112 டாலரை தொட்ட கச்சா எண்ணெய்.. தங்கம் மற்றும் பெட்ரோல் விலையில் அடுத்த அதிரடி மாற்றம் என்ன?

Updated: Saturday, March 21, 2026, 18:58 [IST]

Subscribe to Oneindia Tamil

நியூயார்க்: அமெரிக்கா மற்றும் ஈரான் இடையிலான போர் பதற்றங்கள் மார்ச் 2026-ல் தீவிரமடைந்துள்ள நிலையில், அதன் தாக்கம் உலகளாவிய நிதிச் சந்தைகளில் மிகப் பெரிய அதிர்வலைகளை ஏற்படுத்தியுள்ளது.. குறிப்பாக, அமெரிக்க பங்குச்சந்தைகள் கடந்த பல மாதங்களில் இல்லாத அளவுக்குப் பெரும் சரிவைச் சந்தித்துள்ளன.. அதை பற்றி சுருக்கமாக பார்க்கலாம்.

நேற்று வெள்ளிக்கிழமை நிலவரப்படி, அமெரிக்காவின் முக்கியமான பங்குச்சந்தை குறியீடுகளான எஸ் அண்ட் பி 500 மற்றும் நாஸ்டாக் ஆகியவை கடந்த செப்டம்பர் மாதத்திற்குப் பிறகு மிக மோசமான சரிவை கண்டுள்ளதாக தகவல்கள் வெளியாகி உள்ளன.

கடந்த 4 வாரங்களாகவே அங்குள்ள சந்தைகள் தொடர்ந்து இறங்குமுகமாகவே இருக்கிறதாம்.. முதலீட்டாளர்கள் மத்தியில் ஒருவித பயம் நிலவுவதாகவும் தெரிகிறது.. இந்த பயத்தை அளவிடும் விக்ஸ் என்ற குறியீடு 11 சதவீதம் அதிகரித்துள்ளது.. அதாவது, சந்தையில் எப்போது என்ன நடக்கும் என்று தெரியாத ஒரு பதற்றமான சூழல் நிலவுகிறது.

பெட்ரோல், டீசல் விலை உயருமா?

ஈரான் ஒரு முக்கியமான எண்ணெய் உற்பத்தி நாடு என்பதால், இந்த போர் சூழல் கச்சா எண்ணெய் விநியோகத்தைப் பாதிக்கும் என்று அஞ்சப்படுகிறது.. இதன் காரணமாக, சர்வதேச சந்தையில் கச்சா எண்ணெய் விலை ஒரு பேரலுக்கு 112 டாலராக உயர்ந்துள்ளது.. இது கடந்த 4 ஆண்டுகளில் இல்லாத உச்சவிலையாகும் என்கிறார்கள் நிபுணர்கள்.

கச்சா எண்ணெய் விலை உயரும்போது, பெட்ரோல், டீசல் விலையும் அதிகரிக்கும்.. போக்குவரத்துச் செலவு கூடுவதால் காய்கறி முதல் மளிகைப் பொருட்கள் வரை அனைத்து அத்தியாவசியப் பொருட்களின் விலையும் உயர வாய்ப்புள்ளது.. இது மீண்டும் பணவீக்கத்தை ஏற்படுத்தி, பொதுமக்களின் வாழ்வாதாரத்தை நசுக்கும் என்று நிபுணர்கள் கூறுகிறார்கள்.

தற்காலிகத் தீர்வு என்ன?

இந்த நிலைமையை சமாளிக்கத்தான், அமெரிக்க அரசு ஒரு சிறிய தளர்வை அறிவித்துள்ளது.. கடலில் கப்பல்களில் தேங்கியுள்ள ஈரானின் கச்சா எண்ணெயை விற்பனை செய்ய வரும் ஏப்ரல் 19ம் தேதி வரை அனுமதி அளிக்கப்பட்டுள்ளது.. இதன் மூலம் சந்தையில் எண்ணெய்த் தட்டுப்பாட்டைச் சற்றே குறைக்கலாம் என்று அமெரிக்கா நம்புகிறது..

அதுமட்டுமல்ல, போர் விரைவில் முடிவுக்கு வரும் என்று முன்னால் அதிபர் டிரம்ப் சொல்லி உள்ளார்.. ஆனால், ஈரான் இதனை முழுமையாக நம்பவில்லை.. இதனால் சந்தையில் இன்னும் அமைதி திரும்பவில்லை..

ஆனால், யுத்தம் என்பது வெறும் ஆயுதங்களின் மோதல் மட்டுமல்ல, அது ஒவ்வொரு குடும்பத்தின் சமையலறையையும் பாதிக்கும் ஒரு பொருளாதார பிரச்சனை.. எரிபொருள் விலை உயர்ந்தால், அது ஏழை மற்றும் நடுத்தர மக்களின் பட்ஜெட்டையே தலைகீழாக மாற்றிவிடும்..

அமெரிக்கப் பங்குச்சந்தையின் வீழ்ச்சி என்பது ஏதோ ஒரு நாட்டுப் பிரச்சனை அல்ல, அது உலகம் முழுவதும் ஒரு பொருளாதார மந்தநிலையைக் கொண்டுவரும் அபாயம் கொண்டது..

அமைதியான பேச்சுவார்த்தைகள் மூலம் இந்தப் பதற்றம் குறைந்தால் மட்டுமே பங்குச்சந்தை உயரும், பொருட்களின் விலையும் குறையும்.. இந்த விவகாரத்தில் கூறப்படும் சில தகவல்கள், குறிப்பாக போர் நிலை, சந்தை எண்கள் மற்றும் தலைவர் தொடர்பான குறிப்புகள் ஆகியவை அதிகாரப்பூர்வமாக உறுதிப்படுத்தப்பட வேண்டியவை என்பதும் கவனிக்கத்தக்கது..

உலக நாடுகள் தலையிட்டு இந்த போரைத் தடுத்து நிறுத்த வேண்டியது காலத்தின் கட்டாயமாக இருக்கிறது.. அப்போதுதான் சாதாரண மக்களும் நிம்மதியாக வாழ முடியும்..!!