Click it and Unblock the Notifications
Don't Miss
-
இனி நோக்கியா போன் எதுக்கு? 50MP செல்பி கேமரா.. 128ஜிபி மெமரி.. புது HMD போன் ரெடி.. எந்த மாடல்? -
நெருங்கிய தேர்தல்.. பெட்ரோல், டீசல் விலையில் மாற்றம் ஏற்படுமா? இன்றைய ரேட் என்ன? -
அசிஸ்டன்ட் டைரக்டர் இல்ல..மணமக்களை வாழ்த்துக்கள் ஷங்கர் பேச்சு! -
IPL 2024 : ஐபிஎல் வரலாற்றிலேயே மாபெரும் சாதனை வெற்றி.. ராஜஸ்தான் ராயல்ஸ் சேஸிங்கில் புதிய ரெக்கார்டு -
வெங்காயம் தக்காளி இல்லாமலே கார சட்னியை எப்படி செய்யணும்-ன்னு தெரியுமா? -
கொடுக்கல், வாங்கலில் பிரச்னை.. காருக்கு தீ வைத்த கோவகார கும்பல்! கோடி ரூபா மதிப்புள்ள கார் பைசாவுக்கு தேரல! -
தமிழ்நாட்டுக்கு உள்ளேயும், பக்கத்துலயும் இவ்வளோ அழகான பெரிய நீர்வீழ்ச்சிகள் இருக்கு தெரியுமா? -
யுபிஎஸ்சி தேர்வு முடிவுகள் ரிலீஸ்..லக்னோ இளைஞர் ஆதித்யா ஸ்ரீவஸ்தவா முதலிடம்
குன்றத்திலே குமரனுக்கு திருக்கல்யாணம் கோலாகலம் - அரோகரா முழக்கமிட்டு பக்தர்கள் தரிசனம்
திருப்பரங்குன்றம் முருகனுக்கு இன்று தெய்வானையுடன் திருக்கல்யாணம் கோலாகலமாக நடைபெற்றது. பக்தர்கள் அரோகரா முழக்கமிட்டு முருகன் தெய்வானையை தரிசனம் செய்தனர்.
மதுரை: திருப்பரங்குன்றம் முருகன் கோவிலில் பங்குனி உத்திர விழாவின் முக்கிய நிகழ்வான முருகன் தெய்வானை திருக்கல்யாணம் இன்று கோலாகலமாக நடைபெற்றது. இந்த விழாவில் ஏராளமான பக்தர்கள் பங்கேற்று அரோகரா முழக்கமிட்டு தரிசனம் செய்தனர்.
முருகப்பெருமானின் அறுபடை வீடுகளில் முருகன் தெய்வானை உடன் மணக்கோலத்தில் மூலவராகக் காட்சியளிக்கும் ஒரே தலம் முதற்படை வீடான திருப்பரங்குன்றம்தான். திருப்பரங்குன்றம் கோயில் ஆஸ்தான மண்டபத் தூணில் தெய்வானை கல்யாணக் காட்சியைக் கண்டு மகிழலாம். இந்திரன் கன்னிகாதானம் அளிக்கும் கோலத்தில் உள்ளார்.
திருப்பரங்குன்றம் முருகன் கோவிலில் கடந்த 18ஆம் தேதிகொடியேற்றத்துடன் பங்குனிப் பெருவிழா தொடங்கி நடைபெற்று வருகிறது. திருவிழாவில் முக்கிய நிகழ்ச்சியாக சூரசம்கார லீலைநேற்று இரவு நடைபெற்றது. தங்கமயில் வாகனத்தில் முருகப் பெருமான் எழுந்தருளி நகரின் முக்கிய வீதிகளில் வலம் வந்தார்.
திருவிழாவின் 11வது நாளான நேற்று கோவிலுக்குள் உள்ள ஆறு கால் மண்டபத்தில் முருகப்பெருமானுக்கு பட்டாபிஷேகம் நடைபெற்றது. சூரனை வென்ற முருகப்பெருமானுக்கு கிரீடம் சூட்டி பட்டாபிஷேகம் நடைபெற்றது.
முருகப் பெருமானுக்கு கிரீடம் சூட்டி, சேவல் கொடி சாற்றப்பட்டு நவரத்தினங்களால் இழைக்கப்பட்ட செங்கோல் வழங்க பட்டாபிஷேகம் கோலாகலமாக நடைபெற்றது. கிரீடம் சூடி பட்டாபிஷேக கோலத்தில் முருகனைக் கண்ட பக்தர்கள் வெற்றிவேல் முருகனுக்கு அரோகரா வீரவேல் முருகனுக்கு அரோகரா என்ற பக்தி கோஷம் எழுப்பி பயபக்தியுடன் பக்தர்கள் தரிசனம் செய்தனர்
இன்று பகல் 11.50 மணிக்கு கோவிலுக்குள் முருக பெருமான் தெய்வானைக்கு திருக்கல்யாணம் கோலாகலமாக நடைபெற்றது. மதுரையில் இருந்து மீனாட்சி சுந்தரேஸ்வரர் பிரியாவிடையுடன் முருகன் தெய்வானை திருக்கல்யாணம் காண வந்திருந்தனர். திருக்கல்யாண நிகழ்வில் ஏராளமான பக்தர்கள் பங்கேற்றனர். முருகனுக்கு அரோகரா வெற்றிவேல் முருகனுக்கு அரோகரா என்று முழக்கமிட்டு தரிசனம் செய்தனர்.
பங்குனி உத்திர நிகழ்வின் சிகர நிகழ்ச்சியான திருத்தேரோட்டம் நாளைய தினம் காலை நடைபெற உள்ளது. கிரிவல வீதியில் நடைபெறும் தேரோட்டத்தில் ஏராளமான பக்தர்கள் பங்கேற்பார்கள்.
