குக் வித் கோமாளியில் அறிமுகமாகும் சார்பட்டா பரம்பரை நடிகர்... அப்போ மிரட்டலாக இருக்குமா??
சென்னை: வெள்ளித்திரையில் ஹீரோவாக நடித்துக் கொண்டிருக்கும் சார்பட்டா பரம்பரை படத்தில் கதாநாயகன் குக் வித் கோமாளி நிகழ்ச்சியில் அறிமுகமாக இருக்கிறார் என்ற செய்திகள் சமூக வலைத்தளத்தில் பரவி வருகிறது.
குத்துச்சண்டை வீரராக பார்த்த நடிகர் குக்காக கலக்குவாரா??என ரசிகர்கள் கலாய்த்து வருகின்றனர்.
சார்பட்டா பரம்பரையின் ராமர்
வட சென்னையில் நடைபெற்ற குத்துச்சண்டை பின்னணி சம்பவங்களின் தொகுப்பாக சார்பட்டா பரம்பரை படம் ஆர்யா நடிப்பில் வெளியாகி இருந்தது. இந்த திரைப்படத்தை பா. ரஞ்சித் இயக்கியிருந்தார். கடந்த வருடம் வெளியான இந்த திரைப்படம் ரசிகர்கள் மத்தியிலும், விமர்சகர்கள் மத்தியிலும் நல்ல வரவேற்பைப் பெற்று பாராட்டுகளை குவித்து இருந்தது. இதில் நடித்திருந்த நடிகர்கள் வேற லெவலில பேசப்பட்டனர். இந்தப்படத்தில் ஒரு சில சீன்கள் அதிக அளவில் மீம்ஸ்களாக வைரலாக பரவி வந்தது. அதுமட்டுமல்லாமல் இந்த படத்தில் தோன்றிய கபிலன், சிங்கம்புலி, மாரியம்மா, லட்சுமி, கெவின் டாடி, ராமன் உட்பட பல கதாபாத்திரங்கள் ரசிகர்கள் மத்தியில் நல்ல வரவேற்பைப் பெற்றிருந்தன. இதில் ராமன் கதாபாத்திரத்தில் சந்தோஷ் பிரதாப் நடித்து இருந்தார்.
சின்னத்திரையில் அறிமுகம்
சந்தோஷ் முதல் திரைப்படத்தில் நடித்தார் என்று சொல்வதை விடவும் வாழ்ந்து விட்டார் என்றுதான் சொல்லவேண்டும். அந்த அளவிற்கு தன்னுடைய தத்ரூபமான நடிப்பை வெளிப்படுத்தியிருந்தார். அதற்குப் பிறகும் இவர் பிசாசு 2 என்னும் படத்தில் நடிக்க ஒப்பந்தமாகியிருந்தார். இந்த படத்தில் இவருக்கு ஜோடியாக ஆண்ட்ரியாவும் நடித்துக் கொண்டிருக்கின்றனர். பிஸியாக இருக்கும் இவர் தனக்கு மேலும் ரசிகர்களை அதிகரிப்பதற்காக தற்போது சின்னத்திரையில் காலடி எடுத்து வைத்துள்ளார் என்ற செய்திகள் அவருடைய ரசிகர்களுக்கு குழப்பமாகவும் இன்ப அதிர்ச்சியாகவும் தான் இருந்து வருகிறது.
ரியாலிட்டி ஷோவில் அறிமுகம்
விஜய் டிவியில் ஒளிபரப்பாகி வரும் குக் வித் கோமாளி நிகழ்ச்சியில் கலந்துகொண்டு பலருடைய வாழ்க்கை வெற்றியடைந்ததை தொடர்ந்து பல நடிகர் நடிகைகள் இந்த நிகழ்ச்சியில் கலந்து கொள்வதற்காக தற்போது போட்டி போட்டுக்கொண்டு வருகின்றனர். விஜய் டிவியில் ஒளிபரப்பாகி வரும் பிக் பாஸ் நிகழ்ச்சியில் ஐந்தாவது சீசனில் கலந்து கொள்ள வாய்ப்பு கிடைத்ததாம். ஆனால் திரைப்படங்களில் நடித்துக் கொண்டிருந்ததால். அதை பயன்படுத்த முடியவில்லையாம். அதனால் மீண்டும் இவருக்கு கிடைத்த ரியாலிட்டி ஷோ வாழ்க்கையை விட்டுவிடாமல் இதில் களமிறங்க வந்து இருக்கிறார் என்று செய்திகள் பரவி வருகிறது.
Recommended Video
ரசிகர்களின் எதிர்பார்ப்பு
இந்த குக் வித் கோமாளி நிகழ்ச்சியில் குக்காக இருந்து சமையல் நிகழ்ச்சிகளில் கருத்தாக செயல்பட்டு கொண்டிருப்பவர்களுக்கு உறுதுணையாக கோமாளிகளாக இருப்பவர்கள் செய்யும் அலப்பரைகள் வேர லெவலில் ரசிகர்களிடம் எதிர்பார்ப்பை ஏற்படுத்தி இருக்கிறது. இதில் புதியதாக குத்துச்சண்டை நடிகராக நடித்த இவர் மிரட்டலாக இருப்பாரா?? அல்லது ஜாலியாக கலகலக்க வைப்பாரா என்று ரசிகர்கள் ஆர்வத்தோடு எதிர்பார்ப்புகளை வெளியிட்டு வருகின்றனர்.
Click it and Unblock the Notifications
Sign in with Google