மாத ஊதியம் ரூ.19,000 முதல் ரூ.1.30 லட்சம்.. 1083 காலியிடங்களை நிரப்பும் டிஎன்பிஎஸ்சி.. புது அறிவிப்பு

தமிழ்நாட்டில் பல்வேறு துறைகளில் காலியாக உள்ள ஜூனியர் டிராப்டிங் பணியிடங்களை நிரப்புவதற்கான அறிவிப்பை டிஎன்பிஎஸ்சி வெளியிட்டுள்ளது.

சென்னை: தமிழ்நாட்டில் பல்வேறு துறைகளில் காலியாக உள்ள பணியிடங்களை நிரப்புவதற்கான அறிவிப்புகள் டிஎன்பிஎஸ்சி சார்பில் தொடர்ந்து வெளியிடப்பட்டு வருகின்றன. அந்த வகையில் தற்போது ஜூனியர் டிராப்டிங் ஆபிசர் பணிகளுக்கான 1083 இடங்களை நிரப்புவதற்கான அறிவிப்பு இன்று வெளியாகி உள்ளது. தகுதி மற்றும் விருப்பம் உள்ளவர்கள் இந்த பணிக்கு விண்ணப்பம் செய்யலாம். பணிக்கு தேர்வாகும் நபர்களுக்கு மாதம் குறைந்தபட்சமாக ரூ.19 ஆயிரத்து 500 முதல் அதிகபட்சமாக ரூ.1 லட்சத்து 30 ஆயிரத்து 400 வரை சம்பளம் வழங்கப்பட உள்ளது.

தமிழ்நாடு அரசின் கட்டுப்பாட்டில் உள்ள பல்வேறு துறைகளில் காலியாக உள்ள பணியிடங்கள் தமிழ்நாடு அரசு பணியாளர் தேர்வாணையம்(டிஎன்பிஎஸ்சி) சார்பில் நிரப்பப்பட்டு வருகிறது. 2023ம் ஆண்டில் நடத்தப்பட உள்ள தேர்வுகள் மற்றும் நிரப்பப்பட உள்ள பணியிடங்கள் குறித்த பட்டியல் கடந்த ஆண்டு இறுதியில் வெளியிடப்பட்டது.

இந்த பட்டியலின் அடிப்படையில் தேர்வுகள் நடத்தவும், ஆட்சேர்ப்புக்கான அறிவிப்புகளையும் டிஎன்பிஎஸ்சி தொடர்ந்து வெளியிட்டு வருகிறது. அந்த வகையில் சமீபத்தில் சுற்றுலா அலுவலர், நூலகர், மாவட்ட நூலக அதிகாரி உள்ளிட்ட பணிகளுக்கான அறிவிப்புகள் வெளியாகின. அந்த வரிசையில் தற்போது டிஎன்பிஎஸ்சி சார்பில் புதிய அறிவிப்பு ஒன்று இன்று வெளியிடப்பட்டுள்ளது. ஒருங்கிணைந்த பொறியியல் துணை சேவைகள்(Combined Engineering Subordinate Services) பணிகளுக்கான அறிவிப்பு வெளியாகி இருக்கிறது. அதன் முக்கிய விபரங்கள் வருமாறு:

காலியிடங்கள் எவ்வளவு?

தமிழ்நாடு அரசு துறைகளில் காலியாக உள்ள ஜூனியர் டிராப்டிங் ஆபிசர் (junior Draughting Officer), டிராப்ட்ஸ்மேன் (Draughtsman), போர்மேன் (Foreman) என மொத்தம் 1083 பணியிடங்கள் நிரப்பப்பட உள்ளது. இதில் Overseer / Junior Draughting Officer பிரிவில் 794 பணியிடங்கள், Junior Draughting Officer ( Highway) பிரிவில் 236 பணியிடங்கள், Junior Draughting Officer (Public Works) பிரிவில் 18 பணியிடங்கள், Draughtsman (Grade - III) பிரிவில் 10 பணியிடங்கள், Foreman (Grade-II) பிரிவில் 25 பணியிடங்கள் என மொத்தம் 1083 பணியிடங்கள் காலியாக உள்ளன.

வயது வரம்பு என்ன?

