வருவிருந்து வைகலும் ஓம்புவான் திருக்குறள்

தன்னை நோக்கி வரும் விருந்தினரை நாள் தோறும் போற்றுகின்றவனுடைய வாழ்க்கை, துன்பத்தால் வருந்திக் கெட்டுப் போவதில்லை.
— மு. வரதராசன்

விருந்தினரை நாள்தோறும் வரவேற்று மகிழ்பவரின் வாழ்க்கை, அதன் காரணமாகத் துன்பமுற்றுக் கெட்டொழிவதில்லை
— கலைஞர்

நாளும் வரும் விருந்தினரைப் பேணுபவனின் வாழ்க்கை வறுமைப்பட்டுக் கெட்டுப் போவது இல்லை.
— சாலமன் பாப்பையா

நாள்தோறும் தன்னை நாடி வரும் விருந்தினரைப் போற்றுகிறவனுடைய இல்வாழ்க்கை துன்பத்தால் பாழ்படுதல் என்றும் இல்லையாகும்
— புலியூர்க் கேசிகன்

ஒவ்வொரு காலையும் விருந்தை எதிர்பார்ப்பவர் வாழ்கை பருவகால மாற்றத்தால் பாதிப்பது இல்லை.
— சிவயோகி சிவகுமார்

நாடோறும் வந்தவிருந்தினரைப் போற்றுவானது ஆக்கம், வருத்தமுற்றுக் கேடுபடுவதில்லை.
— மணக்குடவர்

வருவிருந்து வைகலும் ஓம்புவான் வாழ்க்கை - தன்னை நோக்கி வந்த விருந்தை நாள்தோறும் புறந்தருவானது இல்வாழ்க்கை; பருவந்து பாழ்படுதல் இன்று - நல்குரவான் வருந்திக்கெடுதல் இல்லை. (நாள்தோறும் விருந்தோம்புவானுக்கு அதனான் பொருள் தொலையாது; மேன்மேல் கிளைக்கும் என்பதாம்.).
— பரிமேலழகர்

Each day he tends the coming guest with kindly care;
Painless, unfailing plenty shall his household share

The domestic life of the man that daily entertains the guests who come to him shall not be laid waste by poverty

varuvirundhu vaikalum Ompuvaan vaazhkkai
paruvandhu paazhpatudhal indru