போவார்கள் என்பது பலருடைய ஆர்வமாகவும் எதிர்பார்ப்பாகவும் இருந்தது.

போட்டியாளர்களின் எதிர்பார்ப்பு

தற்போது மூன்றாவது சீசனிலும் பல கோமாளிகள் ஆரம்பத்தில் இருந்தவர்கள் ஆகவும், பலருக்கும் பரிச்சயமானவர்களாக இருந்தாலும் ஒவ்வொரு சீசனிலும் குக்குகள் புதுமுகமாக அறிமுகமாகி வருகின்றனர். இந்த நிகழ்ச்சியில் கலந்து கொண்டாலே தங்களுக்கு புகழ் கிடைக்கும், ரசிகர்களின் மத்தியில் எதிர்பார்ப்பு இருக்கும் என்பதை பலரும் புரிந்து கொண்டு இந்த நிகழ்ச்சியில் போட்டி போட்டு அறிமுகமாகி வருகின்றனர். ஆனால் ஒரு சில போட்டியாளர்கள் ஒரு சில வாரங்களில் நிகழ்ச்சியை விட்டு வெளியேறி இருப்பது அவர்கள் எதிர்பார்க்காத ஒன்றாகத்தான் இருந்து வருகிறது.

முதல் வெளியேற்றம்

இந்த நிலையில் இந்த வாரம் நடைபெற்ற போட்டிகளில் குறைந்த மதிப்பெண்களை வாங்கி குக் வித் கோமாளி நிகழ்ச்சியில் இருந்து முதல் ஆளாக ராகுல் தாத்தா வெளியேறியுள்ளார். ராகுல் தாத்தா நிகழ்ச்சியில் இருந்து வெளியேறியதால் அங்கிருந்த போட்டியாளர்கள் மட்டுமல்லாமல் பார்த்துக்கொண்டிருக்கும் ரசிகர்களும் வருத்தம் அடைந்துள்ளனர். தன்னுடன் இருக்கும் சக கோமாளிகளை அதட்டி தனக்கே உரிய பாணியில் அவர்களுக்கு சளைத்தவரல்ல என்று தன்னுடைய திறமையை நிரூபித்து கொண்டிருந்தார். தற்போது ஆரம்பத்திலேயே இவர் வெளியேறி இருப்பதால் பலரும் இவரை மிஸ் பண்ணி வருகிறார்கள்.

Published On February 14, 2022