மெதுவாக நடந்து வந்து.. சட்டென குனிந்து.. குப்பையை கையால் அள்ளிய பிரதமர் மோடி.. என்ன நடந்தது? வீடியோ
டெல்லி: டெல்லியில் ரூ.920 கோடி மதிப்பிலா சுரங்கபாதைகளை பிரதமர் நரேந்திர மோடி திறந்து வைத்தார். இந்த வேளையில் சுரங்க பாதையில் கிடந்த குப்பை, தண்ணீர் பாட்டிலை பிரதமர் நரேந்திர மோடி அகற்றினார். இதுதொடர்பான வீடியோ தற்போது வேகமாக பரவி வருகிறது.
டெல்லியில் பிரகதி மைதான் திட்டத்தின் கீழ் பிரதான சுரங்கம் மற்றும் 5 சுரங்கப்பாதைகள் கட்டப்பட்டன. இந்த பணிகள் மத்திய அரசின் ரூ.920 கோடி மதிப்பீட்டில் மேற்கொள்ளப்பட்டது.
டெல்லியின் முதல் 1.6 கிலோமீட்டர் சுரங்கப்பாதை இதுவாகும். இதன்மூலம் மூலம் டெல்லியில் முக்கிய இடங்களில் போக்குவரத்து குறையும்.
டெல்லியில் போக்குவரத்து நெரிசல்
இந்த சுரங்கப்பாதையானது கிழக்கு டெல்லி, நொய்டா மற்றும் காஜியாபாத் பகுதிகளில் இருந்து இந்தியா கேட் மற்றும் பிற மத்திய டெல்லி பகுதிகளுக்கு பயணிக்கும் பயணிகளால் ஐடிஓ, மதுரா சாலை மற்றும் பைரன்மார்க் ஆகிய இடங்களில் போக்குவரத்து நெரிசல் குறைக்கும். இதனால் டெல்லி மக்கள் சற்று வேகமாக பயணத்தை மேற்கொள்ள முடியும்.
திறந்து வைத்த மோடி
இந்த நிலையில் தான் இன்று பிரதமர் நரேந்திர மோடி, டெல்லி பிரதான சுரங்கம் மற்றும் 5 சுரங்பாதைகளை திறந்து வைத்து நாட்டுக்கு அர்ப்பணித்தார்.விழாவில் பிரதமர் நரேந்திர மோடி பேசும்போது, ‛‛இந்த திட்டம் கொரேனா உள்பட பல தடைகளை தாண்டி நிறைவு பெற்றுள்ளது. இந்தியாவில் பல ஆண்டுகளாக வளர்ச்சி என்பது இல்லை. வளர்ச்சி என்பது வெறும் செய்தித்தாள்களின் செய்திகளில் மட்டுமே இருந்தது. தற்போது இந்த நிலை மாறியுள்ளது '' என பேசினார்.
குப்பையை அகற்றிய மோடி
மேலும் சிறப்பான தீ தடுப்பு மேலாண்மை, நவீன காற்றோட்டம் மற்றும் தானியங்கி வடிகால், சிசிடிவி கேமராக்கள் உள்ளிட்டவை உலகத் தரத்தில் சுரங்கப்பாதைகள் அமைக்கப்பட்டுள்ளன. இதனை பிரதமர் நரேந்திர மோடிசுற்றிப்பார்த்தார். அப்போது சுரங்கப்பாதையில் குப்பை, தண்ணீர் பாட்டில் கிடந்தது. இதனை பிரதமர் நரேந்திர மோடி கையில் எடுத்து அப்புறப்படுத்தினார். தற்போது இதுதொடர்பான வீடியோ வலைதளங்களில் வேகமாக பரவி வருகிறது.
|
மாமல்லபுரம் கடற்கரை
முன்னதாக 2019ல் பிரதமர் நரேந்திர மோடி தமிழ்நாட்டின் மாமல்லபுரம் கடற்கரையில் குப்பைகள் சேகரித்து அப்புறப்படுத்தினார். கங்கை நதி தூய்மைப்படுத்தும் திட்டத்தை செயல்படுத்தியது, நாட்டின் தூய்மைக்காக தூய்மை இந்தியா திட்டத்தை அவர் தொடங்கி வைத்ததும் குறிப்பிடத்தக்கது.
Click it and Unblock the Notifications
Sign in with Google