Tamil nadu Cabinet: தமிழக அமைச்சரவை ஸ்டாலின் தலைமையில் கூடியது! இடைக்கால பட்ஜெட்டில் என்னென்ன இடம் பெறும்?

சென்னை: தமிழக அமைச்சரவை கூட்டம் இன்று பகல் 12 மணிக்கு முதல்வர் ஸ்டாலின் தலைமையில் கூடியது. இந்த கூட்டத்தில் இடைக்கால பட்ஜெட் அறிக்கை குறித்து ஆலோசிக்கப்படவுள்ளதாக சொல்லப்படுகிறது.

கடந்த பிப்ரவரி 1 ஆம் தேதி மத்திய பட்ஜெட் தாக்கலான நிலையில் தற்போது தமிழகத்தில் இடைக்கால பட்ஜெட் தாக்கல் செய்யப்படவுள்ளது. அதற்காக இந்த அமைச்சரவை கூடுகிறது என தகவல்கள் வெளியாகியுள்ளன.

தமிழக சட்டசபை தேர்தல் வரும் ஏப்ரல் மாதம் நடைபெறும் என சொல்லப்படுகிறது. எனவே தற்போதைய சட்டசபையின் கடைசி பட்ஜெட் என்பதால் இடைக்கால பட்ஜெட் தாக்கல் செய்யப்படுவது வழக்கம்.

அந்த வகையில் பிப்ரவரி 2 அல்லது 3 ஆவது வாரத்தில் இடைக்கால பட்ஜெட் தாக்கலாகும். இதில் என்னென்ன அம்சங்கள் இடம்பெற வேண்டும் என்பது குறித்து ஆலோசனைகளை நடத்தவே இந்த கூட்டம் இன்று கூடியது.

இந்த கூட்டத்தில் எந்தெந்த துறைகளுக்கு முக்கியத்துவம் கொடுக்க வேண்டும், மக்களுக்கு நேரடியாக பயனளிக்கும் திட்டங்கள் என்னென்ன, நிதி ஒதுக்கீடுகள் எப்படியெல்லாம் இருக்க வேண்டும் என்பது குறித்து ஆலோசனை நடத்தப்படும் என தெரிகிறது.

தேர்தலை கருத்தில் கொண்டு மக்களின் எதிர்பார்ப்புகளை பூர்த்தி செய்யும் வகையில் புதிய திட்டங்களை அறிவிப்பது குறித்தும் ஏற்கெனவே உள்ள திட்டங்களை விரிவுப்படுத்துவது குறித்தும் ஆலோசனை நடைபெறும்.

English summary

The Tamil Nadu cabinet meeting is scheduled to be held today at 12 noon under the leadership of Chief Minister M.K. Stalin. During the meeting, ministers are expected to hold detailed discussions on the upcoming interim budget report, with key policy decisions and financial priorities likely to be reviewed ahead of its presentation.