இதென்ன செவ்வாய் கிரகத்தில்.. கருப்பா எதோ போயிட்டு வருதே.. நாசா வீடியோ! அப்படியே ஆடிப்போன நெட்டிசன்ஸ்

Updated: Friday, April 22, 2022, 12:37 [IST]

Subscribe to Oneindia Tamil

நியூயார்க்: செவ்வாய் கிரகத்தில் இருந்து வீடியோ ஒன்றை நாசா வெளியிட்டுள்ளது. அந்த வீடியோவில் கருப்பு நிற உருவம் ஒன்று சூரியன் அருகே நகர்ந்து செல்வது போன்ற காட்சிகள் பதிவாகி உள்ளன.

எப்படி இருக்கும்?

சூரிய குடும்பத்தில் கிரகம் ஒன்றை மிக குறைந்த தொலைவில் சுற்றும் நிலவு ஃபோபோஸ்தான். 27 கிலோ மீட்டர் சுற்றளவு கொண்ட இந்த ஃபோபோஸ் நிலவு. இது செவ்வாய் கிரகத்தை 6000 கிமீ தூரத்தில் சுற்றி வருகிறது. செவ்வாய் கிரகத்தை சுற்றும் இன்னொரு நிலவான டெயிமோசை விட இது அளவில் பெரியது. டெயிமோஸ், ஃபோபோஸ் என்பது கிரேக்க புராணத்தில் வரும் போர் கடவுளான ஏர்சின் இரட்டை புதல்வர்களின் பெயர். இந்த இரண்டு பெயரின் அர்த்தமும் பயம் என்பதாகும்.

என்ன?

இந்த நிலையில்தான் செவ்வாய் கிரகத்தின் வீடியோ ஒன்றை நாசா வெளியிட்டுள்ளது. அந்த வீடியோவில் கருப்பு நிற உருவம் ஒன்று நகர்ந்து சூரியன் அருகே செல்வது வைரலாகி வருகிறது. செவ்வாய் கிரகத்தில் இருக்கும் நாசாவின் மார்ஸ் பிரெசெவரென்ஸ் மூலம் இந்த வீடியோ எடுக்கப்பட்டுள்ளது. சூரியனை பார்த்து மார்ஸ் பிரெசெவரென்ஸ் இந்த வீடியோவை பதிவு செய்துள்ளது. சூரியனின் நடுவில் கருப்பு நிறத்தில் மெதுவாக ஒன்று நகர்வது போல காட்சிகள் இந்த வீடியோவில் இடம்பெற்றுள்ளது.

விளக்கம்

இந்த வீடியோ இணையத்தில் வைரலானது. இதற்கு தற்போது நாசா விளக்கம் அளித்துள்ளது. அதன்படி பூமியில் ஏற்படுவது போல அங்கு சூரிய கிரகணம் ஏற்பட்டுள்ளது. அதாவது செவ்வாய் கிரகத்திற்கும், சூரியனுக்கும் இடையில் அங்கு இந்த ஃபோபோஸ் குட்டி பையன் வந்து உள்ளது. இதனால் அங்கு சூரிய கிரகணம் ஏற்பட்டுள்ளது. இதுதான் சூரியன் அருகே கருப்பு நிறத்தில் எதோ செல்வது போல செவ்வாய் கிரகத்தில் தோன்றி உள்ளது. செவ்வாய் கிரகத்தில் இருக்கும் நாசாவின் மார்ஸ் பிரெசெவரென்ஸ் மூலம் இந்த வீடியோ எடுக்கப்பட்டுள்ளது.

ஹிட்

நமக்கு சூரிய கிரகணம் ஏற்படும் போது இடையில் நிலவு செல்லும். ஆனால் நம்முடைய நிலவு பெரியதாக, வட்டமாக இருக்கும். இதனால் கிரகணம் ஏற்படும் போது பார்க்க அழகாக இருக்கும். ஆனால் செவ்வாய் கிரகத்தின் ஃபோபோஸ் நிலவு வட்டமான வடிவத்தில் இல்லை. இதனால் சூரியன் இடையே அது வரும் போது பார்க்க கொஞ்சம் வித்தியாசமாக இருக்கிறது. நாசாவின் மார்ஸ் பிரெசெவரென்ஸ் ரோவேரில் உள்ள Mastcam-Z மூலம் இந்த வீடியோ எடுக்கப்பட்டுள்ளது. Video credit NASA

நாசா

ஃபோபோஸ் பல ஆச்சர்யங்களை சுமந்து நிற்க கூடிய நிலவு. ஃபோபோஸ் நிலவு முழுக்க பல இடங்களில் சிறு சிறு குழிகள் உள்ளது. அங்கு நிலவும் வானிலை, தொடர்ந்து செவ்வாய் கிரகத்தை சுற்றுவது, செவ்வாய் கிரகத்தின் ஈர்ப்பு விசை ஆகியவைதான் இந்த குழிக்கு காரணம் ஆகும். இந்த ஃபோபோஸ் நிலவில் ஒரு பக்கம் பெரிய குழி காணப்படுகிறது. இது 9 கிமீ கொண்ட குழி ஆகும். இதனால்தான் இந்த ஃபோபோஸ் உருளைக்கிழங்கு போல காட்சி அளிக்கிறது. Video credit