ஒவ்வொரு பணிக்கும் விண்ணப்பம் செய்வோருக்கான வயது வரம்பு மாறுபடுகிறது. அதன்படி ஓவர்சீர்/ஜூனியர் டிராப்டிங் ஆபிசர் பணிக்கு 37 வயதுக்குள்ளும், பிற பணிகளுக்கு 32 வயதுக்குள் இருக்க வேண்டும். எஸ்சி, எஸ்டி உள்ளிட்ட பிரிவினரை பொறுத்தமட்டில் ஓவர்சீர்/ஜூனியர் டிராப்டிங் மற்றுமு் போர்மேன் பணிகளுக்கு வயது வரம்பு கிடையாது. மாறாக ஜூனியர் டிராப்டிங் ஆபிசர் (ஹைவே) பணிக்கு 35 வயதுக்குள்ளும், ஜூனியர் டிராப்டிங் ஆபிசர் (பப்ளிக் வொர்க்), டிராப்ட்மேன் கிரேடு III பணிக்கு 37 வயதுக்குள் இருக்க வேண்டும். வயது வரம்பானது 01.07.2023 தேதியின் படி கணக்கீடு செய்யப்படும்.

கல்வி தகுதி என்ன?

ஒவ்வொரு பணிக்கும் தனித்தனி கல்வித்தகுதிகள் உள்ளன. மொத்தமாக பார்த்தால் மத்திய அல்லது மாநில அரசால் அங்கீகரிக்கப்பட்ட கல்வி நிறுவனங்களில் இருந்து டிப்ளமோ பிரிவில் சிவில், மெக்கானிக்கல், என்ஜினீயரிங் பிரிவில் சிவில், மெக்கானிக்கல் முடித்தவர்கள் விண்ணப்பம் செய்யலாம். இதுபற்றிய விபரம் கீழ்காணும் அதிகாரப்பூர்வ அறிவிப்பில் தெளிவாக குறிப்பிட்டுள்ளது.

மாத சம்பளம் என்ன?

இதில் ஜூனியர் டிராப்டிங் ஆபிசர் மற்றும் டிராப்ட்மேன் பணிகளுக்கு தேர்வாகும் நபர்களுக்கு மாதம் சம்பளமாக குறைந்தபட்சம் ரூ.35,400 வழங்கப்படும். அதிகபட்சமாக ரூ.1 லட்சத்து 30 ஆயிரத்து 400 வரை வழங்கப்படும். போர்மேன் பணிக்கு தேர்வாகும் நபர்களுக்கு மாதம் குறைந்தபட்சம் ரூ.19,500 முதல் அதிகபட்சமாக ரூ.71,900 வரை வழங்கப்படும்.

விண்ணப்பம் செய்வது எப்படி?

விண்ணப்பம் செய்பவர்களுக்கு ஒருமுறை பதிவு கட்டணமாக ரூ.150, தேர்வுக்கட்டணமாக ரூ.100 என மொத்தம் ரூ.250 நிர்ணயம் செய்யப்பட்டுள்ளது. எஸ்சி, எஸ்டி, பிடபிள்யூடி பிரிவினருக்கு தேர்வு கட்டணம் கிடையாது. தகுதி மற்றும் விருப்பம் உள்ளவர்கள் மார்ச் 4ம் தேதிக்குள் அதிகாரப்பூர்வ இணையதளம் https://www.tnpsc.gov.in/ சென்று ஆன்லைன் முறையில் விண்ணப்பம் செய்ய வேண்டும். இவ்வாறு விண்ணப்பம் செய்வோர் எழுத்து தேர்வு மற்றும் நேர்க்காணல் முறையில் தேர்வு செய்யப்படுவார்கள். எழுத்து தேர்வானது 27.05.2023ம் தேதி நடைபெற உள்ளது.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

Notifications for filling up the vacant posts in various departments in Tamilnadu are regularly published by TNPSC. In that regard, the notification for filling 1083 posts for Junior Drafting Officer jobs has been released today. Eligible and willing candidates can apply for this job. The minimum monthly salary of Rs. 19 thousand 500 to the maximum of Rs. 1 lakh 30 thousand 400 will be given to the candidates.