21 வருடம் 66 நாட்களை கடந்து... புதிய கின்னஸ் சாதனை படைத்த சிஹுவாஹுவா வகை நாய்!
புளோரிடா: அமெரிக்காவைச் சேர்ந்த சிஹுவாஹுவா வகையை சேர்ந்த டோபிகீத் என்ற நாய் 21 வயது 66 நாட்களைக் கடந்து, அதிக நாட்கள் உயிர் வாழ்கின்ற நாய் என்ற கின்னஸ் சாதனைப் படைத்துள்ளது.
Recommended Video
மனிதர்களோடு எப்போதும் நட்பாக பழகும் விலங்குகளில் முதன்மையானது நாய் தான். நன்றிக்குப் பேர் போன நாய்கள், சாதனைகளுக்கும் பெயர் பெற்றவை. உருவத்தை வைத்து, செயல்களை வைத்து எனப் பல பிரிவுகளில் பல நாய்கள் கின்னஸ் சாதனைப் புத்தகத்தில் இடம் பெற்றுள்ளன.
அந்த வகையில் தற்போது, 21 ஆண்டுகள் 66 நாட்களைத் தாண்டி வாழ்ந்து வரும் நாய் ஒன்று, அதிக நாட்கள் உயிர் வாழ்ந்த நாயாக கின்னஸ் சாதனை படைத்துள்ளது.
சிஹுவாஹுவா வகை நாய்
அமெரிக்காவின் புளோரிடா மாகாணத்தில் வாழும் இந்த டோபிகீத் (TobyKeith) நாயானது சிஹுவாஹுவா வகையைச் சேர்ந்தது. 2001-ம் ஆண்டு ஜனவரி 9 தேதி பிறந்த இந்த நாய்க்கு தற்போது 21 வயதாகிறது. இதன் உரிமையாளர் பெயர் க்ரீனாக்ரேஸின் கிசெலா ஷோர் என்பவர். இவர் தனது செல்லப்பிராணி 21 வயதை கடந்து கின்னஸ் புத்தகத்தில் இடம் பெற்றிருப்பதை தனது சமூகவலைதளப் பக்கத்தில் மகிழ்ச்சியும், பெருமையும் கலந்து பதிவிட்டுள்ளார்.
21 வயது நாய்
பொதுவாக சிஹுவாஹுவா இன நாய்களின் சராசரி ஆயுட்காலம் 12 முதல் 18 ஆண்டுகள் வரை மட்டுமே. ஆனால் கிசெலாவின் நாய் 21 வயது 66 நாட்களை கடந்து வாழ்ந்து வருகிறது. எனவே, கின்னஸ் சாதனைப் புத்தகத்தில் இடம் பிடித்ததோடு, ‘உலகின் மிகப் பழமையான நாய்' என்ற பெருமையும் அது பெற்றுள்ளது.
மென்மையான செல்லப்பிராணி
தனது நாயின் சாதனைப் பற்றி கிசெலா தனது சமூகவலைதளப் பக்கத்தில் வெளியிட்டு பதிவில், "இனிமையான, மென்மையான மற்றும் அன்பான செல்லப்பிராணி. ஏற்கனவே இதனை வளர்ந்து வந்தவர்கள், தங்களுக்கு வயதாகி விட்டதால், இதனைப் பராமரிக்க இயலாமல் கஷ்டப்பட்டனர். எனவே அதனை நாங்கள் அதனை வாங்கினோம். அப்போது டோபிகீத்திற்கு 20 வயது என எங்களுக்குத் தெரியாது.
சிறிய மெய்க்காப்பாளர்
அதன் வயது தெரிந்தபோது அனைவரும் ஆச்சரியப்பட்டோம். டோபிகீத் எனது சிறிய மெய்க்காப்பாளர். எல்லா இடங்களிலும் என்னைப் பின்தொடர்கிறார். நாங்கள் டிவி பார்க்கும்போது என் மீது படுத்துக்கொள்கிறார்" எனக் குறிப்பிட்டுள்ளார். கூடவே கின்னஸ் அமைப்பின் பதிவையும் அவர் பகிர்ந்துள்ளார். இந்தத் தகவல் வைரலானதைத் தொடர்ந்து, கிசெலாவின் நாயைப் பற்றிய வீடியோக்களை நெட்டிசன்கள் தேடிப் பார்க்கத் தொடங்கியுள்ளனர்.
குவியும் லைக்குகள்
இதனால் கிசெலாவின் நாய் பற்றிய வீடியோக்கள் அதிக லைக்குகளைக் குவித்து வருகின்றன. கிசெலா தனது இன்ஸ்டாகிராமில் பகிர்ந்துள்ள வீடியோ மட்டும் சுமார் 17,000 க்கும் மேற்பட்ட லைக்குகளைக் குவித்துள்ளது குறிப்பிடத்தக்கது. வழக்கமாக உலகில் வயதான மனிதர்களைப் பற்றிய செய்திகள் தான் இணையத்தில் வைரலாகும். வித்தியாசமான தற்போது இந்த வயதான நாயைப் பற்றிய வீடியோக்கள் அதிகம் பகிரப்பட்டு வருகின்றன.
Click it and Unblock the Notifications
Sign in with Google