அக்ஷராவை கண்டுகொள்ளாத ராஜுவின் அம்மா..பாவனியிடம் பாசம் காட்ட காரணம் இதுதானா??

Updated: Thursday, December 23, 2021, 14:59 [IST]

Subscribe to Oneindia Tamil

சென்னை: பிக்பாஸ் வீட்டில் நேற்றைய எபிசோட்டில் ராஜுவின் அம்மாவின் செயல்பாடு அனைவரையும் அதிர்ச்சி அடைய வைத்துள்ளது.

தன் மகனை அண்ணனாக நினைத்து இருக்கிறேன் என்று கூறும் அக்ஷராவிடம் பாசமாக பேசாத காரணம் என்னவென்று ரசிகர்கள் குழம்பி வருகின்றனர்.

அக்ஷராவிடம் காட்டாத பாசத்தை பாவனியிடம் ராஜுவின் அம்மா காட்டியிருப்பது பலருக்கும் வியப்பை கொடுத்திருக்கிறது.

சரியான முடிவுதான்

பிக்பாஸ் நிகழ்ச்சியில் வழக்கமாக நடக்கும் சடங்கு சம்பிரதாயங்களில் ஒன்று தான் ஃப்ரீஸ் டாஸ்க். தற்போது இந்த போட்டியாளர்களின் உறவினர்கள் திடீரென்று என்ட்ரி கொடுத்து அனைவருக்கும் சர்ப்ரைஸ் கொடுத்து வருகின்றனர். இதில் இந்த சீசனில் இருக்கும் 10 போட்டியாளர்களில் குடும்பத்தினரும் ஒவ்வொரு விதமாக நடந்து கொள்வதைப் பார்க்கும்போது ரசிகர்களுக்கு சுவாரஸ்யம் ஏற்பட்டுள்ளது. பிக் பாஸ் நிகழ்ச்சியில் பலருக்கும் ஃபேவரைட் ஹீரோவாக வலம் வந்து கொண்டிருக்கும் ராஜுவின் அம்மாவின் செயல்பாடுகள் நேற்றைய எபிசோட்டில் சரியான முடிவு என்று கூறி வருகின்றனர்.

மாற்றமான கேரக்டர்

இந்த ஐந்தாவது சீசன் தொடங்கிய முதல் நாளில் இருந்து ராஜூ தான் என்னுடைய அண்ணன் என்று அக்ஷரா கூறியிருப்பது ராஜுவின் ரசிகர்களுக்கு பெருமையாக இருந்தாலும், ராஜுவை முதுகுக்கு பின்னாடி சில நேரங்களில் அக்ஷராவை தரைகுறைவாக பேசி வருகிறார் என்று தெரிந்ததும் அவர் மீது கோபத்தில் இருந்து வருகின்றனர். என்னதான் ராஜு பலநேரங்களில் நியாயமாக நடந்து கொண்டாலும் பாவனி விஷயத்தில் அவர் நடந்து கொண்டது பலருக்கும் வியப்பாக இருந்து வருகிறது.

கருத்து வேறுபாடு காரணம்

சமையலறையில் சரியாக வேலை செய்யவில்லை என்று பாவனி ராஜுவை குறை கூறிய நாளிலிருந்தே அவர் மீது வெறுப்பைக் காட்ட ஆரம்பித்த ராஜு அதற்குப்பிறகு டாஸ்க் விஷயத்தில் தாமரையிடம் பாவனி நடந்து கொண்டது எனக்கு கொஞ்சம் கூட பிடிக்கவில்லை என்று முகத்துக்கு நேராக ஒவ்வொரு முறையும் மட்டம் தட்டிக் கொண்டிருக்கிறார். இதை பார்த்து பலர் ரசிகர்கள் ராஜூக்கு எதிராக சில நேரங்களில் சமூக வலைத்தளங்களில் கமெண்டுகளை அனுப்பி வருகின்றனர்.

மிரட்டல் கொடுத்த ராஜுவின் அம்மா

தற்போது ஒவ்வொரு போட்டியாளர்களின் உறவினர்களும் பிக்பாஸ் வீட்டிற்குள் வந்து கொண்டிருக்கும் நேரத்தில் ராஜூவின் குடும்பத்தினரின் வருகை பலருக்கும் ஆச்சரியத்தை கொடுத்திருந்தது. ராஜுவின் அம்மா அக்ஷராவிடம் தான் பாசமாக நடந்து கொள்வார் என்று பலர் எதிர்பார்த்து இருந்த நேரத்தில் அவர் அக்ஷராவை துளி கூட கண்டுகொள்ளவில்லை. ஆனால் அதற்கு நேர்மறையாக பாவனியுடன் மிகவும் பாசமாகவும் நடந்து கொண்டதோடு அவருக்கு தைரியமாக இருக்க வேண்டும் என்று அறிவுரையும் கூறி இருக்கிறார். அதை பார்க்கும்போது பல ரசிகர்கள் ராஜுவின் அம்மா மிகவும் மெச்சூரிட்டி ஆக செயல்பட்டுள்ளார். இதில் யாரு கூடவே இருந்து குழி பறிப்பது என்பதை நன்றாக தெரிந்து கொண்டுதான் இந்த மாதிரி நடந்துள்ளார் என்று கூறியிருக்கிறார். இதை பார்த்த பிறகாவது ராஜு மாறவேண்டும் என்று சில அறிவுரைகளை கூறி வருகின்றனர்.

ராஜுவின் மனைவியின் அறிவுரை

ராஜுவின் அம்மா மட்டுமல்லாமல் அவருடைய மனைவியும் அதை தான் சொல்லியிருக்கிறார். நல்லா விளையாடு அதை விட்டுவிட்டு தங்கச்சி, அக்கா இந்த மாதிரி பாசம் எல்லாம் வேண்டாம் என்று அக்ஷராவின் மனதில் வைத்துக் கொண்டுதான் இதை சொல்லியுள்ளார் என்று பலர் கூறியுள்ளனர். பாவனி,பிரியங்கா இருவரும் ராஜுவின் குடும்பம் வந்து சென்றபின் பேசியதையும், அக்ஷரா, தாமரை இருவரும் பேசியதும் கவனித்தால் புரியும் விஷயம் என்பது இனிமேலாவது ராஜூ அக்ஷரா கூட சேராமல் இருந்தால் நல்லது என்று பலர் அறிவுரை கூறி வருகின்றனர்.