டெல்லி வந்த ஐநா சபைத் தலைவர் அப்துல்லா ஷாஹித்.. துணை ஜனாதிபதி ஜெக்தீப் தன்கருடன் சந்திப்பு!

Updated: Sunday, August 28, 2022, 16:22 [IST]

Subscribe to Oneindia Tamil

டெல்லி: ஐக்கிய நாடுகள் பொதுச் சபையின் தலைவர் அப்துல்லா ஷாஹித் இரண்டு நாள் பயணமாக இந்தியா வந்துள்ளார். அவரை வெளியுறவு அமைச்சக செயலாளர்கள் நேரில் சென்று வரவேற்றுள்ளனர்.

சில வாரங்களுக்கு முன் வேலை நிமித்தமாக ஐக்கிய நாடுகள் பொது சபையின் தலைவர் அப்துல்லா ஷாஹித் இந்தியாவுக்கு இரண்டு நாள் சுற்றுப்பயணம் மேற்கொள்வதாக ஐநா செய்தித்தொடர்பாளர்களால் அறிவிக்கப்பட்டது.

ஐக்கிய நாடுகள் பொதுச் சபையின் தலைவர் அப்துல்லா ஷாஹித் இரண்டு நாள் பயணமாக இந்தியா வந்துள்ளார். கஜகஸ்தானுக்கு சுற்றுப்பயணம் மேற்கொண்டிருந்த அவர், விமானம் வாயிலாக நேரடியாக டெல்லி விமான நிலையம் வந்தார்.

தொடர்ந்து ஐநா சபைத் தலைவர் அப்துல்லா ஷாஹித்தை மத்திய வெளியுறவுத்துறையைச் சேர்ந்த செயலாளர்களான பிரகாஷ் குப்தா மற்றும் கார்த்திக் பாண்டே ஆகியோர் நேரில் சென்று வரவேற்றுள்ளனர்.

ஐநா தலைவர் அப்துல்லா

இந்த சுற்றுப்பயணத்தின் போது ஐநா பொதுசபைத் தலைவர் அப்துல்லா ஷாஹித் சில மூத்த தலைவர்களுடன் பேச்சுவார்த்தை நடத்த உள்ளார். அதேபோல் ஐக்கிய நாடுகள் அமைப்பில் நடந்து வரும் பிரச்சினைகள் மற்றும் உலக அமைப்புகளுடனான நாட்டின் உறவுகள் உள்ளிட்ட விவகாரங்கள் குறித்து பேசப்படவுள்ளது.

ஜெக்தீப் தன்கருடன் சந்திப்பு

இந்தியா வந்துள்ள ஐநா பொதுசபைத் தலைவர் அப்துல்லா ஷாஹித் துணை ஜனாதிபதி ஜெக்தீப் தன்கர் மற்றும் வெளியுறவு செயலாளர் வினய் மோகன் குவாத்ராவை சந்திப்பார் என்று தெரிவிக்கப்பட்டுள்ளது. அதேபோல் இந்தியாவில் உள்ள ஐக்கிய நாடுகள் சபையின் ஒருங்கிணைப்பாளர் ஷோம்பி ஷார்ப்பையும் சந்திக்க உள்ளார். துணை ஜனாதிபதி ஜெக்தீப் தன்கருடனான சந்திப்பின் போது சில முக்கிய விவகாரங்கள் குறித்து பேசப்படும் என்று எதிர்பார்க்கப்படுகிறது.

முக்கிய முடிவு?

அதேபோல் வெளியுறவுத்துறை செயலாளர் வினய் மோகன் குவாத்ரா உடனான சந்திப்பில் முக்கிய விவகாரங்கள் குறித்து முக்கிய முடிவுகள் எடுக்கப்பட வாய்ப்புகள் இருப்பதாக கூறப்படுகிறது. அதேபோல் ஐநாவின் செயல்பாடுகளுக்கு இந்தியாவின் ஆதரவை கோருவார் என்றும் எதிர்பார்க்கப்படுகிறது.

பதவிக்காலம்

இந்தப் பயணத்தின் போது அப்துல்லா ஷாஹித் தனது அலுவலகத்தில் இருந்து மூன்று உறுப்பினர்களைக் கொண்ட குழுவுடன் பயணம் செய்வார் என்று தெரிவிக்கப்பட்டுள்ளது. மேலும், இவரது பதவிக்காலம் அடுத்த ஆண்டுடன் நிறைவடைய உள்ளது குறிப்பிடத்தக்கது.