நம் நாட்டை குழப்ப உள்நாட்டு, வெளிநாட்டு சதி நடக்கிறது: ராஜபக்சே

கொழும்பு: இலங்கையில் ஏற்பட்டுள்ள சமாதான சூழலை குழப்ப உள்நாட்டிலும் சரி, வெளிநாடுகளிலும் சரி சூழ்ச்சிகள் நடப்பதாக அந்நாட்டு அதிபர் மகிந்தா ராஜபக்சே தெரிவித்துள்ளார்.

அலரி மாளிகையில் இலங்கை சுதந்திர கட்சியின் பொது கூட்டம் நேற்று நடைபெற்றது. இந்த கூட்டத்தில் இலங்கை அதிபர் ராஜபக்சே கலந்து கொண்டார்.

அப்போது அவர் பேசுகையில் கூறியதாவது,

போரில் விடுதலைப் புலிகள் தோற்கடிக்கப்பட்ட பிறகு வடக்கு மற்றும் தெற்கு மக்கள் ஒற்றுமையாக வாழ்கிறார்கள். போர் நடந்தபோது அரசுக்கு எதிராக பல நாடுகள் அழுத்தம் கொடுத்தன. தற்போது நாட்டை குழப்ப சூழ்ச்சிகள் நடந்து வருகின்றன. இந்நிலையில் ஆளும் சுதந்திர கட்சி எந்தவித தியாகத்தையும் செய்ய தயாராக உள்ளது என்றார்.

English summary

Sri Lankan president Mahinda Rajapakse told that people are scheming to spoil the peaceful condition that exists in the country.