வலியை மறந்து சிரித்தபடியே பாடிய மகள்.. அறுவை சிகிச்சையை பற்றி கூறிய லக்ஷ்மி ராமகிருஷ்ணன்

Published: Tuesday, September 20, 2022, 13:46 [IST]

Subscribe to Oneindia Tamil

சென்னை:கடந்த ஆறு மாத காலமாக மருத்துவத்துறையில் அறுவை சிகிச்சை குறித்து தான் கற்றுக் கொண்ட பாடத்தையும், தெரிந்து கொண்ட விஷயங்களை அறிவுரையாக வழங்கியுள்ளார் லட்சுமி ராமகிருஷ்ணன்.

ட்விட்டர் பதிவுகளுடன் தன் மகள் பாடுவதை வீடியோவாக வெளியிட்டுள்ளார். லட்சுமி ராமகிருஷ்ணன் மகள் பாடுவதை கேட்டப் பலர் குரல் அருமையாக இருக்கிறது என்றும் பாராட்டி வருகின்றனர்.

விரைவில் பூரண நலமடைய தங்கள் வாழ்த்துக்களையும் லட்சுமி ராமகிருஷ்ணன் மகளுக்கு கூறி வருகின்றனர்.

பரபரப்பாய் பேசப்பட்ட லட்சுமிராமகிருஷ்ணன் பெயர்

சிறிது நாட்களுக்கு முன்பு லட்சுமி ராமகிருஷ்ணன் இசையமைப்பாளர் இளையராஜா முன்பு தரையில் அமர்ந்திருந்தது போல் வந்த புகைப்படம் சர்ச்சையை கிளப்பிய சமயத்தில் இளையராஜா போன்றவர்கள் கடவுளுக்கு நிகரானவர்கள் என்றும், தன் தந்தைக்கு சமமானவர், அவர் முன் தரையில் அமர்வது தன்னுடைய சுய விருப்பம் என்றும் பதிலடி கொடுத்திருந்தார்.சமீபத்தில் தமிழக அரசின் விருது வழங்கும் விழாவில் கூட லட்சுமி ராமகிருஷ்ணன் பெயர் அழைக்கப்படவில்லை என்றும் அதற்கு லட்சுமி ராமகிருஷ்ணன் விழா ஏற்பாட்டாளர்களுடன் வாக்குவாதத்தில் ஈடுபட்டதாகவும் வீடியோ பரவியது.

வீடியோ குறித்த விளக்கம்

வீடியோவை குறித்து விளக்கம் அளித்த லட்சுமி ராமகிருஷ்ணன் அது ஒரு சின்ன கவனக்குறைவால் ஏற்பட்ட குழப்பம் தான், அதை ஒரு சில மீடியாக்கள் தான் பெரிதாக்கி விட்டனர். மற்றபடி ஏதும் பிரச்சனை இல்லை என்றும், தனக்கு கிடைக்க வேண்டிய விருது கிடைப்பதற்கு கொஞ்சம் தாமதம் ஆனது அவ்வளவுதான். தங்கள் தவறை உடனே சரி செய்து எனக்கு விருது வழங்கிய விழா குழுவினருக்கும் விருதை அறிவித்த முதலமைச்சருக்கும் நன்றி தெரிவித்து ட்விட்டரில் பதிவிட்டு இருந்தார்.

அதிர்ச்சி அளித்த ட்விட்டர் பதிவு

இவ்வாறு கொஞ்ச நாட்களாக சமூக வலைதளங்களில் அடுத்தடுத்து பேசும் பொருளாக இருந்து வந்த லட்சுமி ராமகிருஷ்ணன்,ஓணம் பண்டிகையை ஒட்டி வாழ்த்து செய்தியோடு அவர் கூறியிருந்த விஷயம் பலரை அதிர்ச்சிக்கு உள்ளாகியது.கடந்த ஆறு மாத காலமாக தனது மகள் உடல்நிலை சரியில்லை என்றும் தற்பொழுது நன்றாக இருப்பதாகவும், மருத்துவ குழுவினருக்கு நன்றி கூறி பதிவிட்டிருந்தார். இவ்வளவு பெரிய மனக்கவலைகள் இருந்தாலும் கடந்த ஆறு மாதங்களாக வழக்கம் போல் தன்னுடைய வேலைகளை எந்த வித்தியாசமும் காட்டிக் கொள்ளாமல் செய்து வந்த லட்சுமி ராமகிருஷ்ணனை பலர் பாராட்டியும் ஆறுதலும் கூறி வந்தனர்.

ஆப்ரேசன் குறித்த அறிவுரை

தற்போது நன்கு உடல்நிலை தேறி வரும் தன்மகள் அழகாக பாடுவதை வீடியோவாக வெளியிட்டுள்ள லட்சுமி ராமகிருஷ்ணன் "கடந்த 6 மாத அனுபவத்தைப் பகிர்ந்து கொள்கிறேன், கற்றுக்கொண்ட பல பாடங்கள்! மிக முக்கியமாக, பலரிடம் கருத்துக்களை கேட்டுக்கொள்வதற்கு முன் அறுவை சிகிச்சைக்கு செல்ல வேண்டாம். அறுவைசிகிச்சை செய்ய முயற்சிக்கும் முன், உங்களிடம் அனைத்து தகவல்களும் உள்ளதா என்பதை உறுதிப்படுத்தி கொள்ளுங்கள், சிடி மற்றும் எம்.ஆர்.ஐ ஸ்கேன் செய்யுங்கள்! சாதா அல்ட்ரா ஸ்கேன் போதாது" என்று அறிவுரை செய்துள்ளார்..

Published On September 20, 2022