Actor Rajesh: திடீர்னு என்ன ஆச்சுப்பா! நிலைகுலைந்து கதறிய ராஜேஷ் மகள்! தாங்கி பிடித்த சொந்தங்கள்

சென்னை: உடல்நிலை நன்றாக இருப்பதாக சொன்னாரே , திடீர்னு என்ன ஆனது என நடிகர் ராஜேஷின் உடலை பார்த்து அவருடைய மகள் திவ்யா கண்ணீர் விட்டு கதறி அழுதார். ஒரு கட்டத்தில் தந்தையின் இறப்பால் நிலைக்குலைந்த திவ்யாவை அவருடைய உறவினர்கள் கைத்தாங்கலாக அழைத்துச் சென்றனர்.

நடிகர் ராஜேஷுக்கு மனைவி சில்வியா இருந்தார். அவரும் 2012 ஆம் ஆண்டு உடல்நல பாதிப்பு ஏற்பட்டு காலமானார். இந்த நிலையில் சில்வியாவுக்கும் ராஜேஷுக்கும் ஒரு மகன் மகள் உள்ளனர். மகன் தீபக் சினிமாவில் நடித்து வருகிறார்.

அவருக்கு அடுத்த மாதம் திருமணம் நடைபெறவுள்ளது. மகள் திவ்யா திருமணமாகி கனடாவில் வசித்து வருகிறார். அவருக்கு இரு குழந்தைகள் உள்ளன. இந்த நிலையில் மகள் திவ்யா அவ்வப்போது கோடை விடுமுறைக்கு சென்னை வந்து தனது தந்தையுடன் இருப்பார் என அக்கம்பக்கம் வீட்டுக்காரர்கள் சொல்கிறார்கள்.

தனது மகள், மகன் மீது அளவுகடந்த பாசத்தை ராஜேஷ் வைத்துள்ளாராம். பேர பிள்ளைகளும் ராஜேஷ் மீது அதிக பாசமாம். இந்த நிலையில் மூச்சுத்திணறலால் ராஜேஷ் கடந்த 29ஆம் தேதி காலமானார். அவருக்கு வயது 75.

அவரை மருத்துவமனைக்கு அழைத்துச் செல்ல ஆம்புலன்ஸ் வாகனத்தில் ஏற்றிய போது அவரது மகன் தீபக் கைகளிலேயே உயிர் பிரிந்தது. இதுகுறித்து அவருடைய மகன் தீபக் செய்தியாளர்களிடம் கூறுகையில், அப்பாவுக்கு தண்ணீர் மாற்றி குடித்தால் உடனே சளி பிடித்துவிடும். இதற்காக அவர் சிகிச்சை எடுத்துக் கொண்டிருந்தார்.

அண்மையில் அப்பா துபாய் சென்று வந்த நிலையில் அவருக்கு சளி தொல்லை அதிகமாக இருந்தது. இறப்பதற்கு முன் நாள், லேசாக மூச்சுத்திணறல் இருந்தது. ஆனால் அது அதிகாலையில் அதிகரித்தது. இதையடுத்து 108 ஆம்புலன்ஸை வரவழைத்தோம்.

அவரை ஏற்றும் போது என் கையை பிடித்து கன்னத்தில் முத்தமிட்டார். பிறகு நான் அவரை ஆம்புலன்ஸில் ஏற்றி அவரது தலையை சரி செய்தேன். அப்போது அவரது உயிர் பிரிந்தது. எனினும் மருத்துவமனைக்கு அழைத்துச் சென்ற நிலையில் அவர் இறந்துவிட்டதாக மருத்துவர்கள் உறுதி செய்தனர்.

இதையடுத்து ராஜேஷின் உடல் அஞ்சலிக்காக வைக்கப்பட்டது. அவருடைய உடலுக்கு முதல்வர் ஸ்டாலின், விசிக தலைவர் திருமாவளவன், இளையராஜா, வைரமுத்து உள்ளிட்டோர் அஞ்சலி செலுத்தினர்.

இந்த நிலையில் அவருடைய மகள் திவ்யா கனடாவில் இருந்ததால் அவருடைய வருகைக்காக ராஜேஷின் உடல் எம்பார்மிங் செய்யப்பட்டது. இந்த நிலையில் இன்றைய தினம் அதிகாலை கனடாவில் இருந்து மகள் திவ்யா வந்தார்.

தனது தந்தையின் உடலை பார்த்து கதறி துடித்தார். உடல்நிலை நன்றாக இருப்பதாக சொன்னாரே, திடீர்னு என்ன ஆச்சுனு தெரியலை என தந்தையின் உடலை பார்த்து திவ்யா கதறினார். மேலும் தனது குழந்தைகள் தாத்தா, தாத்தா என அழுவதாகவும் கூறினார்.

English summary

Actor Rajesh's daughter Divya was inconsolable upon seeing her father's body, emotionally questioning how he passed away so suddenly despite recently saying he was in good health. Her tearful reaction has deeply moved fans and mourners gathered to pay their respects.